Mae Khuru 19:1 - Buka Blahi Ka Cheke Holo

¹ Kate au teu mae Apolosi ka namono Korin, mae Pol liu mhata ne tei thoke Efesus. Mana ne filodi keha naikno khiloau jare.

Mae Khuru 19:1 ပူးပေါင်းရင်းမြစ်များ

Ululahu Korin 16:12

Eigna thabusida ka khiloau mae Apolosi, iara chekeni mana kmana fata mala ari baludi keha mae thabusigna mala sigho ghami ghotilo. Gognaro na mana theome ghathoni ngau te mala ari na, nu ka vido te snagla ginauna, mana na ari ka ghotilo.

Ululahu Korin 1:12

Igne gaoghathogna unha te chekeni iara na. Keha mae cheke eghu, “Iara nogna mae Pol.” Kehare cheke eghu, “Iara nogna mae Apolosi.” Kehare cheke eghu, “Iara nogna mae Pita.” Eghuteuna kehare cheke eghu, “Iara nogna mae Kraes.”

Mae Khuru 18:1

Ke leghugna igne, mae Pol jifla Atens ne tei ka namono Korin.

Mae Khuru 18:8

Mae biꞌogna suga tharai igne, nanghagna na mae Krispasi, mana baludi naikno te gnafa te au ka tharaknagna mana na ne kafe fatutuani ni Lord. Eghuteuna kmana naikno langau Korin ne fanomho ka mae Pol. Mare fatutuani ni mae Jisas ne apublahi.

Mae Khuru 19:17

Kate nomhini thoutonu igne, naikno Jiu ba Griki te au ka namono Efesus gre ne kafe mhaghu nodi fara. Eghuteuna naiknore ne ghatho tahuni nanghagna noda Lord Jisas.

Mae Khuru 19:26

Nu ghotilo filonihi nei nomhinihi eghu themi unha te eni mae Pol igne. Mae igne baubatu fadiꞌadi fara naiknore, theome ka tahati agne Efesus kolho, nu ka Provins Esia tongana. Naugna mana ne cheke eghu, ‘God te gnafa teke hohoro naikno igre theome tutuani kolho.’

Mae Khuru 20:16

Mae Pol magnahaghei te chari liu Efesus naugna mana tirogna au jare kmana narane ka Provins Esia. Mana magnahaghei ghosei thoke Jerusalem ame thoke mei nga narane Pentekos.

Mae Khuru 20:18

Kate mei mare ka mana na, mana ne cheke eghu ka mare, “Leuleghu fata kate au iara balumi ghotilo na, ghotilo lasenihi puhigu iara na, funu ka narane ulu lahu teke mei thoke iara ka Provins Esia.

Mae Khuru 21:29

Mare cheke eghu naugna mare filonihi mae Trofimas balugna mae Pol ke lamnagna namono biꞌo Jerusalem. Mae Trofimas gne mae gna Efesus. Mare gaoghathodi na mae Pol ne jafra te tathaleini mae Trofimas te tei ka Sugablahi na.

Ululahu Korin 4:6

Kheraguro, te mala laseni ghotilo unha te chekeni iara na, iara neke cheke eidi puhimi ghepa mae Apolosi, mala glola fakeli ka ghotilo gaoghathodi u cheke igre, “Ghotilo leghuni ngala unha te risoni ka grioriso te blahi na.” Ka puhi igne ghotilo ginauna theome tangomana te cheke fahaehagheni fara kaisei naikno ke uludi keha naiknore.

Ululahu Korin 15:32

Uve, iara tifa na magra ka glepo te fakaukathu re agne ka namono Efesus. Jame te eni iara igne leghuni nogna gaoghatho naikno kolho na, unha gne nate fakeli ghau iara te mala au papara iara na? Theo nafugna kolho. Jame te tutuani cheke igne, “Te theome tangomana teke karha fapulo iheire tela lehehira.” Eghume, iara ginauna leghuni kolho gaoghatho igne, “Tahati ima nei koꞌu eigna nathuꞌu na tahati lehe.”

Ululahu Korin 16:8

Nu iara ginauna au agne Efesus ghilei thokei narane Pentekos.

Efesus 1:1

God neke vahi ghau iara mae Pol mala nogna khuru mae Jisas Kraes. Iara riso ari ka ghotilo naikno khiloau te au ka namono Efesus iheire te leghuni fabrahu mae Jisas Kraes. Naugna ghotilo nognahi mana.