Mae Khuru 16:13 - Buka Blahi Ka Cheke Holo

¹³ Kau narane Sabat na ghehati ne jifla ke kosigna namono na ne soru ka geri khoꞌu na. Ghehati hironi kaisei vido aheva te au mae Jiu mala tarai. Ghehati ne filodi keha gaꞌase khapru neu jare, aonu ghehati gnokro soru ne facheke baludi.

Mae Khuru 16:13 ပူးပေါင်းရင်းမြစ်များ

Mae Khuru 13:14

Ke leghugna igne mare jifla Pega ne tei thoke Antiok, kaisei namono rhegna Provins Pisidia. Kau narane Sabat na mare ne tei ka nodi suga tharai mae Jiu.

Kolose 1:23

Mae Kraes tangomana te eni igne mala te kegra heta fabrahu ghotilo ka nomi fatutuani na. Thosei snakreni kaisei glepo ka nauthoglu igne mala hata fadelei ghami ka puhi fatutuani teke nomhinihi ghotilo ka Nonomho te Keli gne. Hatimare mae fatutuani ra neke toutonunihi u Nonomho te Keli gne ka naikno te gnafa ka nauthoglu gne. Eghuteuna iara mae Pol, kaisei mae gloku mala toutonu nila u Nonomho te Keli gne.

Galesia 3:28

Eghume theo kaisei glepo te nhogri ka iheire te kaisei balugna mae Jisas Kraes, neubane mae Jiu ba theome mae Jiu, neubane mae sneka ba mae snagla, neubane nalhaꞌu ba gaꞌase. Ghotilo te hui na kaisei ngala.

Mae Khuru 21:5

Nu kate gnafa nomi narane te mala au baludi re, ghehati jifla jare neke tei. Eghuteuna naikno khiloau gna namono tuana ne kafe jifla baludi khetodi thudi teure ne soru balumi ghehati ka gratha na. Aonu ghehati kafe tuturupuku soru ka nusu na ne tarai.

Mae Khuru 20:7

Ka grafi Sarere ghehati salo fodu mala tarai nei ima fodu. Mae Pol ne cheke fabrahu ranghidi naikno khiloau re ne ghilei farihotei bongi, naugna mana magnahaghei teke jifla keha narane. Eghume igne nogna toutonu leghu lahu mana ranghidi naikno khiloau igre.

Mae Khuru 18:4

Leuleghu narane Sabat na mae Pol ne tei toutonu ranghidi mae Jiu nei mae Griki ka suga tharai na mala fatutuani ni mae Jisas.

Mae Khuru 17:2

Mae Pol ne tei tarai baludi mare jateula te eni koba thegna na neu. Leuleghu narane Sabat nabagna thilo wik, mae Pol ne toutonu ka mare eigna u grioriso te blahi na.

Mae Khuru 16:6

Mae Pol nei mae balugna re eghu ne tei sala'u ka Provins Frijia nei Provins Galesia. Naugna mae Tharunga te Blahi na theome snakredi mare te toutonuni u Nonomho te Keli na ka Provins Esia.

Mae Khuru 13:42

Kate jifla mae Pol ghe mae Banabas ka suga tharai na, naiknore ne toredi phiamare mala ke pulo mei e toutonu ranghidi glepo igre ka keha narane Sabat na.

Jone 8:2

Hamerane boibongi ka keha narane na, mae Jisas neke pulo Jerusalem ne ruma ka Sugablahi na. Ka narane tuana, kmana naikno filoni mana ne mei khapru faligohoni mana. Eghuteuna mana gnokro soru ne toutonu ranghidi Nonomho te Keli na.

Luku 13:10

Kaisei narane Sabat, mae Jisas farirhiudi neu naiknore ke lamnagna kaisei suga tharai.

Nonomho Te Keli Teke Risoi Mae Mak 16:15

Mae Jisas ne cheke eghu ka mare, “Ghotilo jifla tei heva heva kau nauthoglu gne, mala toutonuni Nonomho te Keli na ranghidi naikno fateote'o.

Matiu 13:2

Kmana naikno fara mei ne khapru faligohoni mana. Mae Jisas tei ka mola na ne saghe, eghuteuna naiknore kegra neu mata.

Mae Khuru 9:20

Mana doglo ne tei lamnagna nodi suga tharai mae Jiure ne toutonu eigna mae Jisas na thofno Thugna God.

Mae Khuru 16:16

Kaisei narane kate tei ghehati ka vido te mala tarai na, kaisei gaꞌase gloku mei ne deni ghami ghehati. Kaisei naitu na au ka gaꞌase tuana mala tangomana naꞌa te toutonudi glepo te theome thoke mei nga teure. Aonu nogna mae funei naꞌa re hata sileni biꞌo fara kate eni naꞌa tuana.