Mae Khuru 16:32 - Buka Blahi Ka Cheke Holo

³² Aonu mae Pol ghe mae Silas ne toutonuni chekegna Lord na ranghini mana nei naikno te gnafa ka tharaknagna mana na.

Mae Khuru 16:32 ပူးပေါင်းရင်းမြစ်များ

Ululahu Tesalonika 2:8

Naugna ka nomi namha biꞌo ranghi ghami ghotilo ia ghehati keli tami fara te falase ari ka ghotilo Nonomho te Keli eigna mae Jisas Kraes. Theome tuana kolho. Nu ghehati jaola keli tami mala lehe eimi ghotilo.

Letas Teke Riso Tei Mae Pol Ka Khiloau Rom 1:16

Tutuani, iara theome mamajani te toutonuni u Nonomho te Keli na, naugna Nonomho te Keli na nogna nolaghi God mala fakarhidi gnafa iheire te fatutuani ni mana. Ulu lahu na mana fakarhidi naikno Jiu iheire te nomhini igne, eghuteuna ke leghu na mana jaola fakarhidi iheire te theome Jiu.

Letas Teke Riso Tei Mae Pol Ka Khiloau Rom 1:14

Naugna iara magnahaghei fara te toghodi nafnata naikno te gnafa igre, neubane mae sikolu ba mae ihei te theome sikolu, neubane mae glalase ba te theome mae lalase.

Nonomho Te Keli Teke Risoi Mae Mak 16:15

Mae Jisas ne cheke eghu ka mare, “Ghotilo jifla tei heva heva kau nauthoglu gne, mala toutonuni Nonomho te Keli na ranghidi naikno fateote'o.

Mae Khuru 16:31

Phiamare ne cheke eghu ka mana, “Fatutuani ni noda Lord Jisas, God ginauna fakarhi nigho nei naikno te gnafa ka tharaknamu na.”

Mae Khuru 16:33

Ka vido tuana farihotei bongiro mae greireghi suga sosolo na ne taji fakelidi phiamare ne titihi nafnera ka thinidi phiamare re. Aonu mana nei naikno te gnafa ka tharaknagna mana re ghosei ne kafe apublahi.