Mae Khuru 17:31 - Buka Blahi Ka Cheke Holo

³¹ Naugna God la kulu vahinihi kaisei narane te mala fatedi naikno te gnafa ka nauthoglu igne. Mana ginauna fatedi ka puhi te doglo fara. Eghuteuna God jaola neke kulu vavahi kaisei mae te mala fatedi naikno te gnafare. Tahati te gnafa na kafe laseni igne naugna God neke fakarha fapuloni mae igne kau glehe.”

Mae Khuru 17:31 ပူးပေါင်းရင်းမြစ်များ

Fapea Pita 3:7

Nu ka chekegna God tuana la, maloa ghe glose te au teu gognaro gre na ofoniu kolho khaꞌaghi na mala nhako. Maloa ghe glose gre na ofou ghilei thoke mei narane God nate fatedi naikno te diꞌare, eghuteuna kafe faluvudi iheire te theome leghuni mana na.

Letas Teke Riso Tei Mae Pol Ka Khiloau Rom 2:16

God ginauna tusu lao nolaghi ka mae Jisas Kraes mala fatedi naikno te gnafare. Mana ginauna fatedi, kehare na fate fadoglodi nei kehare mala fate falehedi. Igne ginauna thoke mei ka narane God nate fatedi gobigna lepo te poru teku ke lamnadi naiknore. Eghuteuna igne leghuni u Nonomho te Keli te toutonuni iara gne.

Fapea Korin 5:10

Tahati laseni, tahati te gnafa na ginau ari kegra ka fate ke ulugna Kraes. Mana ginauna taba ghita hui, leghuni unha teke eni tahati ka nakarhada na kau nauthoglu igne, te keli ba te diꞌa.

Nodi Khoje Hatimare Mae Jiu 9:8

Mana funei frunini nauthoglu igne ka puhi te doglo. Eghuteuna ka puhi te keli igne te fatedi mana naiknore.

Ululahu Korin 4:5

Eghume thosei fate naikno nu ofou ghilei thoke mei Lord. Mana ginauna hata fajifla kate phae glepo te diꞌa fara te poru teu kate romno na, eghuteuna mana ginauna fakakhana glepo teke poru ka nagnafadi naiknore. God ginauna jaola fafnaknodi gnafa naikno te leghuni nodi puhi te kelire.

Letas Teke Riso Tei Mae Pol Ka Khiloau Rom 2:5

Nu ghotilo patugama fara nei theome magnahaghei tughu nagnafa. Eghume u fate ginauna biꞌo fara ke klignami ghotilo. Eghuteuna fate igne ginauna thoke mei ka ghotilo ka narane God nate falalase diꞌatagna na, nei puhigna te doglo na eghu mala fatedi naikno te gnafare.

Mae Khuru 4:10

Uve, iara magnahaghei te cheke ka ghotilo goro mae biꞌo ra, nei ka ghotilo naikno te gnafa agne Israel. Mae te kegra ke ulumi ghotilo igne mana neke keli fapulo ka nanghagna mae Jisas Kraes, mae gna Nasaret. Mae ihei teke tupijuruni ghotilo kau gaju fafatha, nu God neke fakarha fapuloni mana.

Fapea Timoti 4:1

Iara cheke fajiflani cheke igne ka ghotilo ke ulugna God nei ke ulugna mae Jisas Kraes. Mana ginauna fatedi naikno te gnafa te karha nga teu ba tela lehehi. Naugna mae Kraes ginauna nake pulo mei mala funei frunidi jateula mae King eghu tifa tifa, iara cheke heta ka iagho

Matiu 10:15

Tutuani fara te chekeni iara ka ghotilo na. Ka narane fate na thono diꞌa fara ranghidi naikno te diꞌa te au kau namono tuana ke tulaodi naikno te diꞌa di Sodom ghe Gomora tifa ra.

Mae Khuru 2:32

Tutuani, God neke fakarha fapuloni mae Jisas kau glehe, eghuteuna ghehati te hui na la thofno filonihi ka tathamire.

Mae Khuru 17:18

Aonu keha mae velepuhi ka phei tothoghei te kilodi Epikuria nei Stoiki teu gre ne fapoaphola ka mae Pol. Keha mae re ne cheke eghu, “Mae igne theome laseni kaisei glepo kolho. Unha gne te magnahaghei chekeni mana na?” Keha mae re ne cheke eghu, “Mae igne jau magnahaghei toutonudi ka tahati nodi god keha namonoi jau signe?” Mare ne cheke eghu naugna mare ne theome laseni unha te chekeni mae Pol kate toutonuni Nonomho te Keli eigna mae Jisas teke karha fapulo kau glehe na.

Matiu 24:14

Mare ginauna jifla tei toutonuni Nonomho te Keli eigna nafnata puhi God nate funei frunidi nogna naiknore. Mare ginauna toutonuni igne heva heva ke lamnagna nauthoglu igne ka naikno te gnafare. Aonu, ame thoke mei nga narane leghu lahu na eghu.”

Luku 22:22

Iara mae teke mei funu ka God na ginauna jateula teke magnahagheni God na eghu mala lehe. Nu diꞌa fara ranghini mae ihei nate majora ghau iara tuana!”

Jone 5:27

Eghuteuna mae Mama neke tusu ranghi ghau iara u nolaghi te mala fate na, naugna iara neke mei funu ka mana.

Jone 12:48

Mae ihei te theome keli tagna ka iara, nei tirogna fanomho ka chekegu iara na teuna, kaisei glepo nate fateni mana na. Cheke te farirhiu iara igre na fateni mana kau narane leghu lahu na.

Jone 16:10

Mare au ghaoghatho fadiꞌa eigu iara mae ihei te doglo ke ulugna God, naugna iara ginauna tei ka mae Mama. Eghuteuna ghotilo ginauna theome filo ghau iara.

Mae Khuru 17:6

Nu kate dofidi phiamare na, mare neke lokini kolho mae Jason nei keha naikno khiloau ne korhodi ne tei ke uludi goro mae biꞌogna namono na. Naiknore ne eha fabiꞌo ne cheke eghu, “Phei mae igre eꞌei puhi heva heva ka nauthoglu gne. Eghuteuna gognaro na phiamare la mei thoke ka noda namono tahati gne.

Mae Khuru 17:32

Kate nomhini naiknore ka mae Pol eigna God teke fakarha fapuloni kaisei mae kau glehe na, keha naiknore ne maꞌe ka mae Pol. Nu keha mae ne cheke eghu, “Ghehati magnahaghe nigho iagho mala ke toutonu eigna igne thogheiro.”

Hibru 6:2

nei eidi puhi apublahi nei eigna taofi nei eigna kegra fapulo ka karha, nei eigna u fate ka narane leghu lahu.