Mae Khuru 16:1 - Buka Blahi Ka Cheke Holo

¹ Mae Pol ghe mae Silas ne tei thoke Debi. Eghuteuna ke leghugna igne phiamare jifla jare neke tei Listra. Kaisei mae khiloau nanghagna na mae Timoti au jare Listra. Idogna mae Timoti gne tifa na neke thau Jiu eghuteuna gognaro na naꞌa thau khiloau. Eghuteuna mae kmagna na kaisei mae Griki.

Mae Khuru 16:1 ပူးပေါင်းရင်းမြစ်များ

Fapea Timoti 1:5

Iara laseni nou fatutuani iagho ka Lord Jisas Kraes na thono heta fara, jateula teke eni kavemu Loesi ghe idomu Iunisi tifa ia eghu. Te ghathoni fara iara na u nafnata fatutuani te heta fara tuana te au ka iagho gognaro na.

Fapea Timoti 1:2

Uve ghema Timoti, iara riso ari letas igne ka iagho, eigna iagho jateula kaisei mae thofno thugu iara eghu. Iara toreni nogna khokofakasai, lolokeli, nei pharikeli God Kmada nei Jisas Kraes noda Lord mala au balumu.

Ululahu Timoti 1:2

Uve ghema Timoti, ka noda fatutuani ka mae Jisas Kraes, iagho jateula kaisei mae thofno thugu eghu iara. Iara toreni nogna khokofakasai, lolokeli, nei pharikeli God Kmada nei Jisas Kraes noda Lord mala au balumu.

Ululahu Tesalonika 3:2

eghuteuna neke kuru arini mae kherada Timoti ka ghotilo. Mae Timoti kaisei mae nogna gloku God te loku balumi ghehati mala toutonu ranghidi naiknore Nonomho te Keli eigna mae Kraes. Ghehati kuru arini mala farheta ghami nei toghodi eghu mana nomi fatutuani ghotilo re.

Ululahu Korin 4:17

Naugna igne, iara kuru arini mae Timoti ka ghotilo. Iara namhani mana jateula thofno mae thugu eghu, naugna mana loku fakeli ranghini Lord. Mana ginauna farirhiu ghami ghotilo puhigna Kraes te leghuni iara gne, jateula iara te farirhiudi naikno khiloau ka namono te gnafa gre eghu.

Mae Khuru 18:5

Aonu mae Silas ghe mae Timoti gre ne mei funudi Masidonia mala loku balugna mae Pol Korin. Ke leghugna igne, mae Pol ne toutonu ranghidi koba naiknore u Nonomho te Keli igne leuleghu narane mala laseni mare mae Jisas gne ngala mae Kraes na.

Mae Khuru 17:14

Aonu naikno khiloau re ghosei ne kuru teini mae Pol na tongna. Nu mae Silas ghe mae Timoti au neu Berea.

Fapea Tesalonika 1:1

Iara mae Pol baludi mae Silas ghe mae Timoti, te riso ari letas igne ka ghotilo naikno khiloau te au Tesalonika nogna God Kmada nei Lord Jisas Kraes.

Kolose 1:1

Iara mae Pol, eigna God neke magnahaghe ghau iara mala nogna khuru mae Jisas Kraes. Ghepa kherada mae Timoti,

Filipae 2:19

Jame te nogna magnahaghei thegna noda Lord Jisas Kraes na, iara ginauna ghosei kuruni mae Timoti mala ari sigho ghami ghotilo. Mana ginauna toutonu ranghi ghau iara keha famane thoutonu eimi ghotilo eghuteuna iara ginauna thofno gleale'a fara kate ke pulo mei mana ka iara na.

Letas Teke Riso Tei Mae Pol Ka Khiloau Rom 16:21

Timoti mae ihei te loku balugu iara gne, kubae ghami ghotilo. Eghuteuna mae Lusias nei mae Jason nei mae Sosipata mae te gnafa igre hatimare mae Jiu jateula iara eghu, mare jaola kubae ghami ghotilo.

Mae Khuru 14:6

Kate nomhini phiamare groghe igne, phiamare ne rikha ne tei Listra nei Debi phei namono igre au ka provins Likonia, nei phiamare ne tei tongana ke lamnagna nohi tuana.

Hibru 13:23

Iara magnahaghei ghami ghotilo te laseni mae kherada Timoti, mare la snakre fajiflani mana ka sosolo. Jame te mei faghose la mana na, ghepa ginauna na ari filo ghami ghotilo.

Ululahu Timoti 1:18

Uve thuguo Timoti, cheke te edi iara igre leghudi kolho nodi cheke hatimare mae profet teke cheke eimu iagho tifa ia. Iagho famane leghudi farirhiu igre mala togho nigho nei magridi eghu puhi diꞌa fateo ka nauthoglu igne.

