Mae Khuru 15:40 - Buka Blahi Ka Cheke Holo

⁴⁰ Nu mae Pol ne vahini mae Silas mala tei balugna. Eghuteuna naikno khiloaudi Antiok re ne taraidi phiamare nei snakre fajifladi ka nogna namha Lord.

Mae Khuru 15:40 ပူးပေါင်းရင်းမြစ်များ

Mae Khuru 15:22

Aonu hatimare mae khuru baludi keha mae biꞌo nei naikno te gnafa ka khiloau, mare ne kaisei nodi gaoghatho mala vavahi phei mae mala tei Antiok baludi mae Pol ghe mae Banabas. Mare ne vahidi mae Judas mae te kiloi Basabas ghe mae Silas. Naikno khiloau re thono ghatho tahudi phei mae igre.

Mae Khuru 14:26

Jare phiamare saghe ka vaka neke pulo Antiok, ka namono aheva khiloau teke tusu ranghidi phiamare tifa u nolaghi malagna nodi gloku teke la mei fahuhui phiamare gognaro gne.

Mae Khuru 11:23

Mae Banabas gne kaisei mae keli nei Tharunga te Blahi na au balugna mana, eghuteuna mana ne biꞌo nogna fatutuani na. Kate posa mana ka namono na, mana ne gleale'a fara, naugna mana laseni God na la kulu fablahidihi naiknore. Mana ne cheke faheta ka naikno khiloaudi Antiok re mala thofno leghuni noda Lord. Eghuteuna ka narane tuana kmana naikno ne funu fatutuani ni Lord.

Ululahu Korin 15:10

Nu ka nogna khokofakasai God iara theome fiti au gognaro na. Theo. Nogna khokofakasai na togho ghau iara te mala nogna mae gloku God. Naugna iara loku heta fara ke uludi keha mae khurure, nu theome nogu gloku iara thegu. Nogna khokofakasai God te au balugu iara na mala togho ghau iara.

Taetus 3:15

Uve, naikno khiloau te kafe au balugu iara igre magnahaghei te cheke arini u nodi namha na ka iagho. Nu ke tusu lao langau nomi namha ghehati gre ka naikno khiloau te namha ghami langau ghehati te au teu jare Krit are eghu. Nogna khokofakasai God te au balumi ghotilo hui. Me gnafa. Iara, mae Pol.

Fapea Timoti 4:22

Iara toreni Lord Jisas Kraes mala fablahi nigho, eghuteuna nogna khokofakasai God na au balumi hui. Me gnafa. Iara, mae Pol.

Fapea Korin 13:14

Iara toreni ka God nogna khokofakasai noda Lord Jisas Kraes, nei nogna namha God, nei nogna loku fodu mae Tharunga te Blahi mala au balumi ghotilo hui. Me gnafa. Iara, mae Pol.

Mae Khuru 20:32

“Gognaro na iara lisa lao ghami ghotilo ka khamegna God. Mana la kulu tusu arihi ka ghotilo nogna Nonomho te Keli na nei chekeni te namha ghami ghotilo na. Eghuteuna mana tangomana te taji ghami ka cheke igre. Mana ngala te tangomana te farheta ghami nei tusu ranghi ghami glepo te keli na baludi keha nogna naiknore.

Mae Khuru 15:32

Mae Judas ghe mae Silas gre, phiamare neke mae profet la, phiamare neke chekedi kmana glepo mala toghodi nei farerhetadi teu naikno khiloau re.

Mae Khuru 13:3

Aonu ke leghugna te dangna nei tarai teuna, mare ne taofidi phiamare ne kuru fajifladi.

Mae Khuru 16:19

Aonu kate filoni mae khotogna gaꞌase igne tela gnafa nodi puhi te mala hata nodi sileni biꞌo ka naꞌa, mare ne lokidi mae Pol ghe mae Silas. Mare korhidi phiamare ne tei ke uludi goro mae biꞌo re ka glalabagna namono na.

Mae Khuru 17:4

Keha mae Jiure ne fatutuani ne leghudi mae Pol ghe mae Silas. Jaola kmana naikno Griki te pogho soruni God nei kmana nakrupe eghu ne leghudi phiamare.