Mae Khuru 15:39 - Buka Blahi Ka Cheke Holo

³⁹ Mae Pol ghe mae Banabas ne eni kaisei fari pholai biꞌo farihoteidi eigna igne. Aonu, phiamare fnota ne sopa thei. Mae Banabas hata mae Jone Mak balugna eghuteuna phiamare saghe ka vaka na ne tei thoke ka moumolu Saeprus.

Mae Khuru 15:39 ပူးပေါင်းရင်းမြစ်များ

Kolose 4:10

Mae Aristakas te au balugu iara ka suga sosolo gne kubae ghami ghotilo. Eghuteuna mae Mak, nebugna mae Banabas, jaola kubae ghami ghotilo. Jame te ari posa mae Mak na, ghotilo reireghi fakelini mana ka sugamire, jateula teke chekenihi iara ka ghotilo ia eghu.

Jemes 3:2

Tutuani fara, tahati te gnafa na kafe edi kmana najafra. Nu jame kaisei mae theome eni kaisei najafra ka unha te chekedi mana re meuna, mae tuana ngala kaisei mae te doglo fara na. Eghuteuna mana ngala mae ihei tangomana te reireghi fakelini nakarhagna na.

Mae Khuru 4:36

Jare kaisei mae khiloau ka vikegna mae Livae, nanghagna na mae Josep, mana neke karha ka moumolu te kiloi Saeprus. Mae khurure kiloni mana, mae Banabas, u gaoghathogna na, mae mala blakno eghu. Mana fofoli nogna vido glose na. Kate hata sileni na, mana leghuni puhi te mala tufa na ne tusu ranghidi hatimare mae khuru.

Eklesiasti 7:20

Tutuani, theo kaisei naikno te doglo fara te au ka nauthoglu igne. Uve, theo kaisei naikno te doglo fara te theome tapla jafra ka nakhibo na.

Mae Khuru 11:20

Keha naikno khiloau ka igre, naiknodi Saeprus nei Saerini, mare jaola ne toutonu eigna mae Jisas Kraes ka naikno te theome Jiure Antiok.

Mae Khuru 6:1

Kau narane tuare kmana kmana naikno ne fatutuani ni mae Jisas. Eghuteuna naikno khiloau te lase cheke Griki re ne theome gleꞌani nafnata thufa sileni te eni naikno khiloau te au Jerusalem re ne cheke eghu, “Goro gaꞌase te lehe khetodire igre ne theo thufadi ka sileni te tufa ghotilo leghu narane ra.”

Mae Khuru 27:4

Aonu ghehati jifla Saedon ne tei rhegna moumolu Saeprus naugna nuri na ne au ke ulumi ghehati.

Mae Khuru 15:2

Mae Pol ghe mae Banabas theome magnahagheni u nafnata farirhiu te eni mare igne ne cheke faheta fara ka mare. Aonu mae khiloaure ne vahidi mae Pol ghe mae Banabas nei keha mae langau eghu mala tei thoke Jerusalem. Jare mare ne tangomana te cheke eigna puhi igne baludi hatimare mae khuru nei keha mae biꞌo ka khiloau.

Nodi Khoje Hatimare Mae Jiu 119:96

Te laseni iara gognaro na, gobigna lepo fateote'o igre ginauna hui, nu chekemu iagho na theo ka huigna.

Nodi Khoje Hatimare Mae Jiu 106:33

Mae Moses ne thono diꞌatagna fara ka naiknore ne cheke ne ghilei theome doglo nogna cheke re.

Mae Khuru 12:12

Kate laseni igne, mana ne tei ka sugagna Meri na. Meri gne idogna mae Jone Mak. Kmana naikno khapru ne tarai neu jare.

Mae Khuru 15:37

Mae Banabas ne magnahaghei te hata mae Jone Mak baludi.

Ululahu Pita 5:13

Naikno khiloau te au ka namono Babilon gre mare kubae ghami ghotilo. God neke vahidi mare jateula mana teke vahi ghami ghotilo ia eghu. Eghuteuna mae kheragu majaghani iara mae Mak gne jaola kubae ghami ghotilo.