Mae Khuru 18:15 - Buka Blahi Ka Cheke Holo

¹⁵ Nu glepo te chekedi ghotilo igre khogla magradi kolho eidi u cheke ba nangha ba eidi nomi vetula themi gre kolho. Eghume nabagna na ghotilo fadoglini kolho themi. Iara theome magnahaghei te fateni puhi tuana ka ghotilo.”

Mae Khuru 18:15 ပူးပေါင်းရင်းမြစ်များ

Mae Khuru 23:29

Te filoni iara na, mae Jiu gre te chekeni na mae Pol gne ne edi keha glepo te jafra fara. Nu fathoro igre eidi nodi vetula thedi kolho. Eghuteuna theo kaisei fathoro te nabagna te mala sosolo ba te lehe mana na.

Mae Khuru 25:19

Glepo te chekedi mare eigna nodi God thedi mae Jiu kolho, nei eigna kaisei mae la lehehi tifa, nanghagna na mae Jisas. Nu te chekeni mae Pol na mae igne karhau ngala gognaro na!

Ululahu Timoti 6:4

Naikno te farirhiu chaichaghi igre theome laseni kaisei glepo nu mare fahaehaghe fara eghu, eghuteuna au gaoghatho te diꞌa mala magra fabrahu eidi nafnata cheke te theo nafudi. Nafnata puhi igne faꞌeiꞌeidi naiknore mala goghotu, magra, nagho nei au gaoghatho te diꞌa.

Taetus 3:9

Nu thosei au baludi iagho naikno te chekedi gobigna lepo te fameomekro ba te magra eidi susurei teke funu tifa teke mei, ba naikno te fapoaphola, ba magra eigna u gaoghathogna nogna vetula mae Moses. Eghume u glepo te edi mare tuare theome glepo mala toghoni kaisei naikno.

Fapea Timoti 2:23

Nu iagho thosei cheke ba fanomho ka cheke te theo gaoghathodi are. Iagho lasedihi glepo igre khogla faꞌeiꞌeidi naiknore mala magra eghu kolho.

Ululahu Timoti 1:4

Iagho jaola chekedi mae te farirhiu chaichaghi tuare mala thosei toutonudi mare nafnata susurei te theome tutuani nei thura nangha te brahu, nanghadi hatimare mae biꞌodi tifa ra. Glepo igre mala faꞌeiꞌei magra kolho ka naiknore, eghuteuna naiknore ginauna theome eni unha teke ghathoni God te mala eni mare teku na. Naugna kaisei puhi fatutuani ngala te tangomana te mala togho ghita te mala leghuni tahati gaoghathogna God na.

Mae Khuru 26:3

Iara thofno gleale'a fara te cheke ka iagho na. Naugna iagho lasedi fara nomi kastom ghehati mae Jiu, nei iagho lase nila eigna u nomi nafnata magra ghehati igne. Eghume iara tore nigho iagho mala fanomho fakeli ka nogu cheke iara gre.

Mae Khuru 25:11

Jame eni tutuani iara kaisei glepo te diꞌa nabagna te mala lehe na, iara ginauna theome tangomana te karha kau glehe na. Nu te theome tutuani fathoro te edi ranghi ghau iara hatimare mae Jiu igre, theo kaisei naikno te au nogna nolaghi te mala snakre lao ghau iara ka mare na. Theo! Eghume iara magnahagheni thegna mae funei biꞌogna Rom te mala fate ghau na!”

Matiu 27:24

Mae Paelat laseni mana theome tangomana te eni kaisei glepo eigna igne. Naugna magra na la fufunuhi, mana hata keha khoꞌu ne titihi khame ke uludi naiknore. Aonu mana ne cheke eghu, “Iara theo kaisei nakhibogu ka glehegna mae te doglo igne! Nu nakhibomi ghotilo themi te eni na!”

Jone 18:31

Mae Paelat ne cheke eghu ka mare, “Te eghuna ghotilo athani mana mala fateni mana ka nomi vetula themi.” Mae Jiu gre ne cheke eghu ka mana, “Ghehati theome tangomana te faleheni naikno na, naugna ghotilo mae Rom theome snakre ghami ghehati te mala fateni nei faleheni teu naikno na.”

Matiu 27:4

Mae Judas ne cheke eghu ka mare, “Iara la jafrahi, naugna iara ne majorani mae te theo kaisei nakhibogna na ka glehe.” Mare ne cheke eghu ka mana, “Tuana nou puhi iagho themu kolho, theome nomi puhi ghehati.”

Mae Khuru 18:13

Mare ne cheke eghu ka mae Galio, “Ghema Primia, mae igne farirhiudi naiknore mala pogho soruni God ka puhi te blahi fara ka nomi vetula ghehati mae Jiu gre!”