Mae Khuru 15:9 - Buka Blahi Ka Cheke Holo

⁹ Ka God na naikno tuare theome nhogri ka tahati. Kate fatutuani mare u Nonomho te Keli na, God na hata fadelei nakhibodire mala famane klino nagnafadire jateula teke enila mana ranghi ghita tahatia eghu.

Mae Khuru 15:9 ပူးပေါင်းရင်းမြစ်များ

Efesus 3:6

U gaoghathogna Nonomho te Keli teke poru igne God magnahaghe ghami ghotilo te mala kaisei vike nei kaisei thini balumi ghehati mae Jiu. Eghuteuna unha teke nhaꞌa chekeni God ka ghehati eigna mae Jisas Kraes igne mala nomi la ghotilo.

Mae Khuru 10:28

Mae Pita ne cheke eghu, “Uve, kheraguro, ghotilo lasenihi, thono blahi fara ka nomi vetula ghehati mae Jiure te sighoni ba te fofodu ka ihei te theome Jiu na. Nu God neke falalase ghau iara mala thosei chekeni iara ka ihei te thona ke ulugna God ba ihei te theome naba mala fofodu ka God.

Kolose 3:11

Ka nakarha majaghani igne na, naikno te gnafare mala kaisei nanaba ngala. Neuba tahati ne mae Jiu ba theome mae Jiu, neuba tahati ne tohi fagaglana ba theome tohi fagaglana, neuba tahati ne mae sikolu ba tahati maeda holo, ba tahati mae sneka ba tahati mae au snagla kolho, nu kaisei mae Kraes ngala te glepo ulu ka nakarhada na, eghuteuna mae Kraes te au ke lamnada gnafa.

Galesia 5:6

Naugna kate salo fodu tahati te kaisei balugna mae Jisas Kraes na, tahati theome mala nangani jame te mala vahe ba theo. Naugna glepo tuare theo nafudi. Nu glepo te ulu na u fatutuani ngala, u nafnata fatutuani te thakle mei kau puhi namha kolho.

Galesia 3:28

Eghume theo kaisei glepo te nhogri ka iheire te kaisei balugna mae Jisas Kraes, neubane mae Jiu ba theome mae Jiu, neubane mae sneka ba mae snagla, neubane nalhaꞌu ba gaꞌase. Ghotilo te hui na kaisei ngala.

Ululahu Korin 1:2

te riso ari letas igne ka ghotilo naikno khiloau te au ka namono biꞌo Korin. God kilo ghami ghotilo mala nogna naikno blahi mana baludi naikno heva heva te tore ka nanghagna noda Lord Jisas Kraes. Jisas noda Lord tahati gnafa!

Letas Teke Riso Tei Mae Pol Ka Khiloau Rom 3:22

Igne u nabrou te chekeni iara na. Naikno te gnafa te fatutuani ni mae Jisas Kraes re, God au kaisei nabrou te mala fadoglodi ke ulugna thegna. God theome edi phei nabrou, kaisei maladi mae Jiu nei kehana maladi mae te theome Jiu.

Mae Khuru 11:12

Eghuteuna Tharunga te Blahi na neke cheke ranghi ghau iara mala thosei mhaghu iara te tei baludi na. Eghume namno naikno khiloau Jopa igre neke teila balugu iara. Ghehati neke tei thoke ka sugagna mae Konilias na Sisaria.

Ululahu Pita 1:22

Gognaro ghotilo fagae ghamihi themi naugna ghotilo leghuni cheke te tutuani na. Eghuteuna gognaro ghotilo jaola tangomana te namhadi kherami fofodure ka khiloau gne. Eghume te keli na ghotilo kafe namhadi naikno khiloau te gnafare ka thofno nagnafami fateo.

Mae Khuru 10:34

Mae Pita ne funu cheke eghu, “Tutuani fara kheraguro, gognaro na iara thofno laseni igne, God na theome tangomana te kafe pileni ihei na naugna naikno te gnafare kafe nanaba ngala ka God.

Ululahu Korin 7:18

Jame kaisei mae teke kulu vahehi kani teke kiloni God na, mana mala thosei ke tughu igne. Eghuteuna jame kaisei mae teke theome vahe teku kani teke kiloni God na, mana mala thosei huhuruni thegna mala ke vahe.

Letas Teke Riso Tei Mae Pol Ka Khiloau Rom 9:24

Tahati ngala naikno teke kilo ghita God na mala hata nogna namha biꞌo mana na. God neke kilodi mae te theome Jiu nei jaola kilodi mae Jiu.

Letas Teke Riso Tei Mae Pol Ka Khiloau Rom 3:9

Ba, tahati mae Jiu gre doglo fara ke uludi keha tothoghei naikno gre ka tathagna God na? Theo fara! Tahati neke chekenihi God ginauna fatedi naikno te gnafare, naugna tahati naikno Jiu nei iheire te theome Jiu teu gre, kafe leghuni koba u puhigna nakhibo na.

Mae Khuru 14:27

Kate thoke Antiok na, phiamare ne salo fodudi naikno khiloau re ne toutonu ranghidi unha teke eni God ranghidi phiamare na, nei unha puhi te eni God te mala fatutuani ni mae Jisas naikno te theome Jiure.

Mae Khuru 14:1

Jare ka namono Aekoniam mae Pol ghe mae Banabas ne jaola ne ruma ka nodi suga tharai mae Jiure. Kmana naikno ne fatutuani ni mae Jisas, naugna phiamare ne cheke balu nolaghi.

Mae Khuru 10:15

Nu naogla na neke cheke eghu fapulo ka mae Pita, “Ghema, God neke chekedi glepo igre e gae. Eghume thosei chekeni iagho ne thona teuna.”

Nodi Khoje Hatimare Mae Jiu 51:10

God, lilisei mei sagho ka iara gaoghatho ka iara te mala leghu nigho fabrahu na mala gae nogu fara iara. Tusu mei sagho nagnafa majaghani ka iara mala gae iara ke ulumu.

Profet Esikiel 47:22

Eghuteuna ghotilo ginauna khotogna fabrahu. Naiknodi keha kantri te au balumi ghotilo are nei iheire te karha thudi ka namono igne, mare ginauna jaola au nodi glose balumi ghotilo. Ghotilo ginauna gaoghathodi naikno igre jateula teke karha mei ka vikegna Israel eghu kolho.