Mae Khuru 16:24 - Buka Blahi Ka Cheke Holo

²⁴ Kate nomhini cheke igne, mana ne liliseidi phiamare ka chogho te ikoi te au lamna lahu ka suga sosolo na. Aonu mana ne fachakhi lao ghahedi phiamare re farihoteidi phia thaba biꞌo.

Mae Khuru 16:24 ပူးပေါင်းရင်းမြစ်များ

Thoutonu Eigna Mae Job 33:11

Te chekeni iagho na mana haru phei ghahemu iagho re, eghuteuna mana filo leghudi gobigna lepo teke edi iagho re.’

Thoutonu Eigna Mae Job 13:27

Iagho reri phei ghahegu iara gre, eghuteuna iagho filo leghudi gobigna lepo teke edi iara ra. Eghuteuna iagho filo ka glose na mala filo glanidi ghahegu iara gre ka vido te gnafa aheva teke tei iara tadire.

Profet Jeremaea 29:26

‘Sefanaea, Lord na vahi nigho iagho mala tughuni mae Jehoeada mala mae pris ulu ka nogna Sugablahi Lord. Iagho tangomana te lokini kaisei mae fameomekro te loku jateula kaisei mae profet teu ana. Iagho loki khame gna nei ghahe gna teu manare fari hotei thaba, aonu fabaꞌo lao kaisei chen aean ka grara gna mana na.

Profet Jeremaea 38:26

Jame te eghu mare na, iagho cheke eghu ka mare, ‘Iara neke toreni king mala thosei ke kuru fapulo ghau ka sosolo ka sugagna mae Jonatan mala lehe iara ka vido tuana.’ ”

Nodi Khoje Hatimare Mae Jiu 105:18

Ka suga sosolo jare Ijep, mare neke haruni mana ka chen ghahegnare, aonu mare neke lisei lao kaisei aean ring ka graragna na.

Fapea Kronikols 16:10

Kate nomhini cheke igne, King Asa ne diꞌatagna fara ka Profet Hanani ne koko laoni mana ka suga sosolo. Eghuteuna funu ka narane tuana, mana ne goigonidi keha nogna naiknore.

Ululahu Kings 22:27

Iagho chekedi phiamare mala lilisei mae igne ka suga sosolo. Eghuteuna faghamuni ka bret moja nei khoꞌu eghu kolho ghilei ke pulo mei iara ka magra.”

Profet Jeremaea 38:6

Aonu mare athani mae Jeremaea ne haru ka phukri ne farurhu soru lamna khora kho'u te au ke kosigna suga sososlo na. Igne nogna seu mae Malkaeja thugna mae king. Eghuteuna mae Malkaeja au ka suga gna king te reireghi teu mare igne. Seu igne krango theo kaisei khoꞌu tagna, nu fodu ka chopu kolho eghu. Mae Jeremaea ne thofno gnokro soru ka chopu igne.