Mae Khuru 16:33 - Buka Blahi Ka Cheke Holo

³³ Ka vido tuana farihotei bongiro mae greireghi suga sosolo na ne taji fakelidi phiamare ne titihi nafnera ka thinidi phiamare re. Aonu mana nei naikno te gnafa ka tharaknagna mana re ghosei ne kafe apublahi.

Mae Khuru 16:33 ပူးပေါင်းရင်းမြစ်များ

Ululahu Korin 1:16

Tutuani, iara theome laseni ihei teke faꞌapublahini iara na, nu mae Stefanas nei tharaknagna eghu kolho.

Mae Khuru 16:15

Naꞌa nei naikno te gnafa te au ka nogna suga na ne kafe apublahi. Aonu Lidia ne tore ghami ghehati mala tei ka sugagna na. Naꞌa ne cheke eghu ka ghehati, “Ne thofno kaisei naikno khiloau iara teu ghotilo gaoghathomi na, mei au ghotilo ka sugagu iara gne eghu.” Naꞌa ne cheke fara ka ghehati mala au balugna.

Mae Khuru 16:25

Farihotei bongiro, mae Pol ghe mae Silas ne tarai balu koje kilo fnaknoni God. Keha mae te sosolo re ne fanomho ka phiamare.

Galesia 5:13

Uve kheraguro, God neke kilo ghami ghotilo mala au snagla! Theome snagla mala eni ghotilo kaisei najafra, nu snagla mala namha nei fari totoghoi eghu.

Galesia 5:6

Naugna kate salo fodu tahati te kaisei balugna mae Jisas Kraes na, tahati theome mala nangani jame te mala vahe ba theo. Naugna glepo tuare theo nafudi. Nu glepo te ulu na u fatutuani ngala, u nafnata fatutuani te thakle mei kau puhi namha kolho.

Mae Khuru 16:23

Aonu kate puri fadiꞌadi mae Pol ghe mae Silas gre, mare ne koko laodi phiamare ka suga sosolo na. Eghuteuna mare ne cheke ranghini mae greireghi suga sosolo na mala reireghi fakelidi phiamare.

Luku 19:9

Mae Jisas ne cheke eghu ka mana, “Gognarogne God ginauna fakarha nigho iagho nei naikno te gnafa te au ka sugamu gne! Naugna iagho kaisei mae neke karha la ka vikegna mae Ebraham.

Proveb 16:7

Ihei te au ka nakarha te magnahagheni Lord na, Lord ginauna toghoni mana mala theome magra baludi nogna naokare.

Matiu 3:6

Mare ne cheke thakledi nakhibodire, eghuteuna mae Jone ne faꞌapublahidi mare ka Kho'u Jordan.

Mae Khuru 16:32

Aonu mae Pol ghe mae Silas ne toutonuni chekegna Lord na ranghini mana nei naikno te gnafa ka tharaknagna mana na.

Ululahu Pita 3:21

Eghuteuna khoꞌu igne kaisei fagaglana ranghi ghita eigna apublahi. God gognaro na fakarha ghami ghotilo ka khoꞌu naugna mae Jisas Kraes na kela karha fapulohi. Jaola, apublahi gne theome mala tihi koko thona ka thinimi ghotilo re, nu mala eni ghotilo kaisei nhaꞌa cheke ka God ka thofno gaoghatho te tutuani.