Mae Khuru 16:26 - Buka Blahi Ka Cheke Holo

²⁶ Kaisei nakheu biꞌo megei nga ne nghali ka khotogna u suga sosolo na. Aonu grengathagna suga na ne kafe thora. Eghuteuna chenire ne kafe khusu ne khoko soru ka khamedi mae te sosolore.

Mae Khuru 16:26 ပူးပေါင်းရင်းမြစ်များ

Mae Khuru 4:31

Ke leghugna te tarai mare na, u suga te khapru te tarai teu mare na megei nga ne nghali. Eghuteuna mae Tharunga te Blahi na ne soru mei ka mare. Ke leghugna igne, mare ne theome mhaghu te toutonuni u chekegna God na.

Mae Khuru 5:19

Nu ka bongi tuana na kaisei engel nogna Lord na ne tora grengathagna suga sosolo na. Engel na ne batu fajifladi mae khurure ke kosi ne cheke eghu,

Mae Khuru 12:10

Phiamare ne tei sala'uni tothoghei mae greireghi ulu lahu na nei jaola ne sala'uni fapea tothoghei mae greireghi na. Eghuteuna leghu lahu na phiamare ne mei kau grengatha aean biꞌo te mala tei ka namono na. Kate mei phiamare jare na, u grengatha tuana megei nga ne thora kolho thegna. Aonu phiamare jifla ne leghuni ne tei kaisei nabrou, nu engel na megei nga ne dofini jare.

Mae Khuru 12:7

Kaisei engel nogna God megei nga ne kegra neu ke lamnagna suga sosolo na, eghuteuna kaisei juta biꞌo phae lao ka vido tuana. U engel na ne taponi mae Pita ne fadofrani mana. Aonu engel na ne cheke eghu ka mana, “Ghema Pita, faghose kegra haghe sagho!” Eghuteuna phei chen teke rerini mana re ghosei ne khusu ne khoko soru ka khamegna mae Pita re.

Nodi Khoje Hatimare Mae Jiu 146:7

Mana toghodi fabrahu iheire te au papara, nei faghamudi iheire te rofo. Eghuteuna hata fajifladi iheire te au ka suga sosolo ka khamedi hatimare mae naoka.

Matiu 28:2

Aonu, kaisei nakheu biꞌo ne nghali ne kheu tongana gobigna lepore ka vido tuana. Eghuteuna, nogna engel Lord na ne soru mei funu kligna ne tei ka gluma na, ne pili fadelei thina biꞌo teke fofothogna gluma na ne gnokro ke kligna thina.

Profet Isaia 42:7

Iagho ginauna nake fakelidi tathadi iheire te dofu mala ke fifilo fakeli, eghuteuna toghodi iheire te au ka suga sosolo te romno mala jifla mei ka nasnagla.

Nodi Khoje Hatimare Mae Jiu 102:20

Mana neke nomhidi noda tharai re kate au tahati kau sosolo na, nei atha fajifla ghita kate chekeni mare ka fate na, tahati mala au ka glehe.”

Thakle 11:13

Ka vido tuanala ne kaisei nakheu biꞌo. Eghuteuna kaisei vidogna namono biꞌo na ne groꞌe, eghuteuna fitu thogha naikno ne lehe ka nakheu tuana. Eghuteuna naikno teke theome lehere mhaghu nodi fara ne cheke fakelini nanghagna God gna kligna na.

Profet Isaia 61:1

Nogna mae gloku Lord na ne cheke eghu, “Tharunga gna Lord na au balugu iara, naugna mana neke vahi ghau iara mala toutonuni u nonomho te keli na ka iheire te kuma. Mana neke kuru ghau iara mala fameomegodi iheire te au diꞌanagnafa. Mana neke kuru ghau iara mala toutonu ka iheire te au ka suga sosolo, nei ka iheire te loku jateula naikno sneka teu te mala snagla.

Nodi Khoje Hatimare Mae Jiu 79:11

Fanomho mei sagho ka nomi natanhi ghehati te au teu ka suga sosolo gne. Mare la fate falehe ghamihi ghehati. Fakarhi ghami ka nou nolaghi biꞌo.

Thakle 6:12

Aonu kate filo teu iara na, mae Lam na ne hata koko fafamno loke gna buka na. Kaisei nakheu biꞌo ne nghali tongana, eghuteuna naprai na ne theome agha. Heva te heva ka nauthoglu igne na ne kafe romno soru, eghuteuna glaba na ne ukru jateula dadara neu.

Nodi Khoje Hatimare Mae Jiu 68:6

Mana na fofodu ka iheire te theo kheradi nei tusu ranghidi suga te mala au fakeli na. Eghuteuna mana na atha fajifladi iheire te au ka suga sosolo mala ke pulo au fakeli mare ka namono. Nu iheire te patugama fara te tirodi leghuni God re, mana ginauna lisei sorudi ka vido te thono diꞌa fara na.

Ululahu Kings 13:28

Mana tei ne filoni thini gna na thuru neu ka nabrou na. Eghuteuna lion balugna dongki na kegra neu rhegna mana, eghuteuna lion igne ne theome ghamu thini gna mana na, eghuteuna naꞌa jaola ne theome faleheni dongki na.