Mae Khuru 17:3 - Buka Blahi Ka Cheke Holo

³ Mana rurutha gaoghathogna na ne falalase ranghidi eigna God te snakreni mae Kraes mala lehe, eghuteuna ke leghu na God neke fakarha fapuloni mana. Mana ne cheke eghu ka mare, “Mae Jisas te chekeni iara ka ghotilo igne mae tugne ngala mae Kraes na.”

Mae Khuru 17:3 ပူးပေါင်းရင်းမြစ်များ

Mae Khuru 18:28

Mae Apolosi tangomana te toghodi naikno khiloaure, naugna mana tangomana te cheke faparidi mae Jiure ka magra biꞌo te eni mare ke uludi naiknore. Mae Apolosi ne cheke thakleni kau grioriso te blahi na eigna mae Jisas gne ngala mae Kraes na.

Mae Khuru 9:22

Neuba ngau gognaro na mae Sol thono nolaghi fara ka nogna chekere. Eghuteuna mae Jiu te au Damaskas re theome tangomana te magra ka mana na, naugna mana thofno falalase ranghidi mae Jisas gne ngala mae Kraes na.

Luku 24:32

Phiamare ne cheke eghu fari thedi, “Tore, kate toutonu mana ka tapa ka nabrou ia, mana neke rurutha fakeli ka tapa thofno gaoghathodi gobigna lepo ka grioriso te blahi ra. Eghuteuna kate nomhi tapa igne, tapa ne keli tada fara!”

Mae Khuru 3:18

Nu tifa na God neke cheke mei ka hatimare mae profet ra, eigna mae Kraes gne ginauna mala au papara. Eghuteuna ka puhi igne God ne fahoroghotoni unha teke chekeni thegna na.

Luku 24:46

Mana ne cheke eghu ka mare, “Igne unha teke chekeni ka grioriso te blahi na, ‘Mae Kraes na mala lehe eghuteuna ka fatilo narane na mana nake kegra fapulo.’

Galesia 3:1

Ghotilo naikno fameomekro ka namono Galesia! Naugna cheke eigna mae Jisas Kraes teke lehe ke kligna gaju fafatha ia la mei glolahi ka ghotilo. Neuba keha naikno neke nunughere ghami ghotilo mala fameomekrodi gaoghathomi ghotilo re!

Mae Khuru 1:4

Kaisei fata kate ghamu baludi nogna mae khurure, mana neke cheke faheta ka mare mala thosei jifla Jerusalem nu au kolho jare. Nu mana ne cheke eghu ka mare, “Mae Mama neke nhaꞌa cheke ka ghotilo jateula teke kulu chekeni iara ka ghotilo ia eghu. Ofou agne Jerusalem mala hata u nhaꞌa cheke igne.

Jone 20:9

Phia mae igre theome lasedi ngau grioriso te blahi teke kulu cheke eigna mae Jisas mala teke khegra fapulo kau glehe na.

Luku 24:44

Mana ne cheke eghu ka mare, “Glepo te edi ka iara igre, iara neke kulu chekedihi ka ghotilo ka teke au nga tekeu iara balumi ghotilo ia. Iara neke rurutha fakelihi ka ghotilo eidi unha teke rioriso eigu iara ka nogna vetula mae Moses, nei ka nodi buka hatimare mae profet, nei ka buka Sam teu igre. Tutuani fara teke chekeni iara ka ghotilo na, gobigna lepo igre la tutuani fara.”

Mae Khuru 18:5

Aonu mae Silas ghe mae Timoti gre ne mei funudi Masidonia mala loku balugna mae Pol Korin. Ke leghugna igne, mae Pol ne toutonu ranghidi koba naiknore u Nonomho te Keli igne leuleghu narane mala laseni mare mae Jisas gne ngala mae Kraes na.