Mae Khuru 15:22 - Buka Blahi Ka Cheke Holo

²² Aonu hatimare mae khuru baludi keha mae biꞌo nei naikno te gnafa ka khiloau, mare ne kaisei nodi gaoghatho mala vavahi phei mae mala tei Antiok baludi mae Pol ghe mae Banabas. Mare ne vahidi mae Judas mae te kiloi Basabas ghe mae Silas. Naikno khiloau re thono ghatho tahudi phei mae igre.

Mae Khuru 15:22 ပူးပေါင်းရင်းမြစ်များ

Mae Khuru 15:27

Eghume ghehati kuru aridi mae Judas ghe mae Silas ka ghotilo mala famane toutonu eidi unha teke risodi ghehati ka letas igne.

Mae Khuru 15:40

Nu mae Pol ne vahini mae Silas mala tei balugna. Eghuteuna naikno khiloaudi Antiok re ne taraidi phiamare nei snakre fajifladi ka nogna namha Lord.

Ululahu Pita 5:12

Mae Silas togho ghau iara neke rioriso letas kmoꞌei igne ranghi ghami ghotilo. Iara laseni mana kaisei mae kheragu keli iara ka khiloau gne nei iara thofno ronuni fara mana. Letas igne iara magnahaghei te fahetadi nomi fatutuani ghotilo re, nei jaola mala cheke ka ghotilo eigna u nabrou God teke falalase ka tahati ka nogna khokofakasai. Igne thofno nabrou te tutuani na, eghuteuna ghotilo mala kegra maku tagna.

Fapea Tesalonika 1:1

Iara mae Pol baludi mae Silas ghe mae Timoti, te riso ari letas igne ka ghotilo naikno khiloau te au Tesalonika nogna God Kmada nei Lord Jisas Kraes.

Ululahu Tesalonika 1:1

Iara mae Pol baludi mae Silas ghe mae Timoti, te riso ari letas igne ka ghotilo naikno khiloau nogna God Mama nei noda Lord Jisas Kraes te au ka namono Tesalonika. Ghehati toreni nogna khokofakasai nei pharikeli God Mama te mala au balumi.

Mae Khuru 18:5

Aonu mae Silas ghe mae Timoti gre ne mei funudi Masidonia mala loku balugna mae Pol Korin. Ke leghugna igne, mae Pol ne toutonu ranghidi koba naiknore u Nonomho te Keli igne leuleghu narane mala laseni mare mae Jisas gne ngala mae Kraes na.

Mae Khuru 15:32

Mae Judas ghe mae Silas gre, phiamare neke mae profet la, phiamare neke chekedi kmana glepo mala toghodi nei farerhetadi teu naikno khiloau re.

Mae Khuru 1:23

Mare ne vahidi phei mae. Kaisei na mae Josep te kiloi Basabas ba mae Jastusi, eghuteuna keha mae na mae Matas.

Mae Khuru 17:14

Aonu naikno khiloau re ghosei ne kuru teini mae Pol na tongna. Nu mae Silas ghe mae Timoti au neu Berea.

Mae Khuru 17:10

Naikno khiloau Tesalonika re ghosei ne kuru teidi mae Pol ghe mae Silas Berea ka bongi tuana. Kate thoke jare na, mae Pol ghe mae Silas gre ne tei ka nodi suga tharai mae Jiure.

Mae Khuru 17:4

Keha mae Jiure ne fatutuani ne leghudi mae Pol ghe mae Silas. Jaola kmana naikno Griki te pogho soruni God nei kmana nakrupe eghu ne leghudi phiamare.

Mae Khuru 16:29

Mae greireghi suga sosolo na ne ehadi keha naiknore mala hata mei juta. Aonu mana chari ne tei lamna suga sosolo ne tuturupuku soru balu fififri ke uludi mae Pol ghe mae Silas naugna mana ne thono mhaghu nogna fara.

Mae Khuru 16:25

Farihotei bongiro, mae Pol ghe mae Silas ne tarai balu koje kilo fnaknoni God. Keha mae te sosolo re ne fanomho ka phiamare.

Mae Khuru 16:19

Aonu kate filoni mae khotogna gaꞌase igne tela gnafa nodi puhi te mala hata nodi sileni biꞌo ka naꞌa, mare ne lokidi mae Pol ghe mae Silas. Mare korhidi phiamare ne tei ke uludi goro mae biꞌo re ka glalabagna namono na.

Mae Khuru 15:25

Eghume ghehati te gnafa na ne kaisei gaoghatho ngala ne vahidi phei mae mala kuru aridi ka ghotilo. Phiamare ginauna na ari baludi phia mae kherami keli Banabas ghe mae Pol.

Mae Khuru 15:23

Hatimare ne tusu lao letas igne ka phiamare: Ghehati mae khuru nei mae mala baubatu ka khiloau nei kherami fofodu ka khiloau agne Jerusalem, Magnahaghei te kubae ghami ghotilo naikno khiloau te theome Jiu te au ka namono Antiok nei ka phei Provins Siria nei Silisia.

Mae Khuru 11:22

Nonomho eigna igne ne tei thoke ka naikno khiloau gna Jerusalem. Aonu mare ne kuruni mae Banabas mala tei Antiok te mala toghodi.

Mae Khuru 8:14

Kate nomhidi mae khuru te au nga teu Jerusalem re u thoutonu eidi naiknodi Samaria te fatutuani ni God na, mae khurure ne kurudi mae Pita ghe mae Jone mala tei toghodi mare.

Fapea Kronikols 30:12

Eghuteuna God ne toghodi naiknodi Juda ne kaisei gaoghatho kolho ne leghuni nogna cheke Lord teke chekeni king baludi nogna mae biꞌo mana re.

Fapea Samuel 3:36

Kate nomhini nogna cheke king igne, naiknore ne thofno kelitadi ne gleale'a fara. Gobigna lepo te edi king igre, naiknore ne kafe keli tadi fara.

Mae Khuru 11:19

Kate faleheni mae Stivin hatimare mae Jiure, kmana naikno khiloau ne rikha Jerusalem. Keha naiknore rikha ne tei fabrahu ghilei thoke ka Provins Fonisia, ka moumolu Saeprus nei ka namono biꞌo Antiok. Jare mare ne toutonuni u Nonomho te Keli na ranghidi kolho naikno Jiure.

Mae Khuru 11:20

Keha naikno khiloau ka igre, naiknodi Saeprus nei Saerini, mare jaola ne toutonu eigna mae Jisas Kraes ka naikno te theome Jiure Antiok.

Mae Khuru 11:27

Ka narane tuanala keha mae profet re ne jifla Jerusalem ne tei thoke Antiok.

Mae Khuru 15:3

Mae ka khiloau re ne toghodi kate jifladi ka nabrou na. Mare tei ne sala'u ka phei Provins Fonisia nei Samaria, ne toutonu jare eidi iheire te theome Jiu tela fatutuani nihi mae Jisas. Naikno khiloau ka phei provins igre ne gleale'a fara kate nomhini igne.

Mae Khuru 15:30

Fati mae igre tei ne posa Antiok. Mare salo fodudi naikno khiloau te gnafare ne tusu lao u letas igne ka mare.

Fapea Korin 1:19

Tutuani, iara baludi mae Silas ghe mae Timoti neke toutonu eigna mae Jisas Kraes Thugna God. Eigna mae Jisas na neke theome nafnata naikno te kaisei fata chekedi ngala “Uve” ghe “Theo” gre. Theo, nu mana chekeni koba unha te tutuani na.