Mae Khuru 16:25 - Buka Blahi Ka Cheke Holo

²⁵ Farihotei bongiro, mae Pol ghe mae Silas ne tarai balu koje kilo fnaknoni God. Keha mae te sosolo re ne fanomho ka phiamare.

Mae Khuru 16:25 ပူးပေါင်းရင်းမြစ်များ

Jemes 1:2

Kheraguro, kate au teu ghotilo ka nauthoglu gne, ghotilo na thafodi kmana nafnata puhi biꞌo. Nu kate mei nafnata puhi biꞌo igre ka ghotilo na, ghotilo gleale'a.

Nodi Khoje Hatimare Mae Jiu 119:62

Neubane farihotei bongiro, iara dofra mala cheke fakeli nigho, naugna nou vetula iagho re thofno doglo fara.

Letas Teke Riso Tei Mae Pol Ka Khiloau Rom 5:3

Eghuteuna tahati jaola gleale'a kate au ke lamnadi hoholo te kmana igre, naugna tahati lasedi hoholo igre togho ghita mala au heta tahati.

Nodi Khoje Hatimare Mae Jiu 77:6

Leuleghu bongi na iara gaoghathodi fabrahu eidi narane teke koje iara teke glealeꞌa nagnafagu na, aonu iara ne cheke eghu:

Hibru 5:7

Kate au nga tekeu mae Jisas ka nauthoglu gne mana neke tarai balu tanhi fabiꞌo ka God Kmagna mae ihei tangomana te mala toghoni mana te mala theome lehe na. God neke nomhini nogna tharai mana na, naugna mae Jisas neke loku leghuni nagnafagna God na nei ghatho tahuni eghu mana.

Efesus 5:19

Eghuteuna kate khapru te koje na, ghotilo mala koje ka Sam nei ka himu nei keha khoje te tusu mei mae Tharunga te Blahi na. Ghotilo koje nei kilo fnaknoni Lord ka nagnafamire.

Kolose 1:24

Gognaro na iara keli tagu fara neubane au papara, naugna naꞌau papara te eni iara igne mala togho ghami ghotilo. Tifa na mae Kraes neke papara fara mala toghoni khiloau, thinigna mana na. Eghuteuna, iara jaola au papara ka thinigu na mala fakhaputu nogna gloku mae Kraes te theome gnafa nga teu.

Letas Teke Riso Tei Mae Pol Ka Khiloau Rom 12:12

Gleale'a fabrahu ka unha teke nhaꞌa chekeni God ka ghotilo na. Kate au papara na, au kmu. Tarai koba.

Nodi Khoje Hatimare Mae Jiu 50:15

Eghume jame te eha ghotilo ka iara kate au ghotilo ka hoholo na iara na togho ghami ghotilo, eghuteuna ghotilo ginauna na pala hagheni nanghagu iara na.”

Thoutonu Eigna Mae Job 35:10

“Nu mare theome kilo tei kolho ka God mae ihei teke vuavuhadi mare na. Eghuteuna ka gromno na mare theome eha tei ka God mae ihei teke tusu lao khoje ka mare.

Profet Isaia 30:29

Nu tahati nogna naikno Lord ra tahati ginauna na glealeꞌa fara nei koje jateula te koje tahati ka Gaghamu Blahi ra eghu. Ginauna tahati glealeꞌa fara jateula naikno te fanomho ka khoje nifu te koje te tei ka nogna thogele blahi Lord ra eghu. Naugna mana noda Thina rheta nei noda vido keli mala poru eghu tahati maeda Israel.

Nodi Khoje Hatimare Mae Jiu 71:7

Leuleghu fata na nakarhagu iara gne ngala kaisei te mala filo leghuni naiknore, naugna iagho ngala nogu vido keli te mala poru iara na.

Nodi Khoje Hatimare Mae Jiu 34:1

Iara ginauna na cheke fakelini Lord fabrahu.

Ululahu Pita 4:14

Kate cheke fadiꞌa ghami naiknore naugna te leghuni ghotilo mae Kraes na, ghotilo keli tami kolho. Naugna mae Tharunga te Blahi na auhi balumi ghotilo. Mana neke mei funu ka God nei mana au nolaghi biꞌo.

