Mae Khuru 16:19 - Buka Blahi Ka Cheke Holo

¹⁹ Aonu kate filoni mae khotogna gaꞌase igne tela gnafa nodi puhi te mala hata nodi sileni biꞌo ka naꞌa, mare ne lokidi mae Pol ghe mae Silas. Mare korhidi phiamare ne tei ke uludi goro mae biꞌo re ka glalabagna namono na.

Mae Khuru 16:19 ပူးပေါင်းရင်းမြစ်များ

Mae Khuru 21:30

Naikno te gnafa ka namono biꞌo Jerusalem na ne diꞌa tadi fara, naugna puhi igne ne tei tongana ke lamnagna namono biꞌo na. Mare kafe chari ne mei ka vido tuana ne lokini mae Pol, korho ne jifla ka Sugablahi na ne ghosei ne bobotho grengathare.

Mae Khuru 17:6

Nu kate dofidi phiamare na, mare neke lokini kolho mae Jason nei keha naikno khiloau ne korhodi ne tei ke uludi goro mae biꞌogna namono na. Naiknore ne eha fabiꞌo ne cheke eghu, “Phei mae igre eꞌei puhi heva heva ka nauthoglu gne. Eghuteuna gognaro na phiamare la mei thoke ka noda namono tahati gne.

Fapea Korin 6:5

Mare puri ghami nei koko lao ghami ka suga sosolo. Naiknore diꞌa tadi ghami nei magri ghami. Ghehati loku heta, keha fatare ghehati theo kaisei vido mala thuru ba te mala ghamu na.

Mae Khuru 16:16

Kaisei narane kate tei ghehati ka vido te mala tarai na, kaisei gaꞌase gloku mei ne deni ghami ghehati. Kaisei naitu na au ka gaꞌase tuana mala tangomana naꞌa te toutonudi glepo te theome thoke mei nga teure. Aonu nogna mae funei naꞌa re hata sileni biꞌo fara kate eni naꞌa tuana.

Mae Khuru 15:26

Naugna phei mae igre neke namo lehe kmana fata ka nanghagna noda Lord Jisas Kraes.

Mae Khuru 14:19

Keha naikno Jiure ne mei funudi Antiok nei Aekoniam. Mare mei ne huhurudi naiknore mala thosei leghuni mae Pol. Aonu mare fadi thina ni mae Pol ne korho teini mana ke kosi namono. Mare gaoghathodi na jaula lehehi mae Pol eghu.

Mae Khuru 14:5

Keha mae Jiu nei keha mae te theome Jiu nei keha mae biꞌo eghu ne roghe mala fadi falehedi mae Pol ghe mae Banabas ka thina.

Mae Khuru 9:16

Eghuteuna iara thegu ginauna na falaseni mana niha nafnata naꞌau papara nate thokeni mana kate toutonu thakleni nanghagu iara na.”

Nonomho Te Keli Teke Risoi Mae Mak 13:9

“Fiofilo fakeli ghami ghotilo ia. Naugna naiknore ginauna na hata ghami ghotilo tei ka fate. Mare ginauna na puri ghami ghotilo ke lamna suga tharai. Mare ginauna na huhuru ghami ghotilo mala kegra ke uludi mae funei ba hatimare mae King. Mare ginauna na edi glepo igre ka ghotilo, naugna ghotilo ne leghu ghau iara. Eghuteuna ghotilo ginauna na toutonuni Nonomho te Keli na ka mare.

Matiu 24:9

“Aonu naiknore ginauna loki ghami ghotilo mala hata tei ghami ka fate. Mare ginauna para ghami nei falehe ghami eghu ghotilo. Eghuteuna naikno ka namono te kmana ke lamnagna nauthoglu igne ginauna tirodi ghami ghotilo naugna ghotilo ne fatutuani ghau iara.

Jemes 2:6

Nu ghotilo ne filo faparidi iheire te kumare. Mae iheire igre te edi puhi diꞌa ka ghotilo, te hata ghami ghotilo ka fate na? Naikno te kuma gre? Theo! Naikno te dedei gre!

Mae Khuru 15:22

Aonu hatimare mae khuru baludi keha mae biꞌo nei naikno te gnafa ka khiloau, mare ne kaisei nodi gaoghatho mala vavahi phei mae mala tei Antiok baludi mae Pol ghe mae Banabas. Mare ne vahidi mae Judas mae te kiloi Basabas ghe mae Silas. Naikno khiloau re thono ghatho tahudi phei mae igre.

Ululahu Timoti 6:10

Magnahaghei sileni biꞌo na u glathigna puhi diꞌa fateote'o. Keha naiknore jifla kokoni khiloau gne naugna mare magnahaghei sileni biꞌo. Nu mare khogla fadiꞌa nagnafadi nei paradi eghu kolho thedi.

Profet Daniel 6:12

aonu mare ne tei cheke eghu ka mae king, “King, iagho neke lisei nanghamu na ka vetula igne. Eghuteuna vetula igne neke chekehi ka naiknore mala tarai kolho ka iagho nabagna tolufulu narane. Eghume, jame te tarai naikno igre ka nodi god thedire, ba tarai lao ka kaisei mae delei ngau teuna, iagho ginauna koko soruni naikno tuana ke lamna khora lion. King, vetula igne au ngala gognarona, ba theo?” Aonu mae king ne cheke eghu ka mare, “Uve, vetula igne au ngala gognarona baludi nodi vetula mae Media ghe mae Pesia. Eigna theome tangomana kaisei naikno teke tuthughu na vetula igne.”

Mae Khuru 15:40

Nu mae Pol ne vahini mae Silas mala tei balugna. Eghuteuna naikno khiloaudi Antiok re ne taraidi phiamare nei snakre fajifladi ka nogna namha Lord.

Mae Khuru 16:20

Mare ne hatadi mae Pol ghe mae Silas ka maedi Rom te au ka namono igne mala fatedi phiamare. Mare ne cheke eghu, “Phei mae Jiu igre ne edi kmana puhi ka noda namono tahati gne.

Mae Khuru 16:25

Farihotei bongiro, mae Pol ghe mae Silas ne tarai balu koje kilo fnaknoni God. Keha mae te sosolo re ne fanomho ka phiamare.

Mae Khuru 16:29

Mae greireghi suga sosolo na ne ehadi keha naiknore mala hata mei juta. Aonu mana chari ne tei lamna suga sosolo ne tuturupuku soru balu fififri ke uludi mae Pol ghe mae Silas naugna mana ne thono mhaghu nogna fara.

Filipae 1:30

Eghume gognaro na ghotilo tangomana te kaisei balugu iara kau magra gne mala loku famakuni u Nonomho te Keli gne. U nafnata magra te filoni ghotilo ka iara te eni te mei ngala funu tifa igne, eghuteuna ghotilo lase ghau iara te heta ghegu teu ngala gognaro gne.

Ululahu Tesalonika 2:2

Ghotilo laseni ame ari posa nga ka ghotilo teku na, ghehati neke au papara ka namono Filipae. Mae biꞌo mala baubatu ka namono tuana cheke fadiꞌa ghami ghehati. Nu neubane khale ghami kmana hoholo, noda God ne togho ghami ghehati mala frane te toutonuni ka ghotilo u Nonomho te Keli na.