Mae Khuru 16:3 - Buka Blahi Ka Cheke Holo

³ Mae Pol magnahagheni mae Timoti te mala tei balugna. Nu mae Jiu te au ka nohi tuana kafe laseni kmagna mae Timoti na kaisei mae Griki. Aonu mae Pol ne tohi fagaglanani mae Timoti mala keli tadi mae Jiure.

Mae Khuru 16:3 ပူးပေါင်းရင်းမြစ်များ

Galesia 2:3

Eghuteuna mae Taetus te au balugu iara igne, mana theome mae Jiu, nu mana mae gna Griki. Eghuteuna mae biꞌo ka khiloau re, mare theome huhuruni mana mala vahe.

Ululahu Korin 9:20

Kate loku iara baludi mae Jiure, iara jaola au baludi mare jateula kaisei mae Jiu, mala tangomana iara te toghodi mare te mala fatutuani ni Kraes na. Eghuteuna neubane theome leghuni iara nogna vetula mae Moses na, kate loku iara baludi mae Jiu te leghuni vetula na, iara leghuni vetula tuana mala tangomana iara te toghodi mare te mala fatutuani ni Kraes na.

Galesia 5:6

Naugna kate salo fodu tahati te kaisei balugna mae Jisas Kraes na, tahati theome mala nangani jame te mala vahe ba theo. Naugna glepo tuare theo nafudi. Nu glepo te ulu na u fatutuani ngala, u nafnata fatutuani te thakle mei kau puhi namha kolho.

Galesia 2:8

Naugna God neke vahini mae Pita mala mae khuru mala loku ka mae Jiu. Eghuteuna mana vahi ghau iara mala mae khuru mala loku ka iheire te theome Jiu.

Ululahu Korin 7:19

Naugna te vahe ba te theome vahe na theome glepo ulu. Glepo te ulu na te leghuni ngala nogna vetula God na.

Mae Khuru 15:40

Nu mae Pol ne vahini mae Silas mala tei balugna. Eghuteuna naikno khiloaudi Antiok re ne taraidi phiamare nei snakre fajifladi ka nogna namha Lord.

Mae Khuru 15:37

Mae Banabas ne magnahaghei te hata mae Jone Mak baludi.

Mae Khuru 15:20

Te keli na, tahati rioriso kaisei letas ranghidi mare. Igre glepo jame te mala chekedi tahati ranghidi re, ‘Thosei ghamu gano teke fafara ka mumuju. Thosei eni puhi te diꞌa. Thosei ghamu gano teke lalamho falehe. Thosei koꞌu dadara.’

Filipae 2:22

Nu ghotilo la filo glanihi mae Timoti, mana theome nafnata naikno igre. Mana togho fakeli ghau iara jateula kaisei mae sitei te toghoni mae kmagna na ia eghu. Ghepa loku fodu mala tangomana naiknore te kafe nomhini u Nonomho te Keli na.