Mae Khuru 18:23 - Buka Blahi Ka Cheke Holo

²³ ne au jare katha vido kmoꞌei. Eghuteuna jifla jare ne tei sala'u ka phei Provins Galesia nei Frijia. Mana ne tei tei ka namono te kmana te au ke lamnadi phei provins tuare mala toghodi naikno khiloaure mala biꞌo nodi fatutuani na.

Mae Khuru 18:23 ပူးပေါင်းရင်းမြစ်များ

Mae Khuru 14:22

Phiamare ne toutonu ranghidi naikno khiloaudi thilo namono tuare mala rhetau nodi fatutuani na. Mae Pol ghe mae Banabas ne cheke eghu, “Ghotilo hetau ngala nomi fatutuani na ka mae Jisas. Naugna tahati naikno te leghuni mae Jisas gre mala ruma ke lamnadi thuagna naꞌau papara gre ame tangomana nga tahati te hatini u thofno karha te funei frunini God na eghu.”

Mae Khuru 16:6

Mae Pol nei mae balugna re eghu ne tei sala'u ka Provins Frijia nei Provins Galesia. Naugna mae Tharunga te Blahi na theome snakredi mare te toutonuni u Nonomho te Keli na ka Provins Esia.

Mae Khuru 15:41

Phiamare ne tei sala'u ka phei provins Siria nei Silisia, neke farerheta khiloau jare re.

Mae Khuru 15:32

Mae Judas ghe mae Silas gre, phiamare neke mae profet la, phiamare neke chekedi kmana glepo mala toghodi nei farerhetadi teu naikno khiloau re.

Ululahu Tesalonika 5:14

Kheraguro, ghehati tore ghami ghotilo mala cheke fahetadi iheire te thodo loku. Fafranedi iheire te mhaghu. Toghodi iheire te nigra. Thoghei famane cheke ranghidi naikno te gnafa.

Galesia 4:14

Neubane fapuhi biꞌo ghami nogu fogra iara gne, ghotilo neke theome filo fadiꞌa ghau ba khi ghau iara. Theo. Ghotilo neke taji fakeli ghau iara jateula kaisei engel nogna God neku. Uve, ghotilo neke taji ghau iara jateula iara te mae Jisas Kraes thegna neku.

Ululahu Korin 16:1

Gognaro na iara magnahaghei chekeni ka ghotilo eigna sileni te mala toghodi naikno khiloau te au Jerusalem. Ghotilo mala edi unha teke chekedihi iara ranghidi khiloau ka Provins Galesia.

Ululahu Tesalonika 4:18

Eghume fari totoghoi ka cheke igre.

Ululahu Tesalonika 3:2

eghuteuna neke kuru arini mae kherada Timoti ka ghotilo. Mae Timoti kaisei mae nogna gloku God te loku balumi ghehati mala toutonu ranghidi naiknore Nonomho te Keli eigna mae Kraes. Ghehati kuru arini mala farheta ghami nei toghodi eghu mana nomi fatutuani ghotilo re.

Galesia 1:2

Iara nei naikno khiloau fateo te au balugu igre kubae ghami ghotilo naikno te au ka Provins Galesia.

Mae Khuru 16:40

Aonu kate jifla mei ka suga sosolo na, phiamare ne kulu tei ka sugagna Lidia na. Phiamare ne thafodi keha naikno khiloau ka sugagna Lidia na ne toutonu ranghidi mala ke fakeli nagnafadi. Ke leghugna igne, phiamare ne jifla ka namono tuana.

Luku 22:43

Eghuteuna kaisei engel funugna kligna mei ne thakle ka mana mala toghoni mana.

Luku 22:32

Nu iara tarai eimu iagho mala theome blogho iagho ka nou fatutuani na. Eghuteuna kate figri mei iagho ka iara na, iagho ke toghodi mae kheramu are mala ke heta fapulo mare nodi fatutuani na ka iara.”

Profet Daniel 11:1

Mae igne ne cheke eghu ka iara, “Ka finogha ululahu King Darius gna Pesia te funei Babilonia igne, iara neke reireghini nei toghoni neku mana mala kegra rheta mana.

Esra 1:6

Keha naikno te au rhedi mare ka namono tuare na toghodi mare. Mare na falao glepo teke horo ka silva nei gol, nei glepo te nabadi mare ka nabrou, nei dongki te mala luja nodi glepo mare igre, nei jaola keha glepo te keli baludi gano leghuni unha te magnahagheni mare.

Diutronomi 3:28

Nu iara magnahaghei te famane cheke ka mae Josua, eghuteuna iagho farerheta gaoghathogna mana na, naugna ginauna mana u ngala te mala batudi naiknore te kasa ka Khoꞌu biꞌo Jordan mala hata glose nate filoni iagho na.’

Luku 1:3

Uve, mae biꞌo Teofilas, iara neke kulu hiro fakeli dila gobigna lepo igre ka narane teke fufunudi glepo igre. Eghume iara gognaro na magnahaghei te riso ranghi nigho eidi glepo igre

Mae Khuru 2:10

Frijia, Pamfilia, Ijep, ka nohigna Libia rhegna namono Saerini. Keha ka tahati mae Jiu mei funudi Rom kolho,

Mae Khuru 19:1

Kate au teu mae Apolosi ka namono Korin, mae Pol liu mhata ne tei thoke Efesus. Mana ne filodi keha naikno khiloau jare.

Galesia 1:9

Iara gognaro nake cheke leuleghu ka unha teke chekedihi ghehati ka ghotilo tifa ra. Jame ihei te toutonuni u Nonomho te Keli te nhogri ka unha teke fatutuani nihi ghotilo na, mae tuana nabagna na toreni God mala au papara mana ka namono Gehena.