Mae Khuru 15:37 - Buka Blahi Ka Cheke Holo

³⁷ Mae Banabas ne magnahaghei te hata mae Jone Mak baludi.

Mae Khuru 15:37 ပူးပေါင်းရင်းမြစ်များ

Mae Khuru 12:12

Kate laseni igne, mana ne tei ka sugagna Meri na. Meri gne idogna mae Jone Mak. Kmana naikno khapru ne tarai neu jare.

Filimon 1:24

Eghuteuna jaola mae Mak, mae Aristakas, mae Dimas, nei mae Luku mae te loku balugu iara igre kubae nigho iagho.

Fapea Timoti 4:11

Mae Luku ngala au teu balugu iara agne na naugna mae Tikikas na la kuru teinihi iara ka namono Efesus. Kate mei agne na, iara magnahaghe nigho te hata te mei balumu mae Mak, naugna mana tangomana te togho ghau iara ka nogu gloku blahi iara agne na.

Kolose 4:10

Mae Aristakas te au balugu iara ka suga sosolo gne kubae ghami ghotilo. Eghuteuna mae Mak, nebugna mae Banabas, jaola kubae ghami ghotilo. Jame te ari posa mae Mak na, ghotilo reireghi fakelini mana ka sugamire, jateula teke chekenihi iara ka ghotilo ia eghu.

Mae Khuru 13:5

Kate tei thoke mare ka namono Salamis ka moumolu Saeprus, phiamare ruma ne toutonuni u Nonomho te Keli nogna God na ka nodi suga tharai mae Jiure. Eghuteuna ka vido tuana mae Jone Mak ne tei baludi phiamare mala toghodi ka gloku na.

Mae Khuru 12:25

Kate gnafa mae Banabas ghe mae Sol nodi gloku na jare Jerusalem na, phiamare neke pulo Antiok. Eghuteuna ka vido tuana phiamare ne hata baludi mae Jone Mak.

Mae Khuru 13:13

Mae Pol nei iheire eghu te tei balugna re ne saghe ka vaka funu Pafos ne tei longa Pega, kaisei namono ka Provins Pamfilia. Nu mae Jone Mak ne jifla kokodi mare neke pulo Jerusalem.

Mae Khuru 15:39

Mae Pol ghe mae Banabas ne eni kaisei fari pholai biꞌo farihoteidi eigna igne. Aonu, phiamare fnota ne sopa thei. Mae Banabas hata mae Jone Mak balugna eghuteuna phiamare saghe ka vaka na ne tei thoke ka moumolu Saeprus.

Ululahu Pita 5:13

Naikno khiloau te au ka namono Babilon gre mare kubae ghami ghotilo. God neke vahidi mare jateula mana teke vahi ghami ghotilo ia eghu. Eghuteuna mae kheragu majaghani iara mae Mak gne jaola kubae ghami ghotilo.