Mae Khuru 18:10 - Buka Blahi Ka Cheke Holo

¹⁰ Naugna iara au balumu iagho. Theo kaisei naikno nate fakabru nigho na, naugna kmana naikno ka namono igne nogu iara.”

Mae Khuru 18:10 ပူးပေါင်းရင်းမြစ်များ

Fapea Korin 12:9

Nu Lord neke cheke eghu ka iara, “Nogu khokofakasai iara igne ngala te nabamu iagho na, naugna kate nigra iagho na, nogu nolaghi iara na heta fara!” Eghume iara gleale'a fara te cheke fahaehaghe eigna nogu nanigra na, eghuteuna nogna nolaghi Kraes na tangomana te au balugu iara na.

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Profet Isaia 41:10

Eghume ghotilo thosei mhaghu! Iara nomi God ghotilo mala au balumi ghotilo. Iara ginauna farheta ghami nei togho ghami eghu ghotilo. Uve, khame nhetagu iara na ginauna togho ghami ghotilo mala kegra heta ghotilo, eghuteuna iara ginauna reireghi ghami ghotilo ka puhi te doglo.

Eksodas 4:12

Tei sagho! Iara ginauna togho nigho mala cheke, eghuteuna iara ginauna fagriu nigho unha te mala cheke iagho na.”

Letas Teke Riso Tei Mae Pol Ka Khiloau Rom 8:31

Eghume faꞌunha eghu tahati chekedire glepo igre? Tutuani, te kafe phile God baluda tahati na, theo kaisei naikno te tangomana te tapla soru ghita na.

Jone 10:16

Aonu, keha nogu sipure au ngau ke kosi bara. Iara ginauna na atha mei dila ke lamna bara. Reꞌe ginauna nomhini naoglagu iara na, eghuteuna reꞌe ginauna kaisei bukredi ngala nei iara ngala te mala reireghidire eghu.

Fapea Timoti 4:22

Iara toreni Lord Jisas Kraes mala fablahi nigho, eghuteuna nogna khokofakasai God na au balumi hui. Me gnafa. Iara, mae Pol.

Profet Isaia 54:17

Nu theo kaisei glepo mala magra ka igre nate ghoreho ghotilo na. Eghuteuna ghotilo ginauna tangomana te cheke tughu ka iheire te cheke fapari ghami ghotilo na. Uve, iara ginauna edi glepo te keli ka ghotilo nogu mae gloku iara ra, eghuteuna togho ghami ghotilo mala ulu.” Igne chekegna Lord.

Jone 11:52

Eghuteuna mae Jisas theome mala lehe tughudi kolho mae Jiu gre, nu mana jaola maladi nogna naikno God te au heva heva ka namono te kmana ka nauthoglu igne. Mana mala hata fodu meidi mala ke kaisei tothoghei ngala mare.

Matiu 10:30

Filo si ghotilo, God na kafe lase ghami ghotilo hui jateula mana te kafe lasedi niha khakla te au ka phaꞌumi ghotilo re

Josua 1:9

Iara la chekehi ka iagho. Eghume iagho kegra heta, thosei mhaghu, ba suaraghi. Naugna aheva te tei iagho na, iara Lord nou God ginauna au balumu iagho fabrahu.”

Luku 21:18

Nu neuba ngau, theo kaisei glepo ka igre nate thofno goigoni ghami ghotilo na.

Profet Isaia 43:2

Kate thoke mei puhi biꞌo ka ghotilo jateula te kasa ghotilo ke lamna nhorora ra teuna, iara ginauna au balumi ghotilo mala togho ghami ghotilo. Eghuteuna kate au ghotilo ke lamnadi narane te ninhigrana te jateula te kasa ghotilo ka khoꞌu biꞌo te britha ra teu igne, ghotilo ginauna theome kmerhu. Uve, kate thoke mei puhi biꞌo te jateula te tapla ghotilo ke lamna khaꞌaghi ra teuna, ghotilo ginauna na theome nhako.

Fapea Timoti 4:17

Nu Lord Jisas Kraes togho ghau iara ne tusu mei nolaghi ka iara mala thofno toutonuni u Nonomho te Keli na mala kafe nomhini naikno te theome Jiure. Eghume mana togho fabrahu ghau iara mala theome tangomana mare te fate falehe ghau iara na nei theome snakre lao ghau iara ka lion mala ghamu ghau iara.

Matiu 1:23

“U khupi na ginauna bukla eghuteuna ginauna na au kaisei thugna nalhaꞌu. Eghuteuna, mare ginauna na kiloni mana mae Emanuel.” U gaoghathogna “mae Emanuel” gne, “God na au baluda”.

Profet Isaia 8:10

Ghotilo tangomana te salofodu mala roghe poru te mala eni unha te magnahagheni ghotilo na. Nu ginauna na theo nafugna kolho, naugna God na au balumi ghehati.

Mae Khuru 15:14

Mae Simon la toutonuhi ka tahati eigna nogna namha God ranghidi iheire te theome Jiu. God na la kulu vavahi keha naikno igre mala nogna thegna.

Jajis 2:18

Leuleghu fata na, Lord vahini kaisei mae lida mala toghodi mare. Leghu fata na mae lida igne batudi naiknodi Israel igre, Lord fakarhidi mare ka khamedi mae naoka te mei goigonidi mare re. Lord theome gnafa te fakarhidi re, naugna mana ne kokhoni nognadi fara.

Josua 1:5

Te chekeni iara ka iagho na, theo kaisei naikno nate ulu nigho iagho ka magra na. Iara ginauna au balumu iagho jateula teke au iara balugna mae Moses tifa ia eghu. Iara ginauna au balumu iagho, iara ginauna na theome tei koko nigho ba ghatho iho nigho.

Mae Khuru 18:9

Kaisei bongi, mae Pol ne mifi. Eghuteuna Lord ne cheke eghu ka mana, “Ghema Pol, thosei mhaghu! Heta, cheke sagho ka naikno are! Thosei au kmu!

Mae Khuru 18:11

Aonu, kaisei finogha namno nhigra mae Pol ne au Korin mala farirhiudi naiknore u chekegna God na.