Mae Khuru 15:3 - Buka Blahi Ka Cheke Holo

³ Mae ka khiloau re ne toghodi kate jifladi ka nabrou na. Mare tei ne sala'u ka phei Provins Fonisia nei Samaria, ne toutonu jare eidi iheire te theome Jiu tela fatutuani nihi mae Jisas. Naikno khiloau ka phei provins igre ne gleale'a fara kate nomhini igne.

Mae Khuru 15:3 ပူးပေါင်းရင်းမြစ်များ

Mae Khuru 14:27

Kate thoke Antiok na, phiamare ne salo fodudi naikno khiloau re ne toutonu ranghidi unha teke eni God ranghidi phiamare na, nei unha puhi te eni God te mala fatutuani ni mae Jisas naikno te theome Jiure.

Mae Khuru 21:5

Nu kate gnafa nomi narane te mala au baludi re, ghehati jifla jare neke tei. Eghuteuna naikno khiloau gna namono tuana ne kafe jifla baludi khetodi thudi teure ne soru balumi ghehati ka gratha na. Aonu ghehati kafe tuturupuku soru ka nusu na ne tarai.

Taetus 3:13

Eghuteuna keha glepo na igne ngau eghu, kaisei mae loea nanghagna na mae Sinas ghe mae Apolosi gre ginauna na jifla jare Krit. Iagho toghodi phiamare eghu. Nu kulu tarabana ranghidi iagho unha glepo te nabadi phiamare re eghu.

Ululahu Korin 16:11

Eghume theo kaisei ka ghotilo te mala filo faparini mae Timoti na. Nu ghotilo mala toghoni mana ka vido aheva te tei mana, mala gleale'a ke pulo mei mana ka iara thogheiro na. Naugna iara ofoni mana mala ke pulo mei baludi keha naikno khiloaure.

Ululahu Korin 16:6

Jau iara ginauna ari au raugha balumi ghotilo jare. Jame ka vido te khoburu na iara ginauna au balumi ghotilo, mala tangomana ghotilo te togho ghau iara ka vido aheva te tei iara na.

Mae Khuru 15:12

Tothoghei mae biꞌo na ne theome ghagri kaisei cheke ne fanomho kolho ka mae Pol ghe mae Banabas eidi u kofubobhoi nei fagaglana eghu teke edi phiamare ka iheire te theome Jiu.

Fapea Korin 1:16

Uve, kate ghathoni iara te mala ari ka Provins Masidonia na, iara neke magnahaghei te filo ghami ghotilo ka nogu thei na. Eghuteuna iara neke ghaoghatho mala fapea filo ghami ka teke pulo meigu na. Ka narane tuana iara neke ghatho ghami ghotilo te togho ghau mala tei thoke iara Judia.

Mae Khuru 28:15

Ame thoke nga ghehati jare teuna, naikno khiloau re ne nonomho thonu eimi ghehati. Aonu mare soru ne thafo ghami ghehati ka namono te kiloi “Maket Apias”, nei jaola ka namono te kiloi “Thilo Hotele”. Kate filodi mare na, mae Pol ne keli tagna fara ne cheke fakelini God.

Mae Khuru 13:52

Nu naikno khiloaudi Antiok re ne keli tadi fara naugna Tharunga te Blahi na ne au ke lamnadi mare.

Mae Khuru 13:48

Kate nomhini te cheke eghu mae Pol na, naikno te theome Jiure ne thofno gleale'a fara. Mare ne cheke fakelini Lord eigna nogna famane nonomho te keli igne. Eghuteuna iheire God teke vahidi te mala hatini u karha fei tifa igne ne fatutuani ni mae Jisas.

Mae Khuru 8:14

Kate nomhidi mae khuru te au nga teu Jerusalem re u thoutonu eidi naiknodi Samaria te fatutuani ni God na, mae khurure ne kurudi mae Pita ghe mae Jone mala tei toghodi mare.

Luku 15:32

Nu ghehati neke eni gaghamu igne, mala gleale'a fodu balugna mana, naugna mae tahimu igne neke lehehi, nu gognarona kela karha fapulo. Mana neke snivihi nu gognarona kela kakhana.’ ”

Mae Khuru 1:15

Keha narane ke leghudi igre, namo kaisei gobi varadaki naikno khiloau khapru fodu neu. Mae Pita kegra haghe ke lamnadi mare ne cheke eghu,

Mae Khuru 15:1

Keha maedi Judia ne mei posa Antiok. Mare farirhiu ne cheke eghu ka naikno khiloau re, “Te theome leghuni ghotilo nogna vetula mae Moses eigna tohi fagaglana na, God ginauna theome fakarhi ghami ghotilo.”

Mae Khuru 15:4

Kate posa mare Jerusalem na, hatimare mae khuru, nei hatimare mae biꞌo ka khiloau, nei naikno fatutuani eghu re kubaedi nei taji fakelidi. Aonu, mae Pol, mae Banabas nei mae teke tei baludi phiamare eghu re ne toutonudi unha te edi God ka mare re.

Mae Khuru 15:22

Aonu hatimare mae khuru baludi keha mae biꞌo nei naikno te gnafa ka khiloau, mare ne kaisei nodi gaoghatho mala vavahi phei mae mala tei Antiok baludi mae Pol ghe mae Banabas. Mare ne vahidi mae Judas mae te kiloi Basabas ghe mae Silas. Naikno khiloau re thono ghatho tahudi phei mae igre.

Mae Khuru 15:32

Mae Judas ghe mae Silas gre, phiamare neke mae profet la, phiamare neke chekedi kmana glepo mala toghodi nei farerhetadi teu naikno khiloau re.

Mae Khuru 17:15

Mae iheire teke hatani mae Pol re ne tei thoke Atens. Mae teke tei balugna mae Pol Atens gre neke pulo Berea baludi nonomho funugna ka mae Pol maladi mae Silas ghe mae Timoti mala ghosei tei thoke phiamare ka mae Pol.