Mae Khuru 18:8 - Buka Blahi Ka Cheke Holo

⁸ Mae biꞌogna suga tharai igne, nanghagna na mae Krispasi, mana baludi naikno te gnafa te au ka tharaknagna mana na ne kafe fatutuani ni Lord. Eghuteuna kmana naikno langau Korin ne fanomho ka mae Pol. Mare fatutuani ni mae Jisas ne apublahi.

Mae Khuru 18:8 ပူးပေါင်းရင်းမြစ်များ

Mae Khuru 11:14

Mana ginauna na cheke ranghi nigho iagho. Glepo te chekedi mana re ginauna na fakarhi nigho nei tharaknamu tongana na.’

Mae Khuru 8:12

Nu kate mei toutonuni mae Filip u Nonomho te Keli eigna mae Jisas Kraes, nei eigna u nakarha te funei frunini God na teuna, kmana nalhaꞌu nei gaꞌase teu ka namono tuana ne fatutuani ne apublahi.

Mae Khuru 18:17

Naiknore lokini mae Sostinis mae biꞌogna suga tharai na ne purini mana ke ulugna suga mala fate na. Nu mae Galio ne tirogna nangani kolho u puhi te eni mare igne.

Mae Khuru 16:34

Ke leghugna igne mae greireghi suga sosolo na hatadi mae Pol ghe mae Silas ne tei ka sugagna na ne faꞌimadi. Mana nei tharakna na ne gleale'a fara naugna mare gognaro na la fatutuani God.

Mae Khuru 13:15

Kate iu'iju te gnafa mare nogna buka mae Moses nei nodi buka hatimare mae profet, goro mae biꞌogna suga tharai na ne cheke eghu ka mae Pol nei mae kheragna re eghu, “Kheraguro, ghehati magnahaghei ghami ghotilo te mala cheke ranghidi naikno gre, eghu te au nomi cheke ghotilo te mala toghodire.”

Mae Khuru 10:2

Mana kaisei mae keli fara, eghuteuna mana nei tharaknagna teuna mare ghatho tahuni nei pogho soruni eghu God. Mana toghodi fabiꞌo fara naikno te kumare nei mana tarai koba ka God.

Nonomho Te Keli Teke Risoi Mae Mak 5:35

Kate facheke nga teu mae Jisas ka naꞌa na, keha naikno ne mei funudi ka sugagna mae Jaerus mae biꞌo gna suga tharai na. Mare mei ne cheke eghu ka mae Jaerus, “Ghema, thumu gaꞌase iagho na la lehehi! Thosei fagloku biꞌoni mae velepuhi na.”

Nonomho Te Keli Teke Risoi Mae Mak 5:22

Kaisei mae biꞌogna suga tharai na ne mei mala filoni mae Jisas, nanghagna mae igne, mae Jaerus. Mana mei ne tuturupuku ke ulugna mae Jisas.

Matiu 28:19

Eghume, ghotilo tei mala farirhiudi naikno ka namono te gnafa ka nauthoglu igne mala nogu mae fanomho iara. Faꞌapublahidi ka nanghagna Mama nei Thugna nei Tharunga te Blahi.

Josua 24:15

Nu gognarona jame te tiromi leghuni ghotilo mana na, ghotilo mala vavahi god aheva gne te magnahagheni ghotilo na. Jame te magnahaghei leghudi ghotilo nodi god te chaichaghi naiknodi Mesopotemia teke tarai kuꞌeda tahati tifa igre teu tuare nomi ghotilo te mala ghathodi re. Ba jame ghotilo magnahaghei te leghudi nodi god te chaichaghi vikegna Amoa aheva te au teu tahati ka nodi glose na gognarogne, igne jaola nomi ghotilo te mala ghathoni na. Nu iara, balugna tharaknagu gne, ghehati ginauna leghuni kolho Lord.”

Jenesis 18:19

Iara neke vahini mae Ebraham gne mala thofno mae kheragu thegu neku. Eghume iara ginauna na cheke thakleni ka mae Ebraham nate roꞌeni iara namono biꞌo Sodom gne mala cheke mana ka goro thugna nei vikegna teu igre mala leghuni puhigna Lord na. Iara na eni igne mala au fakeli, nei doglo eghu naiknore. Eghuteuna kate filoni iara vikegna mae Ebraham te thofno leghuni puhigu iara na, iara ginauna na tusu ranghini mae Ebraham unha teke nhaꞌa chekeni iara ka mana na.”

Mae Khuru 18:1

Ke leghugna igne, mae Pol jifla Atens ne tei ka namono Korin.

Mae Khuru 19:1

Kate au teu mae Apolosi ka namono Korin, mae Pol liu mhata ne tei thoke Efesus. Mana ne filodi keha naikno khiloau jare.

Ululahu Korin 1:2

te riso ari letas igne ka ghotilo naikno khiloau te au ka namono biꞌo Korin. God kilo ghami ghotilo mala nogna naikno blahi mana baludi naikno heva heva te tore ka nanghagna noda Lord Jisas Kraes. Jisas noda Lord tahati gnafa!

Fapea Korin 1:1

Iara mae Pol. God neke vahi ghau iara mala nogna khuru mae Jisas Kraes. Ghepa mae kherada Timoti te riso ari letas igne ka ghotilo naikno khiloau te au Korin nei ka keha namono ke lamnagna Provins Akaia.

Fapea Korin 1:23

God laseni unha te chekeni iara ka ghotilo igne thofno tutuani fara, naugna mana thofno laseni nagnafagu iara na. Tutuani, iara theome ariu ka ghotilo Korin, naugna iara theome magnahaghei te para ghami ghotilo na.

Fapea Korin 6:11

Uve kheraguro ka namono Korin! Ghehati cheke ari ka ghotilo gaoghathomi te gnafare, eghuteuna ghehati thofno namha ghami ghotilo ka nagnafamire.

Fapea Timoti 4:20

Mae Erastus neke theome mei balugu iara, nu mana au faleghu ka namono Korin. Eghuteuna mae Trofimas na iara ne liliseini mana jare Maelitas eigna mana ne fogra fara.