Mae Khuru 18:21 - Buka Blahi Ka Cheke Holo

²¹ Nu kate namo jifla te tei na, mae Pol ne cheke eghu ka mare, “Jame te nogna gaoghatho God na, iara ginauna nake pulo mei mala ke filo ghami ghotilo.” Aonu mana saghe ka vaka ne jifla kokoni Efesus.

Mae Khuru 18:21 ပူးပေါင်းရင်းမြစ်များ

Ululahu Korin 4:19

Nu jame te magnahaghei ghau iara God na, iara ginauna theome raugha ari ka ghotilo. Eghuteuna ka narane tuana iara ginauna na nomhidi nodi cheke fahaehaghe mae te fahaehaghe tuare, nu jaola iara ginauna ari filoni unha nafnata nolaghi te au ka mare na.

Jemes 4:15

Eghume ghotilo jame khogla cheke eghu kolho, “Jame magnahagheni God na, tahati ginauna na karha fabrahu mala eni glepo igne.”

Hibru 6:3

Theo, tahati ginauna na farirhiu glepo te majaghani gognaro gre naba te lasedi goro mae biꞌo, eghu te thofno snakreni God te mala eni tahati na.

Letas Teke Riso Tei Mae Pol Ka Khiloau Rom 15:32

Eghuteuna jame te magnahagheni God na, iara ginauna ari filo ghami. Tutuani fara, iara ginauna gleale'a fara te filo ghami nei gnafa fakeli nogu balumi ghotilo.

Letas Teke Riso Tei Mae Pol Ka Khiloau Rom 1:10

Tutuani, leuleghu fata kate tarai na iara jaola toreni God mala tothora nabrou ranghi ghau te mala ari filo ghami ghotilo jare na. Te leghuni gaoghathogna God na, leghu lahu na iara ginauna na tangomana te ari posa ka ghotilo na.

Mae Khuru 20:16

Mae Pol magnahaghei te chari liu Efesus naugna mana tirogna au jare kmana narane ka Provins Esia. Mana magnahaghei ghosei thoke Jerusalem ame thoke mei nga narane Pentekos.

Ululahu Pita 3:17

Jame teke gaoghathogna God te mala au papara tahati eidi glepo te keli teke edi tahati igre na, tuana keli kolho. Nu thono diꞌa fara jame te au papara tahati na naugna te eni tahati unha te theome doglo na.

Fapea Korin 13:11

Uve kheraguro, ghehati magnahaghe ghami ghotilo te gleale'a. Fariuriu edi unha te chekedi iara ka ghotilo gre mala thofno au klino. Eghuteuna ghotilo te gnafa na mala kaisei gaoghatho ngala nei mala kaisei au ngala kau pharikeli. Ka puhi igne God mae ihei te tusu ranghi ghita u namha nei pharikeli teu igne ginauna au balumi ghotilo.

Ululahu Korin 16:7

Iara theome magnahaghei te filo ghami gognaro na naugna iara au katha vido kmoꞌei kolho. Gaoghathogu na iara magnahaghei te ari au faraugha balumi ghotilo, eghu jame te snakre ghau Lord na.

Mae Khuru 21:14

Ghehati theome tangomana ghami te cheke faꞌunha teu ka mana te mala tughu nagnafa mana na, aonu ghehati faꞌiho ghami kolho ne cheke eghu, “Unha te magnahagheni Lord na tuana ngala te mala eni na.”

Mae Khuru 19:21

Ke leghudi te edi glepo igre, mae Tharunga te Blahi na ne batuni mae Pol ne tei thoke Jerusalem. Eghuteuna ame tei thokei nga Jerusalem teku na, mana magnahaghei te tei sala'u ka phei provins Masidonia ghe Akaia. Mana ne cheke eghu, “Ke leghugna te tei iara ka namono igre, iara ginauna na tei thokela Rom.”

Luku 9:61

Eghuteuna kaisei mae langau ne cheke eghu, “Mae funei, iara ginauna na tei balumu iagho. Nu ulu lahu na iagho snakre ghau iara mala ke pulo kubaedi vikegu ra.”

