Mae Khuru 18:26 - Buka Blahi Ka Cheke Holo

²⁶ Mae Apolosi gne kaisei mae frane fara ne tei ka nodi suga tharai mae Jiure ne funu toutonu eigna mae Jisas ka mare. Eghuteuna Prisila ghe mae Akuila nomhidi nogna cheke mana re ne hatani mana ne tei ka nodi suga na. Repa ne toghoni mana mala lase fakelini eigna puhi te mala thofno laseni God na.

Mae Khuru 18:26 ပူးပေါင်းရင်းမြစ်များ

Hibru 6:1

Naugna igne tahati mala tei faꞌulu ka farirhiu jateula gano te maku eghu eigna mae Kraes te nabadi goro naikno biꞌo. Eghuteuna lisa lao u nafnata farirhiu eigna mae Jisas Kraes jateula chuꞌu teu te nabadi goro sua kolho. Na eghunu farirhiudi koba tahati unha teke edihi tifeiro ra eghu. Tulao, lisa laodi u nafnata farirhiu te mala hogri nagnafa eidi glepo te mala batu ghita kau glehe, nei farirhiu te mala fatutuani ni God

Ululahu Korin 12:21

Eghume, tatha na theome tangomana te cheke eghu ka khame na, “Iara theome magnahaghe nigho.” Eghuteuna pha'u na jaola theome tangomana te cheke eghu ka phei ghahere, “Iara theome magnahaghe ghami ghopa.”

Mae Khuru 18:25

Naikno khiloaure neke farirhiuni mana eigna puhi te mala fatutuani ni Lord na. Eghuteuna mana ne brana fara ka tharunga mala toutonuni u Nonomho te Keli na, nei famane farirhiudi glepo te tutuani eigna mae Jisas. Nu mana laseni kolho u nafnata apublahi teke toutonuni mae Jone Apublahi tifa ia.

Mae Khuru 14:3

Nu mae Pol ghe mae Banabas ne au faraugha Aekoniam, eghuteuna phiamare ne theome mhaghu te toutonuni chekegna Lord na. Aonu Lord ne falalase ka naiknore te tutuani nogna cheke na. Naugna mana ne tusu ranghidi phiamare nolaghi te mala edi kofubobhoi nei fagaglana.

Fapea Pita 3:18

Nu ghotilo mala au fabrahu ka nogna khokofakasai nei glalase noda Lord Jisas Kraes. Tahati kilo fnaknoni tifa tifa nanghagna noda Lord mae ihei teke fakarhi ghita. Amen. Me gnafa. Iara, mae Pita.

Ululahu Korin 3:18

Thosei chaghi ghami themi. Jame kaisei mae ke lamnami ghotilo te magnahaghei lalase fara ka nafnata glalase gna nauthoglu igne na, nabagna na mana mala jateula te meomekro eghu ka puhigna nauthoglu igne mala tangomana mana teke lalase fara na.

Mae Khuru 28:23

Aonu mae Pol nei hatimare mae Jiu teure ne vahini kaisei narane mala teke mei mare ka mae Pol na. Ka narane tuana kmana naikno te mei khapru ka suga te au mana na. Mae Pol ne funu cheke ka mare vuha hamerane ne ghilei thoke fei grafi, rurutha fakeli ka naiknore eigna u nakarha God te funei frunini. Mana ne cheke thakledi u cheke eigna mae Jisas te au ka nogna vetula mae Moses nei ka nodi grioriso hatimare mae Profet. Mana fariuriu fara ka mare mala fatutuani ni mae Jisas.

Mae Khuru 8:31

Mae biꞌo na ne cheke eghu, “Thono theo fara. Faꞌunha me laseni iara eghu te theo kaisei mae te mala farirhiu ghau na?” Mana ne toreni mae Filip mala apla haghe ka chariot na mala gnokro rhegnai.

Jone 7:17

Mae ihei te magnahaghei leghuni unha glepo te magnahaghedi God re, mae tuana ginauna lasedi unha te chekedi iara igre neke mei funudi ka God teuna. Mana ginauna laseni u farirhiu igre theome nogu iara thegu.

Luku 24:27

Aonu mae Jisas ne funu rurutha fakeli ka phiamare gobigna lepo teke rioriso mare eigna thegna ka grioriso te blahi ra. Mana ne fufunu ka nogna grioriso mae Moses nei ka chekedi hatimare mae profet te gnafare.

Luku 19:26

Mae funei na ne cheke eghu ka mare, ‘Tutuani fara, nu mae ihei te loku fakeli ka unha te au ka mana na, nogna mae funei na ginauna nake tusu laoi keha ka mana. Nu ihei te theome loku fakeli ka unha te au tagna na, neubane katha glepo ikoi te au ka mana na, nogna mae funei na ginauna nake hata fadelei ka mana.

Nonomho Te Keli Teke Risoi Mae Mak 10:15

Tutuani fara, te chekeni iara ka ghotilo na. Mae ihei te theome magnahaghei jateula sua igne teu te mei ka God na, mana ginauna na theome nabagna te au farihoteidi naikno God te funei frunidire.”

Profet Isaia 58:1

Lord ne cheke eghu ka iara, “Iagho eha fabiꞌo jateula naogla khufli eghu! Toutonu ranghidi nogu naikno iara Israel, eigna puhi te figri tagru ghau nei eidi nakhibo teu are.

Proveb 25:12

Nogna cheke te rheta mae te autagna gaoghatho te keli te cheke ka mae te lase fanomho na, famane fara jateula famane ring gol nei chen eghu.

Proveb 9:9

Te farirhiuni iagho mae te autagna gaoghatho te keli na, gaoghathogna mana na ginauna thofno keli fara. Farirhiuni mae te doglo na, mana ginauna lalase salaꞌui.

Proveb 1:5

Buka igne ginauna toghoni mae ihei te lalase fara mala biꞌo salaꞌui mana nogna glalase na. Eghuteuna mana ginauna farirhiudi iheire te au tadi gaoghatho te keli mala leghuni mare nabrou te keli na.

Ululahu Korin 8:2

Ihei te cheke eghu na, “Iara lasedi fara gobigna lepore” teuna, naikno tuana theome thofno laseniu kolho puhi glalase na.

Mae Khuru 18:18

Mae Pol ne au Korin kmana narane baludi naikno khiloau re. Ke leghugna igne, mana jifla ne tei ka namono Kenkria. Jare mana ne kuchi fakmoꞌei khaklagnare. Igne kaisei nogna nhaꞌa cheke mana ka God. Aonu mana saghe ka vaka ne tei Siria. Prisila ghe mae Akuila ne tei balugna mana

Mae Khuru 19:8

Jame thilo nhigra, mae Pol ne tei koba ka suga tharai na ne cheke faheta fara ka naiknore. Mana ne frane ne toutonu ka naiknore mala laseni eigna u nakarha God te funei frunini.