Mae Khuru 16:18 - Buka Blahi Ka Cheke Holo

¹⁸ Naꞌa eni koba igne leuleghu narane. Mae Pol ne ghilei hongoni, aonu mana figri ne cheke eghu ka naitu na, “Ka nanghagna mae Jisas Kraes iara te cheke ari ka iagho mala jifla mei ka naꞌa!” Eghuteuna naitu na ghosei ne jifla mei ka gaꞌase na.

Mae Khuru 16:18 ပူးပေါင်းရင်းမြစ်များ

Nonomho Te Keli Teke Risoi Mae Mak 16:17

Eghuteuna iheire te fatutuanire, God ginauna tusu ranghidi nolaghi, mala tangomana mare ei kofubobhoi. Mare ginauna tangomana te brue naitu ka nanghagu iara. Eghuteuna mare ginauna cheke ka keha nafnata cheke majaghani teke theome laseni mare tifa na.

Mae Khuru 9:34

Mae Pita ne cheke eghu ka mana, “Ghema Aenias, mae Jisas Kraes na fakeli nigho iagho. Kegra haghe pipiri nou sape ana!” Mae Aenias ghosei ne kegra haghe.

Mae Khuru 3:6

Nu mae Pita ne cheke eghu ka mana, “Iara theo sileni. Nu keha glepoi ngau te au ka iara na, tuana nate tusu ari iara ka iagho na. Te cheke nigho iara na, ka nanghagna mae Jisas Kraes gna Nasaret, kegra haghe, nonolo tafri!”

Nonomho Te Keli Teke Risoi Mae Mak 1:34

Mae Jisas ne kafe fakelidi ne gnafa naikno te au kmana nafnata khabru tadi. Eghuteuna mana ne brue teidi la naitu te kmana teke au ka naiknore. Nu mae Jisas theome snakredi naiture te cheke na, naugna mare lasenihi mae Jisas.

Kolose 2:15

Mae Kraes neke hata koko fahui nodi nolaghi naitu te gnafa te mala funei fruni na. Ka gaju fafatha na, mae Kraes ne tapla faparidi nei famamajadi eghu mare fara ke uludi naiknore.

Luku 9:1

Mae Jisas ne kilo fodudi nogna nabotho phei mae khurure. Aonu mana ne tusu ranghidi nolaghi te mala fakelidi naikno te fogra, nei nolaghi te mala bruedi naiture.

Matiu 14:24

Ka narane igne, mola na la tei gaꞌuhi farihotei kholo. Aonu mola mare na ne namo lodu, naugna ne galo biꞌo fara, eghuteuna nuri na au ke uludi mare.