Mae Khuru 18:14 - Buka Blahi Ka Cheke Holo

¹⁴ Mae Pol ne thogra cheke tughuni igne, nu mae Galio ne cheke eghu ka mae Jiure, “Jame eni mae igne kaisei puhi te diꞌa fara, ba kaisei najafra biꞌo iara jame magnahaghei fanomho ka ghotilo.

Mae Khuru 18:14 ပူးပေါင်းရင်းမြစ်များ

Hibru 5:2

Mae pris biꞌo na mala kokhonidi nei toghodi eghu iheire te loku jafra naugna mare theome laseni unha te eni fadiꞌa na. Mana eni igne naugna mana thegna na jaola nigra ke ulugna God.

Fapea Korin 11:4

Naugna ghotilo snakredi naiknore te ari toutonu eigna kaisei Jisas te jafra kate toutonuni ghehati gne. Eghuteuna ghotilo gleale'a te mala nomhini eigna kaisei nafnata tharunga nei kaisei nafnata Nonomho te Keli eghu te jafra ka Tharunga te Blahi nei Nonomho te Keli eghu te hata teke ari ghehati ka ghotilo ia.

Fapea Korin 11:1

Iara magnahaghe ghami ghotilo te snakre ghau iara te mala cheke jateula mae te meomekro eghu katha vido kmoꞌei. Tutuani, ghotilo la kulu snakre ghau iara te mala eni tuana!

Letas Teke Riso Tei Mae Pol Ka Khiloau Rom 13:3

Iheire te eni unha te doglo na, mare theome naba te mala mhaghuni mae biꞌo ka gavman. Nu iheire te edi glepo te diꞌare, mare naba te mala mhaghu na. Eghume jame te theome magnahaghei mhaghudi mae biꞌo ka gavman teu ghotilo na, ghotilo mala edi kolho unha te kelire, mare ginauna cheke fakeli ghami ghotilo.

Mae Khuru 25:26

Nu iara theo kaisei glepo te thofno doglo te mala riso tei eigna mae igne ka noda mae king biꞌo na. Eghume iara gognaro na hata meini mana ke ulumi ghotilo hui nei tulao iagho King Agripa. Eghuteuna kate ghusnani tahati na, iara ginauna na au glepo te mala rioriso eigna mana.

Mae Khuru 25:11

Jame eni tutuani iara kaisei glepo te diꞌa nabagna te mala lehe na, iara ginauna theome tangomana te karha kau glehe na. Nu te theome tutuani fathoro te edi ranghi ghau iara hatimare mae Jiu igre, theo kaisei naikno te au nogna nolaghi te mala snakre lao ghau iara ka mare na. Theo! Eghume iara magnahagheni thegna mae funei biꞌogna Rom te mala fate ghau na!”

Mae Khuru 21:39

Mae Pol ne cheke eghu ka mana, “Theo, iara kaisei mae Jiu neke karha Tasis ka Provins Silisia, eghume iara thofno maegu ka namono te ulu fara tuana. Mae funei biꞌo, iara magnahaghei te cheke ghu ka naikno igre sia.”

Mae Khuru 13:18

Ka phiatutu finogha ke lamnagna namono nagou na, God neke toghodi fabrahu, neuba mare ne huhughu ne edi kmana puhi biꞌo fara.

Nonomho Te Keli Teke Risoi Mae Mak 9:19

Mae Jisas ne cheke eghu, “Tore, ghotilo naikno gre theome fatutuani ni God kolho! Niha fata au fabrahu iara balumi ghotilo sia? Iara hongo ghau fara ka ghotilo! Hata mei ka iara agne mae sitei na!”

Matiu 5:2

Mana funu farirhiudi ne cheke eghu:

Mae Khuru 13:10

ne cheke eghu ka mana, “Ghema, iagho thugna mae Satan! Iagho tiroudi gobigna lepo te kelire. Eghuteuna iagho fodu salaꞌui ka nafnata puhi te chaichaghi nei puhi te diꞌa nei batu fadiꞌadi naiknore eghu. Iagho leuleghu fata na fadiꞌani koba thofno chekegna Lord na ne jateula te khogla cheke chaichaghira neu kolho.