Filipae 2:17

Nomi fatutuani ghotilo na jateula kaisei fafara te tusu lao tahati ka God ia eghu. Nu jame falehe ghau iara mare na, dadaragu iara na ginauna thofa jateula kaisei fafara te salofodu baludi nomi fatutuani ghotilo ra eghu. Iara ginauna gleale'a fara kolho balumi ghotilo.

Fapea Korin 6:10

Mare tangomana te fadiꞌa nagnafa ghami na, nu ghehati gleale'a fabrahu kolho. Ghehati kuma fara ka nauthoglu igne, nu ghehati toghodi kmana naikno mala dedei kligna. Ghehati theo kaisei nomi glepo ka nauthoglu igne, nu ghehati thofno khotodi glepo te gnafa te au kligna.

Mae Khuru 5:41

Mae khurure ne jifla ka nodi suga mae mala fate re balu gleale'a naugna God lasedi mae igre nabadi te au papara eigna nanghagna mae Jisas.

Profet Sekaraea 3:8

“ ‘Pris biꞌo Josua, famane fanomho mei ka iara. Eghuteuna ghotilo keha pris te loku ke parigna nogna nolaghi mana ra, ghotilo jaola mala famane fanomho mei ka iara. Ghotilo te gnafa na mala jateula fagaglanadi eghu famane glepo nate thoke mei thogheiro. Nogu mae gloku iara nanghagna Grege igne, iara ginauna falalase ka ghotilo.

Nodi Khoje Hatimare Mae Jiu 119:55

Lord God, bongiro na iara ghatho nigho iagho, aonu iara na leghudi fabrahu nou famane farirhiu iagho ra.

Nodi Khoje Hatimare Mae Jiu 42:8

God iagho ngala te funei frunini nakarhagu iara gne. Iara gne ofoniu kolho glehe na. Iara laseni ka kaisei narane teuna iagho falalase nou namha biꞌo na ka iara. Eghuteuna leuleghu bongi na iara koje balu tharai ka iagho.

Luku 22:44

Mae Jisas ne tarai faheta fara naugna mana ne diꞌanagnafa fara. Eghuteuna buibuhigna mana re ne jateu dadara neu, ne khoko soru ka glose na.

Nodi Khoje Hatimare Mae Jiu 91:15

Kate kilo mei mare ka iara na, iara na cheke tughu ka mare. Nei iara ginauna au baludi kate thoke mei puhi ka mare na. Uve, iara na atha fajifladi ka puhi nei tusu ranghidi nafnakno.

Nodi Khoje Hatimare Mae Jiu 77:2

Kate thoke ghau puhi na iara tarai ka noda Lord. Funu grafi posa hamerane, iara ngafa haghe fabrahu khamegure ka tharai. Neuba, gaoghatho gu iara na theome nheta kolho.

Jemes 5:13

Jame kaisei ka ghotilo au puhi biꞌo, mana tarai ka God. Eghuteuna jame kaisei ka ghotilo au gleale'a, mana koje kilo fnaknoni God.

Nodi Khoje Hatimare Mae Jiu 22:2

Nogu God, bongi narane na iara theome gnafa te kilo nigho na, nu iagho theome fameomegoni nagnafagu gne.

Mae Khuru 15:22

Aonu hatimare mae khuru baludi keha mae biꞌo nei naikno te gnafa ka khiloau, mare ne kaisei nodi gaoghatho mala vavahi phei mae mala tei Antiok baludi mae Pol ghe mae Banabas. Mare ne vahidi mae Judas mae te kiloi Basabas ghe mae Silas. Naikno khiloau re thono ghatho tahudi phei mae igre.

Mae Khuru 16:19

Aonu kate filoni mae khotogna gaꞌase igne tela gnafa nodi puhi te mala hata nodi sileni biꞌo ka naꞌa, mare ne lokidi mae Pol ghe mae Silas. Mare korhidi phiamare ne tei ke uludi goro mae biꞌo re ka glalabagna namono na.

Mae Khuru 16:33

Ka vido tuana farihotei bongiro mae greireghi suga sosolo na ne taji fakelidi phiamare ne titihi nafnera ka thinidi phiamare re. Aonu mana nei naikno te gnafa ka tharaknagna mana re ghosei ne kafe apublahi.