Mae Khuru 15:25 - Buka Blahi Ka Cheke Holo

²⁵ Eghume ghehati te gnafa na ne kaisei gaoghatho ngala ne vahidi phei mae mala kuru aridi ka ghotilo. Phiamare ginauna na ari baludi phia mae kherami keli Banabas ghe mae Pol.

Mae Khuru 15:25 ပူးပေါင်းရင်းမြစ်များ

Fapea Pita 3:15

Noda Lord theome tangomana snakreni narane tuana mala ghosei mei naugna mana magnahaghei te fakarhi ghita kate hogri nagnafa tahati na. God neke batuni kherada mae Pol mala riso ari ka ghotilo nafnata gaoghatho igre.

Mae Khuru 15:22

Aonu hatimare mae khuru baludi keha mae biꞌo nei naikno te gnafa ka khiloau, mare ne kaisei nodi gaoghatho mala vavahi phei mae mala tei Antiok baludi mae Pol ghe mae Banabas. Mare ne vahidi mae Judas mae te kiloi Basabas ghe mae Silas. Naikno khiloau re thono ghatho tahudi phei mae igre.

Mae Khuru 15:2

Mae Pol ghe mae Banabas theome magnahagheni u nafnata farirhiu te eni mare igne ne cheke faheta fara ka mare. Aonu mae khiloaure ne vahidi mae Pol ghe mae Banabas nei keha mae langau eghu mala tei thoke Jerusalem. Jare mare ne tangomana te cheke eigna puhi igne baludi hatimare mae khuru nei keha mae biꞌo ka khiloau.

Mae Khuru 1:14

Mare te gnafa na ne kaisei salo fodu ne tarai fabrahu baludi goro gaꞌase, nei Meri idogna mae Jisas, nei hatimare mae thabusigna mae Jisas re.

Luku 1:3

Uve, mae biꞌo Teofilas, iara neke kulu hiro fakeli dila gobigna lepo igre ka narane teke fufunudi glepo igre. Eghume iara gognaro na magnahaghei te riso ranghi nigho eidi glepo igre

Filimon 1:16

Eghuteuna gognaro na mana theome kaisei mae sneka kolho. Theo. Gognaro na mana kaisei mae ke tulao gna mae snekai, nu mana thofno mae thabusida ka khiloau. Iara magnahagheni fara mana nu jau iagho ginauna magnahagheni fara mana ke tulao gu iarai, naugna mana nou mae sneka keli iagho nei mae kheramu kelila ka khiloau gne.

Kolose 4:9

Iara na jaola kuruni mae kherami ghotilo Onesimasi mala ari balugna mana. Mae Onesimasi gne kaisei mae kherada keli tahati mae ihei te rouronuni fara tahati na. Phiamare ginauna toutonudi gobigna lepo te edi agne re.

Kolose 4:7

Mae Tikikas ginauna toutonu ka ghotilo thoutonu eigu iara na. Mana mae kheragu keli fara iara nei kaisei mae gloku te rouronuni tahati. Mana te mala loku baluda ranghini Lord.

Efesus 6:21

Mae Tikikas ginauna toutonu ka ghotilo thoutonu eigu iara na. Mana kaisei mae kherada keli tahati, nei kaisei mae gloku te rouronuni tahati. Mana mala loku baluda ranghini Lord.

Galesia 2:9

Eghuteuna kate filo glani mare God teke tusu mei khokofakasai ka iara mala eni gloku igne, hatimare mae biꞌo ka khiloau, mae Jemes nei mae Pita nei mae Jone mare mei ne kubae ka ghepa mae Banabas, fagaglana gna mare keli tadi te mala loku balumi ghepa na. Ghehati ne kaisei gaoghatho eigna nomi gloku ghepa mae Banabas na mala tei ka iheire te theome Jiu. Eghuteuna nodi gloku thedi na maladi mae Jiu.

Ululahu Korin 1:10

Kheraguro, gognaro na iara cheke heta ka nanghagna noda Lord Jisas Kraes. Iara tore ghami fara ghotilo mala thosei eni ghotilo nafnata puhi te fnota tafri ghotilo igne. Te keli na ghotilo jame ke funu loku fodu ka kaisei nagnafa nei kaisei gaoghatho ngala.

Letas Teke Riso Tei Mae Pol Ka Khiloau Rom 16:12

Ghotilo kubaedi Traefina ghe Traefosa eigna repa loku heta ranghini Lord. Eghuteuna ghotilo kubaeni kheragu iara Pesisi, eigna naꞌa kaisei gaꞌase te loku heta fara ranghini Lord.

Mae Khuru 15:35

Nu mae Pol ghe mae Banabas au neu Antiok baludi keha naikno kmana langau mala farirhiudi nei toutonu ranghidi eghu naiknore chekegna Lord.

Mae Khuru 15:6

Hatimare mae khuru nei hatimare mae biꞌo ka khiloau gnokro fodu ne rogheni puhi igne.

Mae Khuru 2:46

Leghu narane na mare salo fodu kau nogna Sugablahi God na mala tarai fodu nei jaola ima fodu ka sugadire balu gleale'a ka nagnafa te keli,

Mae Khuru 2:1

Kate thokeni narane Pentekos na, mare ne kafe au fodu neu kaisei vido.

Matiu 11:26

Uve, Mama, iagho eni igne, naugna igne unha te thofno magnahagheni iagho na.”