Mae Khuru 17:10 - Buka Blahi Ka Cheke Holo

¹⁰ Naikno khiloau Tesalonika re ghosei ne kuru teidi mae Pol ghe mae Silas Berea ka bongi tuana. Kate thoke jare na, mae Pol ghe mae Silas gre ne tei ka nodi suga tharai mae Jiure.

Mae Khuru 17:10 ပူးပေါင်းရင်းမြစ်များ

Ululahu Tesalonika 2:2

Ghotilo laseni ame ari posa nga ka ghotilo teku na, ghehati neke au papara ka namono Filipae. Mae biꞌo mala baubatu ka namono tuana cheke fadiꞌa ghami ghehati. Nu neubane khale ghami kmana hoholo, noda God ne togho ghami ghehati mala frane te toutonuni ka ghotilo u Nonomho te Keli na.

Mae Khuru 17:2

Mae Pol ne tei tarai baludi mare jateula te eni koba thegna na neu. Leuleghu narane Sabat nabagna thilo wik, mae Pol ne toutonu ka mare eigna u grioriso te blahi na.

Mae Khuru 20:4

Keha mae teke tei balugna mae Pol re igre: Sopata mae gna Berea, thugna mae Piras; mae Aristakas ghe mae Sekadas phei maedi Tesalonika; mae Gaeasi mae gna Debi; Tikikas ghe mae Trofimas phei maedi Esia; nei mae Timoti.

Mae Khuru 9:25

Eghuteuna kaisei bongi, nogna fanomho mae Sol gre toghoni mana ne fajiflani ka widagna bara biꞌo teke faligohoni Damaskas na ne farurhu soruni mana kau khara'o na.

Ululahu Samuel 20:42

Aonu mae Jonatan ne cheke eghu ka mae Devet, “Tei sagho, thosei diꞌanagnafa, naugna tapa nhaꞌa chekehi ke ulugna Lord. Mana ginauna na fiofilo ghita baludi vikedare, tahati te gnafa na mala tajini fabrahu nhaꞌa cheke igne.” Aonu mae Devet jifla ka vido igne ne tei, eghuteuna mae Jonatan figri neke pulo ka namono na.

Mae Khuru 1:15

Keha narane ke leghudi igre, namo kaisei gobi varadaki naikno khiloau khapru fodu neu. Mae Pita kegra haghe ke lamnadi mare ne cheke eghu,

Mae Khuru 9:20

Mana doglo ne tei lamnagna nodi suga tharai mae Jiure ne toutonu eigna mae Jisas na thofno Thugna God.

Mae Khuru 15:22

Aonu hatimare mae khuru baludi keha mae biꞌo nei naikno te gnafa ka khiloau, mare ne kaisei nodi gaoghatho mala vavahi phei mae mala tei Antiok baludi mae Pol ghe mae Banabas. Mare ne vahidi mae Judas mae te kiloi Basabas ghe mae Silas. Naikno khiloau re thono ghatho tahudi phei mae igre.

Mae Khuru 17:1

Mae Pol ghe mae Silas ne sala'udi phei namono Amfipolis ghe Apolonia ne tei thoke Tesalonika. Ka namono tuana mae Jiure au kaisei suga tharai.

Mae Khuru 17:4

Keha mae Jiure ne fatutuani ne leghudi mae Pol ghe mae Silas. Jaola kmana naikno Griki te pogho soruni God nei kmana nakrupe eghu ne leghudi phiamare.

Mae Khuru 17:6

Nu kate dofidi phiamare na, mare neke lokini kolho mae Jason nei keha naikno khiloau ne korhodi ne tei ke uludi goro mae biꞌogna namono na. Naiknore ne eha fabiꞌo ne cheke eghu, “Phei mae igre eꞌei puhi heva heva ka nauthoglu gne. Eghuteuna gognaro na phiamare la mei thoke ka noda namono tahati gne.