Ululahu Tesalonika 1:1

Iara mae Pol baludi mae Silas ghe mae Timoti, te riso ari letas igne ka ghotilo naikno khiloau nogna God Mama nei noda Lord Jisas Kraes te au ka namono Tesalonika. Ghehati toreni nogna khokofakasai nei pharikeli God Mama te mala au balumi.

Filipae 1:1

Uve, iara mae Pol ghepa mae Timoti phei nogna mae gloku mae Jisas Kraes. Ghepa riso ari letas igne ka ghotilo naikno khiloau te au ka namono Filipae. Eghuteuna ghepa riso ranghidi langau hatimare mae biꞌo nei hatimare mae te totogho ka khiloau Filipae.

Mae Khuru 19:22

Aonu mae Pol ne kurudi mae Timoti ghe mae Erastus, phei nogna mae thotoghore, mala kulu tei Masidonia. Mana thegna neke au katha vido ka Provins Esia.

Fapea Timoti 3:11

Uve, iagho lasenihi, iara neke kabru nei au papara fara kani au teku ka namono Antiok, Aekoniam nei Listra. Nu noda Lord neke togho ghau nei fakarhi ghau ka puhi te gnafa igre.

Ululahu Tesalonika 3:6

Nu mae Timoti gne kela pulo mei ka ghehati funu ka ghotilo. Mana hata mei famane nonomho te keli eigna nomi fatutuani nei namha. Mana toutonu ka ghehati eimi ghotilo te ghatho ghami fabrahu ka puhi te keli, nei magnahaghei filo ghami fara jateula ghehati te magnahaghei filo ghami ghotilo.

Fapea Korin 1:19

Tutuani, iara baludi mae Silas ghe mae Timoti neke toutonu eigna mae Jisas Kraes Thugna God. Eigna mae Jisas na neke theome nafnata naikno te kaisei fata chekedi ngala “Uve” ghe “Theo” gre. Theo, nu mana chekeni koba unha te tutuani na.

Fapea Korin 1:1

Iara mae Pol. God neke vahi ghau iara mala nogna khuru mae Jisas Kraes. Ghepa mae kherada Timoti te riso ari letas igne ka ghotilo naikno khiloau te au Korin nei ka keha namono ke lamnagna Provins Akaia.

Ululahu Korin 7:14

Mae ihei te theome fatutuani na, mana tangomana te mei namo ka God na, naugna mana ne kaisei balugna thau khiloau te tolaghi mana tagna na. Eghuteuna gaꞌase te theome fatutuani na, naꞌa tangomana te mei namo ka God naugna naꞌa ne kaisei balugna mae khiloau te tolaghi naꞌa tagna na. Jame te theome tutuani igne na, thumi ghotilo re ginauna theome doglo ka tathagna God na. Nu gognaro na naugna ka nomi fatutuani ghotilo idodi kmadira, thumi ghotilo re tangomana te mei namo ka God.

Mae Khuru 14:21

Phiamare ne toutonuni u Nonomho te Keli na jare Debi, eghuteuna kmana naikno ne fatutuani ni mae Jisas. Aonu mae Pol ghe mae Banabas neke pulo ka namono Listra, Aekoniam nei Antiok.

Mae Khuru 14:1

Jare ka namono Aekoniam mae Pol ghe mae Banabas ne jaola ne ruma ka nodi suga tharai mae Jiure. Kmana naikno ne fatutuani ni mae Jisas, naugna phiamare ne cheke balu nolaghi.

Esra 9:2

Mare hata gaꞌase bongihehe igre mala tolaghi, eghuteuna mare jaola hata thudi gaꞌase mare re mala tolaghi ka thudi nalhaꞌure. Eghume tahati nogna naikno blahi God igre la kaisei loku fodu baludi naikno bongihehe te au faligoho ghita igre la thona ka tathagna noda God. Eghuteuna noda mae lida tahati igre baludi keha mae biꞌo igre ngala te baubatudi naiknore te edi puhi te jafra igre.”

Ululahu Korin 16:10

Jame te ari mae Timoti ka ghotilo na, ghotilo mala reireghi fakelini mana naugna mana jateula iara eghu loku ranghini Lord.

Filimon 1:1

Uve, iara mae Pol, iara au ka suga sosolo eigna iara ne toutonuni nogna Nonomho te Keli mae Jisas Kraes. Ghepa mae thabusigna ka khiloau Timoti, rioriso ari letas igne ka iagho Filimon mae kherami fofodu ka gloku malagna God.