Mae Khuru 17:23 - Buka Blahi Ka Cheke Holo

²³ Kate tei faligohoni iara namono ghotilo igne, iara filodi glepo te pogho sorudi ghotilo gre. Eghuteuna iara jaola ne filo deni kaisei olta te au grioriso igre, ‘Nogna olta kaisei god te theome laseni tahati.’ Uve, ghotilo pogho soru ka God mae ihei te theome laseni themi na. Nu God te theome laseni ghotilo igne ngala nate toutonuni iara ka ghotilo na!

Mae Khuru 17:23 ပူးပေါင်းရင်းမြစ်များ

Jone 4:22

Ghotilo naiknomi Samaria gre theome thofno laseni mae ihei te mala tarai lao tagna na. Nu ghehati mae Jiu gre laseni mae ihei te mala tarai lao tagna na. Naugna u nogna puhi God te mala fakarha naikno na mei funu ka ghehati mae Jiu gre kolho.

Jone 17:3

Eghuteuna karha fei tifa igne gaoghathogna na naiknore mala lase nigho, iagho kaisei God ngala te tutuani, eghuteuna naiknore mala lase ghau la iara mae Thumu Jisas Kraes, mae teke kuru mei iagho kau nauthoglu igne.

Jone 17:25

“Mama, iagho ngala te thofno keli fara na. Naiknogna nauthoglu igne theome lase nigho iagho, nu iara lase nigho iagho. Eghuteuna nogu naikno iara igre lase nigho iagho mae teke kuru mei ghau iara na.

Ululahu Korin 1:21

Ninhigrana fara ranghidi naiknore te lase fakelini God leghuni nodi gaoghatho thedi na. Nu God magnahaghei te leghuni gaoghathogna thegna te hata u cheke te toutonuni tahati igne mala fakarhidi iheire te fatutuani ni mana. Neuba keha naiknore ne cheke eghu, “U thoutonu igne theo nafugna kolho.”

Letas Teke Riso Tei Mae Pol Ka Khiloau Rom 1:28

Naugna mare theome magnahaghei te ghatho tahuni God na, aonu God ne lisa laodi mala leghudi kolho mare gaoghathodi te diꞌare. Eghuteuna ka puhi igne mare ne edi glepo te theome naba te mala edi naiknore.

Mae Khuru 17:30

Tifa na naiknore neke theome laseni God, nu God neke theome ghosei diꞌatagna nei paradi eghu naiknore. Nu gognaro na, mana cheke faheta fara ka naikno te gnafa ka nauthoglu igne mala tughu nagnafa nei nakarha eghu.

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Ululahu Timoti 1:17

Nafnakno nei siasigla ranghini mae King te funei fabrahu tifa tifa! Mana theome tangomana te lehe eghuteuna tahati theome tangomana te filoni mana, eghuteuna kaisei mana ngala God na. Tahati ginauna na ghatho tahuni nei cheke fakelini nanghagna mana na tifa tifa. Amen.

Fapea Tesalonika 2:4

Mana ginauna cheke fadiꞌadi gobigna lepo te tufru sorudi naiknore balu nodi thua nafnata god. Eghuteuna ginauna mana na ghatho tahuni thegna jateula kaisei mae te uludi gobigna lepo te tufru sorudi naikno igre eghu, eghuteuna mana ginauna tei gnokro lamna nogna Sugablahi God eghuteuna mana na chekeni te mana ngala God na.

Ululahu Korin 8:5

Tutuani, kligna ba ka nauthoglu gne au glepo te kilodi mare “god”. Eghuteuna neubane au kmana nafnata “god” nei kmana nafnata “Lord”,

Jone 8:54

Mae Jisas ne cheke eghu ka mare, “Jame fafnakno ghau iara thegu na, igne theo kaisei nafugna kolho. Nu mae ihei te fafnakno ghau iara na mae Kmagu iara ngala, mae te chekeni ghotilo ne mae nomi God themi teuni ghotilo ia.

Matiu 15:9

Pogho soru te edi mare ka iara igre theo nafudi, naugna mare farirhiudi naiknore mala leghudi kolho nodi vetula teke horo haghe thedire.’ ”

Nodi Khoje Hatimare Mae Jiu 147:20

Mana theome edi glepo igre maladi naiknodi keha kantri delei. Theo, mare theome lasedi nogna famane farirhiu mana re. Tahati kilo fnaknoni Lord!

Nodi Khoje Hatimare Mae Jiu 50:21

Ghotilo neke edi gobigna lepo igre, eghuteuna iara neke theome cheke ka ghotilo neku. Aonu gaoghathomi ghotilo na iara gne jateula ghotilo eghu kolho. Nu thono theo fara eghu. Iara gognaro na diꞌatagu fara ka ghotilo, eghuteuna iara na falalase ari ke ulumi ghotilo unha teke eni fadi ghotilo na eghu!

Profet Isaia 45:4

Iara neke nhaꞌa cheke ka nogu mae gloku Jekop nei ka iheire nate karha mei thogheiro. Naugna igne te kilo mei nigho iara te mala mei toghodi mare gognarogne. Neuba iagho ne theome filo glani ghau iara, nu iara ghatho tahuni nanghamu iagho na.