Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mae Khuru 17:11 - Buka Blahi Ka Cheke Holo

11 Naikno Jiu te au Berea gre thono ke keli tadi fara ka naikno Jiu te au Tesalonika re. Mare magnahaghei fara te fanomho ka glepo te chekedi mae Pol ghe mae Silas. Naikno igre leuleghu narane na iu'ijuni grioriso te blahi na mala lase fakelini glahula tutuani ba theo kolho glepo igre.

အခန်းကိုကြည့်ပါ။ ကော်ပီ




Mae Khuru 17:11
34 ပူးပေါင်းရင်းမြစ်များ  

Ghotilo filo lamna ka nogna buka Lord igne mala iu'ijudi nogna cheke mana re. Glepo tautagu te gnafa, nei nanghaji te gnafa teu te chekedi iara igre ginauna au Idom jateula teke chekenihi Lord ka nogna buka na igne eghu. Eghuteuna Tharunga gna mana na ginauna salofodu meidi.


Famane hiro fakelidi si ghotilo u gaoghathodi u grioriso te blahi gne, naugna ghotilo gaoghathomi ka glepo igre na, te tusu ranghi ghami u karha fei tifa na eghu. Eghuteuna u grioriso te blahi igre cheke eigu iara kolho!


Eghuteuna ghehati jaola cheke fakelini God leghu narane, kate hatini ghotilo chekegna God te nomhini ka ghehati. Naugna ghotilo theome hatini jateula nogna cheke naikno kolho eghu, nu thofno chekegna God. Eghuteuna thofno chekegna God igne loku ke lamnami ghotilo iheire te fatutuani.


Sisi te sukha ka glose te keli na igre eidi iheire te thofno nomhini nei lase fakelini chekegna God. Eghuteuna ure thokeni kaisei gobi sisi, namno salei sisi, nei tolufulu sisi.”


Te farirhiuni iagho mae te autagna gaoghatho te keli na, gaoghathogna mana na ginauna thofno keli fara. Farirhiuni mae te doglo na, mana ginauna lalase salaꞌui.


Buka igne ginauna toghoni mae ihei te lalase fara mala biꞌo salaꞌui mana nogna glalase na. Eghuteuna mana ginauna farirhiudi iheire te au tadi gaoghatho te keli mala leghuni mare nabrou te keli na.


Eghuteuna ghotilo mala filo leghu ka ghehati nei ka noda Lord. Eigna neubane au papara fara, ghotilo hatini Nonomho te Keli na balu gleale'a te mei ka mae Tharunga te Blahi.


Nu mae ihei te edi glepo te tutuanire mana ginauna mei kau naphae na. Aonu u naphae na ginauna falalase fakeli ka naiknore unha glepo teke edi God ka mana re.”


Mana ginauna edi kmana nafnata muamugna te diꞌa mala chaghidi iheire mala lehe theome hatani u thofno nakarha na. Mare ginauna lehe naugna mare ne tirodi namhani nei leghuni cheke te tutuani eigna Lord, mae ihei te tangomana te fakarhidi.


Nu ghotilo mala jateula sua gegeꞌe te karha majaghani te magnahaghei chuꞌu ia eghu kolho. Naugna ghotilo nabami na magnahaghei farirhiu te famane klino nei bligi eghu kolho. Eghuteuna ghotilo ginauna tangomana te kotu haghe ka farirhiu igne nei ginauna hata u thofno nakarha eghu.


Mana ne cheke eghu ka mare, “Glepo te edi ka iara igre, iara neke kulu chekedihi ka ghotilo ka teke au nga tekeu iara balumi ghotilo ia. Iara neke rurutha fakelihi ka ghotilo eidi unha teke rioriso eigu iara ka nogna vetula mae Moses, nei ka nodi buka hatimare mae profet, nei ka buka Sam teu igre. Tutuani fara teke chekeni iara ka ghotilo na, gobigna lepo igre la tutuani fara.”


Ghotilo fanomho fakeli ka nogna cheke Lord teke farirhiu ghami ghotilo ra. Iheire te theome leghudi farirhiu igre na, mare jateula ihei te au ke lamna gromnora eghu kolho.


Ghotilo mala vahini glalase te keli na, naugna nogu cheke iara na keli fara uludi silva ghe gol.


Eghume, koko nafnata nakhibo nei puhi te diꞌa eghu te edi ghotilo are. Thosei fahaehaghe, nu nhaꞌa fapari ghami themi nei leghuni eghu nogna farirhiu God teke farirhiu ghotilo ia. Naugna farirhiu igne ngala tangomana te fakarhi ghami ghotilo na.


Bongi thongana na iara theome thuru, iara ghathodi kolho nou nhaꞌa cheke iagho ra.


Nogu glalase iara eigna nou vetula iagho na, uludi fara nodi glalase goro mae biꞌo re naugna iara ne leghudi nou cheke iagho re.


Funu hamerane te ghilei plulu naprai na, iara gaoghathodi nou cheke iagho ra, iara keli tagudi fara!


Aonu iara ghosei ne kuru aridi keha mae ka iagho, eghume thofno keli fara te mei iagho agne na. Filo sagho, gognaro ghehati te gnafa na kafe kegra ofou agne ke ulugna God, magnahaghei fara te nomhini unha teke chekeni God ka iagho te mala cheke ranghi ghami ghehati na!”


Iheire naikno te fatutuanidi nogna cheke mae Pita re ne apublahi, naba thilo thogha naikno te ruma haghe ka tothoghei mae khiloau kau narane tuana.


Leuleghu fata na, iara leghudi nogna cheke God te rheta tulao. Uve, iara thofno tajidi nogna cheke mana re ka nagnafagu na.


Mae Pol ghe mae Silas ne sala'udi phei namono Amfipolis ghe Apolonia ne tei thoke Tesalonika. Ka namono tuana mae Jiure au kaisei suga tharai.


Hatimare mae khuru nei keha naikno khiloau te au tongana ka Provins Judia, mare ne nomhidi naikno te theome Jiure ne fatutuani ni chekegna God na.


“Nu mae Ebraham ne cheke eghu ka mana, ‘Mare au nogna vetula mae Moses, nei nodi grioriso hatimare mae profet ra te mala iu'iju na. Lisa laodi mala fanomho thedi ka cheke tuare.’


Nu kaisei iara ngala teke lisei ghami ghotilo ka nogu glose na jateula mae ihei te joꞌu kaisei famane gaju grep te keli fara fuꞌagna na ia neku. Eghume, naugna unha si ghotilo te jateula grep nathuꞌa te raha fuꞌagna na ia teu gnea?


“Lord noda God tahati na au keha nogna gaoghatho poru te theome tangomana kaisei naikno te laseni. Nu mana cheke ranghi ghitahi ka nogna vetula na, nei ka iheire nate karha mei ke leghuda, eghume tahati mala leghudi fabrahu nogna cheke te gnafa mana re.”


Tahati lasedi ka mae iheire teke thofno filodi glepo igre funu tifa nei risodi. Mare jaola neke toutonuni u Nonomho te Keli na.


Tusu mei ghemi gano te nabagna narane igne.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