Mae Khuru 17:2 - Buka Blahi Ka Cheke Holo

² Mae Pol ne tei tarai baludi mare jateula te eni koba thegna na neu. Leuleghu narane Sabat nabagna thilo wik, mae Pol ne toutonu ka mare eigna u grioriso te blahi na.

Mae Khuru 17:2 ပူးပေါင်းရင်းမြစ်များ

Mae Khuru 9:20

Mana doglo ne tei lamnagna nodi suga tharai mae Jiure ne toutonu eigna mae Jisas na thofno Thugna God.

Mae Khuru 18:4

Leuleghu narane Sabat na mae Pol ne tei toutonu ranghidi mae Jiu nei mae Griki ka suga tharai na mala fatutuani ni mae Jisas.

Mae Khuru 17:17

Aonu mae Pol ne cheke ke lamnagna suga tharai na ranghidi mae Jiu nei mae Griki ihei te pogho soru ka thofno God mala laseni u thofno tutuani eigna God. Mana jaola leghu narane na cheke ka naikno teke mei ka maket re.

Mae Khuru 17:10

Naikno khiloau Tesalonika re ghosei ne kuru teidi mae Pol ghe mae Silas Berea ka bongi tuana. Kate thoke jare na, mae Pol ghe mae Silas gre ne tei ka nodi suga tharai mae Jiure.

Mae Khuru 14:1

Jare ka namono Aekoniam mae Pol ghe mae Banabas ne jaola ne ruma ka nodi suga tharai mae Jiure. Kmana naikno ne fatutuani ni mae Jisas, naugna phiamare ne cheke balu nolaghi.

Mae Khuru 13:5

Kate tei thoke mare ka namono Salamis ka moumolu Saeprus, phiamare ruma ne toutonuni u Nonomho te Keli nogna God na ka nodi suga tharai mae Jiure. Eghuteuna ka vido tuana mae Jone Mak ne tei baludi phiamare mala toghodi ka gloku na.

Mae Khuru 28:23

Aonu mae Pol nei hatimare mae Jiu teure ne vahini kaisei narane mala teke mei mare ka mae Pol na. Ka narane tuana kmana naikno te mei khapru ka suga te au mana na. Mae Pol ne funu cheke ka mare vuha hamerane ne ghilei thoke fei grafi, rurutha fakeli ka naiknore eigna u nakarha God te funei frunini. Mana ne cheke thakledi u cheke eigna mae Jisas te au ka nogna vetula mae Moses nei ka nodi grioriso hatimare mae Profet. Mana fariuriu fara ka mare mala fatutuani ni mae Jisas.

Mae Khuru 8:35

Mae Filip ne funu toutonu eigna u phugra cheke blahi ka buka na igne, eghuteuna toutonu ranghini mae biꞌo na u Nonomho te Keli eigna mae Jisas.

Jone 18:20

Mae Jisas ne cheke eghu ka mana, “Iara neke famane cheke ke uludi naiknore. Eghuteuna iara neke farirhiu koba ke lamna suga tharai, nei ke lamna Sugablahi, ka vido aheva te kafe khapru teu mae Jiure. Tutuani, iara neke theome cheke poruni kaisei glepo.

Luku 4:16

Ke leghugna igne mae Jisas neke tei Nasaret, ka namono aheva mana teke biꞌo haghe na. Leuleghu narane Sabat na, mana tei koba ka suga tharai na. Kaisei narane Sabat, mana kegra haghe ne iu'iju u grioriso te blahi na ranghidi naiknore.

Profet Isaia 1:18

Lord neke cheke eghu, “Mei ghotilo mala fadoglini tahati glepo igne! Neuba ne jateula dadara ka pohe vegha ra neu ne ninhigrana fara atha kokodi nakhibomi ghotilore, iara tangomana te togho ghami ghotilo te mala thofno gae fara jateula khakla sipu teu ghotilo na.

Mae Khuru 24:25

Nu mae Filiks ne mhaghu nogna fara kate chekeni mae Pol eigna nakarha te doglo, nei puhi te mala reireghi fakelini nakarhada na, nei narane God nate fatedi naikno te gnafare. Aonu mae Filiks ne cheke eghu ka mae Pol, “Ghema, la kelihi, tei silagho. Jame au vido te snagla meuna, iara ginauna nake kilo nigho iagho.”

Mae Khuru 19:8

Jame thilo nhigra, mae Pol ne tei koba ka suga tharai na ne cheke faheta fara ka naiknore. Mana ne frane ne toutonu ka naiknore mala laseni eigna u nakarha God te funei frunini.

Mae Khuru 13:14

Ke leghugna igne mare jifla Pega ne tei thoke Antiok, kaisei namono rhegna Provins Pisidia. Kau narane Sabat na mare ne tei ka nodi suga tharai mae Jiu.

Ululahu Samuel 12:7

Gognarona, tahati kegra ke ulugna mana, eghuteuna iara magnahaghei ghita tahati te mala ghatho fakelidi gloku biꞌo teke fakarhi ghita, funu ka narane di kuꞌeda tifa ra te ghilei mei posa ka narane gognarogne.

Matiu 26:24

Iara mae teke mei funu ka God na ginauna lehe jateula te chekeni ka grioriso te blahi ia eghu. Nu kokhonini fara mae ihei nate snakre lao ghau iara ka khamedi nogu naoka iara re. Nabagna na mae tuana jame neke theome karha ngala, naugna mana naꞌau papara fara!”

Ululahu Korin 15:3

Cheke te ulu fara teke hata iara na tela toutonu arihi iara ka ghotilo ana. Tutuani, nogu cheke iara na igne, mae Kraes na neke lehe mala hata fadeleidi nakhibodare, jateula te chekeni teu kau grioriso te blahi na.