Mae Khuru 17:25 - Buka Blahi Ka Cheke Holo

²⁵ God igne theome kmo'e ka kaisei glepo mala toghoni tahati. Theo. Naugna mana thegna ngala teke tusu lao nakarha nei phaphanga nei gobigna lepo teu ka naikno te gnafare.

Mae Khuru 17:25 ပူးပေါင်းရင်းမြစ်များ

Jenesis 2:7

Aonu Lord God ne hata na phuki glose ne vuavuha naikno. Eghuteuna Lord God neke phanga lao ka nehugna naikno na mala karha mana. Eghuteuna mana ne funu phaphanga.

Letas Teke Riso Tei Mae Pol Ka Khiloau Rom 11:35

“Theo kaisei naikno te tusu lao ka mana kaisei glepo te mala tusu fapulo mana tagna na.”

Mae Khuru 17:28

Jateula kaisei mae neke cheke eghu tifa, ‘Tahati karha nei tahati nonolo balugna God naugna tahati kaisei balugna mana ka nauthoglu igne.’ Eghuteuna kaisei mae glalase ka ghotilo neke rioriso eghu, ‘Naugna tahati te gnafa na goro thugna mana.’

Profet Isaia 42:5

Lord ngala God mae ihei teke lilisei haghe maloa gne jateula kaisei suga tapuale neku. Eghuteuna mana neke vuavuha nauthoglu igne neke thafru ka thua nafnata glepo te keli. Mana neke phanga lao nakarha ka naikno te gnafa ka nauthoglu igne. Lord neke cheke eghu ka nogna mae gloku na,

Thoutonu Eigna Mae Job 33:4

Tharunga te Blahi nogna God mae ihei te au nolaghi fateote'o igne, teke vuavuha ghau iara na, eghuteuna tusu mei nakarha ka iara.

Thoutonu Eigna Mae Job 22:2

“Tangomana ngau kaisei naikno te toghoni God na? Neuba mana ne lalase fara mana theome tangomana te toghoni God na.

Ululahu Timoti 6:17

Cheke faheta ranghidi iheire te dedei fara ka nauthoglu igne mala thosei fahaehaghe fara nei thosei rouronudi glepo nate dofidi kaisei narane, nu cheke ranghidi mala fatutuani ni God mae ihei te tusu ranghi ghita gobigna lepo te keli mala gleale'a tahati.

Thoutonu Eigna Mae Job 27:3

Kate au teu katha nakarhagna God ke lamnagu iara na,

Profet Sekaraea 12:1

Kaisei nogna cheke profet: Cheke igne mei funugna ka Lord eigna Israel. Lord mae ihei teke edi maloa ghe nauthoglu igne, mana neke tusu lao nakarha na ka naikno, neke cheke eghu,

Nodi Khoje Hatimare Mae Jiu 16:2

Iara cheke eghu ka Lord, “Lord, iagho nogu funei iara. Gobigna lepo te au ka khamegu iara na igre neke mei funudi ka iagho ngala.”

Thoutonu Eigna Mae Job 12:10

Gobigna lepo te karha igre, au kolho ka thatabla khamegna mana. Eghuteuna nakarhagna naikno na, jaola au ka khamegna mana.

Mae Khuru 14:17

Neubane eghu ngau, mana leuleghu fata na lolokelidi naiknore nei fatakleni thegna ranghidi. Uve, mana neke tusu ranghi ghami ghotilo nakhete te soru mei kau maloa gne, nei nhigra mala fabruara gano. Mana jaola tusu ranghi ghami ghotilo kmana gano, nei faglealeꞌadi nagnafami ghotilo re.”

Matiu 9:13

Jateula tuana eghu, iara gne theome mei mala kilodi naikno te doglohi ke ulugna God te mala leghu ghau iara na. Nu iara gne mei mala kilodi kolho naikno te diꞌare mala hogri nagnafa. Ke pulo si ghotilo mala hironi u gaoghathogna chekegna God igne, ‘Iara theome magnahaghedi nomi fafara ghotilo re, nu iara magnahaghei ghami ghotilo te kokhonidi nei taji fakelidi teu naiknore!’ ”

Matiu 5:45

Te eghu ghotilo na, ghotilo ginauna goro thugna God mae Kmami te au teu kligna. Naugna God namhadi iheire te diꞌa ranghini. Tutuani, mana neke eni naprai mala phae ke klignadi iheire te keli ba ke klignadi iheire te diꞌa. Mana jaola neke eni nakhete na mala soru ke klignadi iheire te keli ba ke klignadi iheire te theome keli.

Profet Isaia 57:16

Iara ginauna na theome figri tagru ghami, ba diꞌatagu ka ghotilo, naugna jame te eghu fabrahu iara na, ghotilo ginauna na glaꞌe soru. Uve, jame te eghu ghotilo na, ghotilo iheire teke tusu ari iara nakarha na tami ra ginauna lehe.

Thoutonu Eigna Mae Job 34:14

Jame hata fapulo mana Tharunga gna te mala fakarha ghita tahati na,

Naba 27:16

“Lord, iagho ngala God te funei frunidi iheire naikno te karha igre, eghume iagho vahini kaisei mae mala ke batudi naiknodi Israel gre.

Naba 16:22

Nu mae Moses ghe mae pris Eron pogho soru pari ne tarai eghu, “God, iagho ngala teke tusu lao nakarha ka gobigna lepo igre. Jame kaisei mae eni kaisei glepo te diꞌa, iagho ginauna diꞌatamu ka naikno te gnafa igre eghu sia?”

Profet Jeremaea 38:16

Nu King Sedekaea ne cheke faꞌikoi ka mae Jeremaea ne eni kaisei nhaꞌa cheke, ne cheke eghu, “Iara eni nhaꞌa cheke igne ka nanghagna Lord mae ihei te karha te tifa, nei tusu ranghi ghita u karha: Iara ginauna na theome falehe nigho iagho, eghuteuna iara ginauna na theome snakre lao nigho ka khamedi mae iheire te magnahaghei falehe nigho iagho igre.”