Matiu 26:39

Mae Jisas ne riu fadelei katha vido ka thilo mare. Mana pogho soru ne tarai, “Mama, jame te tangomana na, thosei snakre ghau iara mala au papara ka nafnata puhi igne. Nu eni unha te magnahagheni iagho themu na, theome leghui unha te magnahagheni iara na.”

Diutronomi 16:1

Aonu mae Moses ne cheke eghu, “Leuleghu finogha, ka nhigra Abib, ghotilo ei Gaghamu Ghasa-Polho. Ghotilo eni gaghamu igne, naugna kaisei bongi ka nhigra Abib, Lord, nomi God ghotilo na neke hata fajifla ghami ghotilo Ijep.

Nonomho Te Keli Teke Risoi Mae Mak 6:46

Ke leghugna te kuru teidi re, mana ne haghe ka thogele na mala tarai.

Mae Khuru 18:19

mala tei thoke ka namono Efesus. Aonu mae Pol ne jifla kokodi jare ne tei thegna ne ruma ka suga tharai na ne toutonu ranghidi mae Jiure.

Mae Khuru 18:20

Kate toreni mana hatimare te mala au baludi katha vido na, mae Pol ne tirogna.

Mae Khuru 18:24

Ka vido tuana, kaisei mae Jiu teke karha Aleksadria na, mana tei ne posa Efesus. Mae igne nanghagna na, mae Apolosi. Mae Apolosi gne kaisei mae lase cheke fara, nei laseni fara u grioriso te blahi na.

Mae Khuru 19:1

Kate au teu mae Apolosi ka namono Korin, mae Pol liu mhata ne tei thoke Efesus. Mana ne filodi keha naikno khiloau jare.

Mae Khuru 19:17

Kate nomhini thoutonu igne, naikno Jiu ba Griki te au ka namono Efesus gre ne kafe mhaghu nodi fara. Eghuteuna naiknore ne ghatho tahuni nanghagna noda Lord Jisas.

Mae Khuru 21:29

Mare cheke eghu naugna mare filonihi mae Trofimas balugna mae Pol ke lamnagna namono biꞌo Jerusalem. Mae Trofimas gne mae gna Efesus. Mare gaoghathodi na mae Pol ne jafra te tathaleini mae Trofimas te tei ka Sugablahi na.

Ululahu Korin 15:32

Uve, iara tifa na magra ka glepo te fakaukathu re agne ka namono Efesus. Jame te eni iara igne leghuni nogna gaoghatho naikno kolho na, unha gne nate fakeli ghau iara te mala au papara iara na? Theo nafugna kolho. Jame te tutuani cheke igne, “Te theome tangomana teke karha fapulo iheire tela lehehira.” Eghume, iara ginauna leghuni kolho gaoghatho igne, “Tahati ima nei koꞌu eigna nathuꞌu na tahati lehe.”

Ululahu Korin 16:8

Nu iara ginauna au agne Efesus ghilei thokei narane Pentekos.

Efesus 1:1

God neke vahi ghau iara mae Pol mala nogna khuru mae Jisas Kraes. Iara riso ari ka ghotilo naikno khiloau te au ka namono Efesus iheire te leghuni fabrahu mae Jisas Kraes. Naugna ghotilo nognahi mana.

Thakle 1:11

Mana ne cheke eghu ka iara, “Ghema Jone, iagho rioriso soru unha teke filodi iagho re, eghuteuna fatei buka igne ka khiloau te au ka fitu namono igre, Efesus, Smana, Pegamum, Teatira, Sadis, Filadelfia, nei Leodisia.”

Thakle 2:1

Mae igne ne cheke eghu ka iara, “Iagho rioriso kaisei letas ranghini engel gna khiloau Efesus, eghuteuna iagho cheke eghu ka mana: Igne nogu cheke iara mae te louloku fitu nathunu fei nhetagu, nei nonolo farihoteidi fitu juta teke hohoro ka gol gre teuna.