Mae Khuru 17:30 - Buka Blahi Ka Cheke Holo

³⁰ Tifa na naiknore neke theome laseni God, nu God neke theome ghosei diꞌatagna nei paradi eghu naiknore. Nu gognaro na, mana cheke faheta fara ka naikno te gnafa ka nauthoglu igne mala tughu nagnafa nei nakarha eghu.

Mae Khuru 17:30 ပူးပေါင်းရင်းမြစ်များ

Mae Khuru 14:16

Tifa te mei na God neke snakredi naiknore mala leghudi nodi gaoghatho thedire.

Luku 24:47

Ghotilo neke filodi glepo igre. Eghume ghotilo mala toutonu ka naiknore mala tughu nagnafa nei nakarha eghu mare. Jame te eni mare igne na, God ginauna hata fadeleidi nakhibodire. Ghotilo mala fufunu Jerusalem. Toutonu glepo igre ka nanghagu iara ranghidi naikno ka namono te gnafa ka nauthoglu gne.

Ululahu Pita 4:3

Tifa na ghotilo neke raꞌe salaꞌui fara kate leghuni puhidi naikno te theome fatutuani ni God re, eigna ghotilo neke magnahagheni fara te jafra ka ihei na, ghotilo magnahagheni fara te eni puhi te diꞌa na, ghotilo magnahagheni fara te koꞌu waen na, ghotilo neke eꞌei gaghamu biꞌo mala ghamu nei koꞌu nei edi glepo te thono diꞌa fara re, nei ghotilo edi glepo te jafra fara kate tufru sorudi ghotilo mumujure.

Letas Teke Riso Tei Mae Pol Ka Khiloau Rom 3:25

God neke kuru meini mana mala lehe jateula kaisei fafara. Tutuani, dadara ka glehegna na mala hata fadeleidi nakhibodi naikno te gnafa te fatutuani ni mae Jisas. God neke eni igne mala laseni tahati te eni mana unha te doglo na. Naugna tifa na God neke sasaꞌani te ofo na, eghuteuna mana neke theome ghosei paradi naiknore eigna nakhibodire. Nu gognaro na God jaola falalase ranghi ghita mana te eni unha te doglo na, naugna mana neke snakreni mae Jisas mala lehe. Tutuani, mana neke eni igne mala falalase ranghidi iheire te fatutuani ni mae Jisas kaisei nabrou mala au doglo ke ulugna thegna.

Mae Khuru 3:19

Eghume ghotilo hogri nagnafa, mala ke figri ka God, mala hata fadeleidi mana nakhibomire.

Letas Teke Riso Tei Mae Pol Ka Khiloau Rom 2:4

Jau ghotilo ghatho faꞌikoini kolho puhigna God na, eigna mana au kmu fara nei theome faghose diꞌatagna, nu mana ofou kolho. Ba, ghotilo theome filo glanini kolho God te au kmu fara na, naugna mana magnahaghei ghami ghotilo te mala tughu nagnafa na eghu sia?

Letas Teke Riso Tei Mae Pol Ka Khiloau Rom 1:28

Naugna mare theome magnahaghei te ghatho tahuni God na, aonu God ne lisa laodi mala leghudi kolho mare gaoghathodi te diꞌare. Eghuteuna ka puhi igne mare ne edi glepo te theome naba te mala edi naiknore.

Mae Khuru 20:21

Iara neke orio cheke faheta ranghidi mae Jiu ba mae Griki mala lilisei mare puhidi te diꞌare mala figri ka God nei mala fatutuani ni noda Lord Jisas.

Luku 13:5

Theo! Nu te chekeni iara ka ghotilo na, te theome koko ghotilo puhimi te diꞌare teke figri ka God na, ghotilo te gnafa na ginauna kafe lehe jateula mare eghu.”

Nodi Khoje Hatimare Mae Jiu 50:21

Ghotilo neke edi gobigna lepo igre, eghuteuna iara neke theome cheke ka ghotilo neku. Aonu gaoghathomi ghotilo na iara gne jateula ghotilo eghu kolho. Nu thono theo fara eghu. Iara gognaro na diꞌatagu fara ka ghotilo, eghuteuna iara na falalase ari ke ulumi ghotilo unha teke eni fadi ghotilo na eghu!

Mae Khuru 17:23

Kate tei faligohoni iara namono ghotilo igne, iara filodi glepo te pogho sorudi ghotilo gre. Eghuteuna iara jaola ne filo deni kaisei olta te au grioriso igre, ‘Nogna olta kaisei god te theome laseni tahati.’ Uve, ghotilo pogho soru ka God mae ihei te theome laseni themi na. Nu God te theome laseni ghotilo igne ngala nate toutonuni iara ka ghotilo na!

Mae Khuru 11:18

Kate nomhini naikno khiloau re igne, mare ne theome chekeni kaisei glepo ka mae Pita. Nu mare ne cheke fakelini God, ne cheke eghu, “Eghume, God ne snakredi naikno te theome Jiure mala figri ka mana mala karha.”

Nonomho Te Keli Teke Risoi Mae Mak 6:12

Mae fanomhore jifla ne tei toutonu ka naiknore ne cheke eghu, “Ghotilo gnafa lilisei puhimi te diꞌare.”

Nonomho Te Keli Teke Risoi Mae Mak 1:15

Mana ne cheke eghu, “Thofno narane teke vahini God na la thokei meihi gognarona, eghuteuna narane God nate funei frunidi nogna naiknore la namo meihi. Eghume lilisei puhi te diꞌare nei fatutuani ni ngala Nonomho te Keli gne!”

Matiu 3:2

Mana ne cheke eghu ka naikno te fanomho ka mana re, “Ghotilo lilisei puhimi te diꞌare, naugna narane God nate funei frunidi nogna naiknore la namo meihi!”

Fapea Korin 7:10

Mae ihei te diꞌanagnafa leghuni u puhi te magnahagheni God na, mana tangomana te tughu nagnafa na, eghuteuna God tangomana te fakarhini mana na. Eghume tahati theome tangomana te diꞌa tada ka nafnata puhi tuana. Nu mae ihei te diꞌanagnafa leghuni nogna puhi naikno kolho na, mana tangomana te leheni na.

Luku 15:10

Na jateula tuana eghu nogna engel God re ginauna na gleale'a biꞌo fara kate hogri nagnafa kaisei naikno te diꞌa na.”

Matiu 4:17

Funu ka narane igne mae Jisas ne funu toutonuni Nonomho te Keli na ka naiknore ne cheke eghu, “Ghotilo lilisei puhimi te diꞌare, naugna narane God te funei frunidi nogna naiknore la namo meihi.”

Letas Teke Riso Tei Mae Pol Ka Khiloau Rom 3:23

Theo. Naugna naikno te gnafa ka nauthoglu igne kafe tapla jafra ka nakhibo. Eghume mare kafe au khaba ka God mae ihei te doglo fabrahu.

Profet Isaia 21:12

Aonu iara ne cheke eghu ka mana, “Uve, narane na la meihi, nu bongi na ginauna na jaola theome raugha thoke mei. Eghuteuna jame te magnahaghei toreni iagho kaisei glepo ka iara na, iagho ginauna nake pulo mei.”

Matiu 20:7

“Mare ne cheke eghu ka mana, ‘Naugna theo kaisei mae te foli ghami ghehati na.’ “Aonu mana ne cheke eghu ka mare, ‘Keli fara, ghotilo jaola tei loku ka nogu nagare iara na.’