Mae Khuru 15:36 - Buka Blahi Ka Cheke Holo

³⁶ Keha narane ke leghugna igne, mae Pol ne cheke eghu ka mae Banabas, “Tapa nake pulo mala ke sighodi kherada ka namono te gnafa aheva teke toutonuni tapa chekegna Lord ia, nei mala filoni unha te eni mare gognaro na.”

Mae Khuru 15:36 ပူးပေါင်းရင်းမြစ်များ

Mae Khuru 14:6

Kate nomhini phiamare groghe igne, phiamare ne rikha ne tei Listra nei Debi phei namono igre au ka provins Likonia, nei phiamare ne tei tongana ke lamnagna nohi tuana.

Mae Khuru 13:4

Mae Tharunga te Blahi na ne kurudi mae Banabas ghe mae Sol mala tei ka namono Selusia. Funu jare phiamare saghe ka vaka ne tei thoke ka moumolu Saeprus.

Mae Khuru 13:51

Aonu mae Pol ghe mae Banabas kegra ke uludi naiknore ne ghiha koko gnagnapa ka ghahedire, igne fagaglana te nogna naoka God mare na. Ke leghugna igne, phiamare jifla Antiok ne tei Aekoniam.

Fapea Korin 11:28

Leuleghu narane na iara nangadi fara khiloau te gnafa gre. Kate nigra ihei na, iara jaola nigra. Eghuteuna kate tapla jafra ihei ka nakhibo na, iara thono diꞌa nagnafagu fara. Eghuteuna, kmana glepo te theome chekedi iara re eidi puhigu iara!

Letas Teke Riso Tei Mae Pol Ka Khiloau Rom 1:11

Naugna iara magnahaghei fara te ari filo ghami ghotilo na, eigna God magnahaghei ghau iara te ari togho ghami ghotilo mala hata ghotilo nogna nolaghi Tharunga te Blahi na te mala farhetadi nomi fatutuani re.

Mae Khuru 14:1

Jare ka namono Aekoniam mae Pol ghe mae Banabas ne jaola ne ruma ka nodi suga tharai mae Jiure. Kmana naikno ne fatutuani ni mae Jisas, naugna phiamare ne cheke balu nolaghi.

Eksodas 4:18

Kate au teu Moses ka nohi Midian igne, Lord ne cheke eghu ka mana, “Iagho ke figri Ijep. Naugna mae te magnahaghei falehe nigho iagho ra la kafe lehehi.” Aonu Moses neke figri ka nanghogna Jetro ne cheke eghu ka mana, “Iagho snakre ghau iara mala ke tei filodi vikegu Ijep ra. Iara magnahaghei te tei filodi te karha teu ba tela lehehi teure.” Jetro ne cheke eghu ka mana, “Keliu kolho, iagho tangomana te tei na.”

Fapea Timoti 1:4

Gognaro na iara magnahaghei fara te ari filo nigho mala ke keli gaoghathogu na, eigna iara neke ghatho fapuloni teke tanhi ghau iagho ia.

Ululahu Tesalonika 3:6

Nu mae Timoti gne kela pulo mei ka ghehati funu ka ghotilo. Mana hata mei famane nonomho te keli eigna nomi fatutuani nei namha. Mana toutonu ka ghehati eimi ghotilo te ghatho ghami fabrahu ka puhi te keli, nei magnahaghei filo ghami fara jateula ghehati te magnahaghei filo ghami ghotilo.

Mae Khuru 14:21

Phiamare ne toutonuni u Nonomho te Keli na jare Debi, eghuteuna kmana naikno ne fatutuani ni mae Jisas. Aonu mae Pol ghe mae Banabas neke pulo ka namono Listra, Aekoniam nei Antiok.

Mae Khuru 7:23

“Kate thokeni phiatutu finogha funu karhagna na, mae Moses ne magnahaghei te tei sighodi kheragna naiknodi Israel re.

Matiu 25:43

Jifla kokoni iara sugagu na, ghotilo theome taji ghau iara ka sugamire. Iara soesole, ghotilo neke theome fapipichi ghau. Iara fogra, ghotilo neke theome taji ghau. Iara au ka suga sosolo, ghotilo neke theome mei sigho ghau.’

Matiu 25:36

Kate soesole iara na, ghotilo fapipichi ghau iara. Kate fogra iara na, ghotilo taji ghau iara. Kate au iara ka suga sosolo na, ghotilo mei sigho ghau iara.’

Profet Jeremaea 23:2

Eghume, Lord nodi God mae Israel igne ginauna cheke eghu ka mae mala baubatu igre, “Ghotilo mae baubatu igre theome reireghi fakelidi nogu naikno iara re, nu ghotilo khi tafridi kolho. Naugna igne, iara ginauna na para ghami ghotilo eidi puhi te diꞌa te edi ghotilo igre.

Filipae 1:27

Uve, glepo te ulu na puhimi ghotilo re mala leghuni nogna Nonomho te Keli mae Jisas Kraes. Eghume neubane mei iara ne sigho ghami ba ne tei koko ghami, iara ginauna nomhidi thoutonu te keli eimi ghotilo re. Iara magnahaghei te nomhi ghami ghotilo te kaisei nomi gaoghatho ngala nei kegra maku ka nomi fatutuani na ka mae Jisas Kraes.

Mae Khuru 13:12

Kate filoni mae Primia unha te eni igne, mana ne fatutuani ni mae Jisas. Naugna mana ne jaglo nogna fara kau thoutonu eigna Lord.

Nogna Buka Esta 2:11

Leuleghu narane na, mae Modikae tei koba ke ulugna suga te au teu Esta igne mala laseni naꞌa te au fakeli teu ba theo, nei mala laseni unha nate eni mare ka naꞌa na.