Mae Khuru 18:4 - Buka Blahi Ka Cheke Holo

⁴ Leuleghu narane Sabat na mae Pol ne tei toutonu ranghidi mae Jiu nei mae Griki ka suga tharai na mala fatutuani ni mae Jisas.

Mae Khuru 18:4 ပူးပေါင်းရင်းမြစ်များ

Fapea Korin 5:11

Naugna igne ghehati tangomana te thofno ghatho tahuni Lord, nei fariuriu mala toghodi naiknore mala fatutuanidi nomi chekere eigna thofno karha. God na lase ghami farahi ghehati, eghuteuna te ghathoni iara na ghotilo jaola lase ghami fara ghehati.

Mae Khuru 28:23

Aonu mae Pol nei hatimare mae Jiu teure ne vahini kaisei narane mala teke mei mare ka mae Pol na. Ka narane tuana kmana naikno te mei khapru ka suga te au mana na. Mae Pol ne funu cheke ka mare vuha hamerane ne ghilei thoke fei grafi, rurutha fakeli ka naiknore eigna u nakarha God te funei frunini. Mana ne cheke thakledi u cheke eigna mae Jisas te au ka nogna vetula mae Moses nei ka nodi grioriso hatimare mae Profet. Mana fariuriu fara ka mare mala fatutuani ni mae Jisas.

Mae Khuru 17:17

Aonu mae Pol ne cheke ke lamnagna suga tharai na ranghidi mae Jiu nei mae Griki ihei te pogho soru ka thofno God mala laseni u thofno tutuani eigna God. Mana jaola leghu narane na cheke ka naikno teke mei ka maket re.

Mae Khuru 26:28

Mae King Agripa ne cheke eghu ka mae Pol, “Ba, iagho fariuriu ghau iara ka vido kmoꞌei igne mala nogna naikno mae Kraes sia?!”

Mae Khuru 19:26

Nu ghotilo filonihi nei nomhinihi eghu themi unha te eni mae Pol igne. Mae igne baubatu fadiꞌadi fara naiknore, theome ka tahati agne Efesus kolho, nu ka Provins Esia tongana. Naugna mana ne cheke eghu, ‘God te gnafa teke hohoro naikno igre theome tutuani kolho.’

Mae Khuru 19:8

Jame thilo nhigra, mae Pol ne tei koba ka suga tharai na ne cheke faheta fara ka naiknore. Mana ne frane ne toutonu ka naiknore mala laseni eigna u nakarha God te funei frunini.

Mae Khuru 18:13

Mare ne cheke eghu ka mae Galio, “Ghema Primia, mae igne farirhiudi naiknore mala pogho soruni God ka puhi te blahi fara ka nomi vetula ghehati mae Jiu gre!”

Mae Khuru 17:11

Naikno Jiu te au Berea gre thono ke keli tadi fara ka naikno Jiu te au Tesalonika re. Mare magnahaghei fara te fanomho ka glepo te chekedi mae Pol ghe mae Silas. Naikno igre leuleghu narane na iu'ijuni grioriso te blahi na mala lase fakelini glahula tutuani ba theo kolho glepo igre.

Mae Khuru 13:14

Ke leghugna igne mare jifla Pega ne tei thoke Antiok, kaisei namono rhegna Provins Pisidia. Kau narane Sabat na mare ne tei ka nodi suga tharai mae Jiu.

Luku 16:31

“Mae Ebraham ne cheke eghu ka mana, ‘Theo. Te theome fanomho la mare ka mae Moses nei ka hatimare mae profet teuna, mare na theome fanomho la ka mae iheire teke kegra fapulo ka glehe na.’ ”

Luku 4:16

Ke leghugna igne mae Jisas neke tei Nasaret, ka namono aheva mana teke biꞌo haghe na. Leuleghu narane Sabat na, mana tei koba ka suga tharai na. Kaisei narane Sabat, mana kegra haghe ne iu'iju u grioriso te blahi na ranghidi naiknore.

Fapea Kronikols 32:11

Jau King Hesekaea gne chaghi ghami ghotilo cheke eghu, ‘Lord noda God tahati igne ginauna fakarhi ghita ka khamegna king gna Asiria.’ Theo, mana chaghi ghami ghotilo kolho. Mana ginauna falehe ghami ghotilo kolho ka grofo nei roi koꞌu eghu.

Jenesis 9:27

Iara toreni God mala fabruaradi thugna mae Jafet gre ginauna, eghuteuna thugna mae Jafet igre ginauna mala kaisei ngala baludi thugna mae Sem gre. Eghuteuna thugna mae Kenan re ginauna mae sneka kolho ka mae Jafet.”

Jone 7:35

Hatimare mae Jiure nomhidi cheke mana igre ne cheke eghu fari thedi, “Sei, na tei aheva si mae ignea mala theome filoni tahati? Ba, na tei ka naikno tahati te au ka namonodi mae Griki ra? Ba mala tei farirhiudi mae Griki are?

Mae Khuru 9:20

Mana doglo ne tei lamnagna nodi suga tharai mae Jiure ne toutonu eigna mae Jisas na thofno Thugna God.

Mae Khuru 14:1

Jare ka namono Aekoniam mae Pol ghe mae Banabas ne jaola ne ruma ka nodi suga tharai mae Jiure. Kmana naikno ne fatutuani ni mae Jisas, naugna phiamare ne cheke balu nolaghi.

Mae Khuru 18:19

mala tei thoke ka namono Efesus. Aonu mae Pol ne jifla kokodi jare ne tei thegna ne ruma ka suga tharai na ne toutonu ranghidi mae Jiure.