Mae Khuru 16:16 - Buka Blahi Ka Cheke Holo

¹⁶ Kaisei narane kate tei ghehati ka vido te mala tarai na, kaisei gaꞌase gloku mei ne deni ghami ghehati. Kaisei naitu na au ka gaꞌase tuana mala tangomana naꞌa te toutonudi glepo te theome thoke mei nga teure. Aonu nogna mae funei naꞌa re hata sileni biꞌo fara kate eni naꞌa tuana.

Mae Khuru 16:16 ပူးပေါင်းရင်းမြစ်များ

Levitikas 19:31

“Eghuteuna ghotilo thosei tei ka naikno te cheke baludi tharungadi iheire teke lehe tifa ra, ba ka keha naitu. Jame te hirodi ghotilo igre na, ghotilo goigoni ghami themi ka tathagu iara na. Iara Lord, nomi God ghotilo.

Profet Isaia 8:19

Naiknore ginauna cheke ka ghotilo mala tei ka mae nalhaꞌu nei gaꞌase teu te lasedi kastom nei au naitu khora phaꞌu teura, ba cheke baludi iheire tela lehehi ra. Naikno igre cheke faꞌikoi ka thua nafnata cheke mala theome tangomana kaisei naikno te nomhidire. Nu ghotilo thosei fanomho ka mare. God kolho te mala tore ghotilo na! Ba, mala unha si naikno gre te toredi iheire tela lehehi ra te mala toghodi iheire te karha nga teu igrea?

Galesia 5:20

tufru soru ka mumuju, neilehe, majora, fapholai, goghotu, faheaheta, fabiꞌobiꞌo, famamagra, fafoafota,

Ululahu Kronikols 10:13

King Sol ne lehe naugna mana ne theome ghatho tahuni Lord, eghuteuna mana neke theome leghudi nogna cheke mana re. Eghuteuna mana neke theome toreni Lord mala toghoni, nu mana tei toreni kaisei naikno biꞌo ihei tangomana te facheke ka tharungadi naikno tela lehehira. Eghume Lord neke faleheni mana, eghuteuna Lord neke vahini mae Devet thugna Jesi mala king tughuni mana.

Ululahu Samuel 28:7

Aonu mana ne cheke eghu ka nogna mae biꞌo re, “Ghotilo tei hironi kaisei naikno biꞌo te lase cheke ka tharungadi naikno tela lehe hira mala laseni iara cheke tughu gna na.” Mare ne cheke eghu ka mana, “Kaisei naikno biꞌo te lase cheke baludi tharungadi naikno tela lehehi tifa ra naꞌa au ka namono Endo.”

Ululahu Timoti 6:10

Magnahaghei sileni biꞌo na u glathigna puhi diꞌa fateote'o. Keha naiknore jifla kokoni khiloau gne naugna mare magnahaghei sileni biꞌo. Nu mare khogla fadiꞌa nagnafadi nei paradi eghu kolho thedi.

Fapea Timoti 3:8

Mae te diꞌa igre tirodi leghuni thofno cheke te tutuani na, jateula mae Janisi ghe mae Jabrisi teke eni tifa ranghini mae Moses. Mare theome au kaisei nodi gaoghatho te doglo kolho, eghuteuna nodi fatutuanire la tei jafrahi.

Mae Khuru 16:18

Naꞌa eni koba igne leuleghu narane. Mae Pol ne ghilei hongoni, aonu mana figri ne cheke eghu ka naitu na, “Ka nanghagna mae Jisas Kraes iara te cheke ari ka iagho mala jifla mei ka naꞌa!” Eghuteuna naitu na ghosei ne jifla mei ka gaꞌase na.

Mae Khuru 16:13

Kau narane Sabat na ghehati ne jifla ke kosigna namono na ne soru ka geri khoꞌu na. Ghehati hironi kaisei vido aheva te au mae Jiu mala tarai. Ghehati ne filodi keha gaꞌase khapru neu jare, aonu ghehati gnokro soru ne facheke baludi.

Ululahu Samuel 28:3

Kate lehe mae Samuel na, naiknodi Israel re ne diꞌanagnafadi fara ne tanhini mana. Aonu mare ne giugiluni mana Rama ka nogna namono na. Eghuteuna king Sol neke khi fajifladi hi Israel mae nalhaꞌu ba gaꞌase te cheke ka tharungadi naikno tela lehe hi tifa re.

Fapea Pita 2:3

Mae velepuhi chaichaghi igre na edi kmana thonu chaichaghi, naugna mare magnahaghei hata sileni fara kolho ka ghotilo. Nu God fatedihi mare eidi puhi igre, eghuteuna mana neke ofodi mare funu tifa. Mana theome thuru, nu mana ginauna fatedi mare naugna mana neke kulu chekenihi.

Mae Khuru 19:24

Kaisei mae jare Efesus, nanghagna na mae Demitrias. Nogna gloku mana na mala hohoro glepo ikoi ka silva jateula ngau sugagna mumuju god gaꞌase Atemis. Eghuteuna mae iheire te loku ka gloku igne thofno dedei fara.

Levitikas 20:6

“Eghuteuna jame kaisei ka ghotilo tei ka mae ihei tangomana te cheke baludi tharungadi naikno teke lehe tifa ra ba ka keha naitu, iara ginauna figri tagruni mana eghuteuna lisei fadeleini mana ka naiknodi Israel.

Levitikas 20:27

“Jame kaisei mae ba gaꞌase cheke baludi tharungadi naikno teke lehe ra ba ka keha naitu, ghotilo fada faleheni ka thina, eghuteuna glehegna na eigna najafra gna mana thegna.”

Fapea Kings 21:6

Mana gahu neke fafara mae thugna thegna na ka mumuju. Mana loku ka nunughere nei khoraphaꞌu, khaekae, eghuteuna mana tei filodi iheire tangomana te cheke baludi tharungadi iheire tela lehehi. Eghuteuna mana edi kmana glepo te thono diꞌa fara ka tathagna Lord na, aonu Lord ne diꞌatagna fara ka mana.

Mae Khuru 16:19

Aonu kate filoni mae khotogna gaꞌase igne tela gnafa nodi puhi te mala hata nodi sileni biꞌo ka naꞌa, mare ne lokidi mae Pol ghe mae Silas. Mare korhidi phiamare ne tei ke uludi goro mae biꞌo re ka glalabagna namono na.