Mae Khuru 16:2 - Buka Blahi Ka Cheke Holo

² Mae khiloaudi Listra nei Aekoniam teure mare ne ghatho tahuni fara nei cheke fakelini eghu mae Timoti.

Mae Khuru 16:2 ပူးပေါင်းရင်းမြစ်များ

Fapea Timoti 3:15

Jaola, vuha suamu te mei na, iagho lasedihi u grioriso te blahi igre. Eghuteuna farirhiu igre tangomana te tusu ranghi nigho gaoghatho te keli nei batu nigho kau nakarha te keli naugna iagho ne fatutuani ni mae Jisas Kraes.

Ululahu Timoti 5:10

Eghuteuna naiknore filo glani naꞌa tangomana te edi gloku te kelire. Nafnata gloku jateula igre eghu te mala reireghi fakeli thugna, nei farumadi naikno phosa ka sugagna na, nei fafnaknodi naikno khiloaure kate titihi ghahedire, nei mala toghodi naikno te au puhi biꞌo ka nakarhadire. Uve, nafnata thau te fariuriu edi fabrahu thua nafnata gloku te keli.

Hibru 11:2

Vikeda tahati tifa ra, mare neke fatutuani ni God eghuteuna God neke keli tagna fara ka mare.

Fapea Timoti 3:11

Uve, iagho lasenihi, iara neke kabru nei au papara fara kani au teku ka namono Antiok, Aekoniam nei Listra. Nu noda Lord neke togho ghau nei fakarhi ghau ka puhi te gnafa igre.

Ululahu Timoti 3:7

Puhigna mana na mala doglo fabrahu mala tangomana naikno te theome fatutuanire te ghatho tahuni mana na. Jaola naiknore ginauna theome filo faparini mana nei mae Satan ginauna jaola theome sagu nila mana.

Mae Khuru 16:40

Aonu kate jifla mei ka suga sosolo na, phiamare ne kulu tei ka sugagna Lidia na. Phiamare ne thafodi keha naikno khiloau ka sugagna Lidia na ne toutonu ranghidi mala ke fakeli nagnafadi. Ke leghugna igne, phiamare ne jifla ka namono tuana.

Mae Khuru 14:21

Phiamare ne toutonuni u Nonomho te Keli na jare Debi, eghuteuna kmana naikno ne fatutuani ni mae Jisas. Aonu mae Pol ghe mae Banabas neke pulo ka namono Listra, Aekoniam nei Antiok.

Mae Khuru 13:51

Aonu mae Pol ghe mae Banabas kegra ke uludi naiknore ne ghiha koko gnagnapa ka ghahedire, igne fagaglana te nogna naoka God mare na. Ke leghugna igne, phiamare jifla Antiok ne tei Aekoniam.

Mae Khuru 6:3

Eghume te keli na kheraguro, ghotilo vahidi fitu mae ka themi malagna gloku igne. Ka mae iheire te keli, lalase nei mae Tharunga te Blahi na au baludi.

Ululahu Timoti 5:25

Jateula tuana eghu gloku te kelire e bligi fara te mala filodire. Nu neubane theome bligi ngau te mala filodire, theome tangomana te poru fabrahu na.

Mae Khuru 1:15

Keha narane ke leghudi igre, namo kaisei gobi varadaki naikno khiloau khapru fodu neu. Mae Pita kegra haghe ke lamnadi mare ne cheke eghu,

Mae Khuru 14:1

Jare ka namono Aekoniam mae Pol ghe mae Banabas ne jaola ne ruma ka nodi suga tharai mae Jiure. Kmana naikno ne fatutuani ni mae Jisas, naugna phiamare ne cheke balu nolaghi.

Mae Khuru 14:6

Kate nomhini phiamare groghe igne, phiamare ne rikha ne tei Listra nei Debi phei namono igre au ka provins Likonia, nei phiamare ne tei tongana ke lamnagna nohi tuana.

Filipae 2:22

Nu ghotilo la filo glanihi mae Timoti, mana theome nafnata naikno igre. Mana togho fakeli ghau iara jateula kaisei mae sitei te toghoni mae kmagna na ia eghu. Ghepa loku fodu mala tangomana naiknore te kafe nomhini u Nonomho te Keli na.