Mae Khuru 15:11 - Buka Blahi Ka Cheke Holo

¹¹ Nu unha te fatutuani ni tahati na, tahati nei mare teuna kafe karha ngala ka nogna namha biꞌo noda Lord Jisas.”

Mae Khuru 15:11 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 3:24

Nu God na namha ne eni kaisei nabrou te mala doglo tahati na. Eghuteuna mana neke eni igne ka nogna khokofakasai na neke kuru meini mae Jisas Kraes mala hata fasnagladi ka nakhibo.

Taetus 2:11

Naugna God ne fatakle ranghi ghita u nogna namha te biꞌo na, kate ke kuru meini mae Jisas Kraes kau nauthoglu igne. Mana neke hata meini u karha tuana mala kafe fakarhidi naiknogna nauthoglu gne.

Galesia 2:16

Ghehati laseni naikno na theome doglo ke ulugna God kate leghuni nogna vetula mae Moses na, nu iheire ngala te fatutuani ni mae Jisas Kraes. Ghehati mae Jiu jaola fatutuani ni mae Jisas Kraes, eghume God neke fadogli ghami ghehati ke ulugna mana. Mana neke theome fadogli ghami ghehati kate leghuni nogna vetula mae Moses. Theo. Mana neke eni igne naugna ghehati neke fatutuani ni mae Kraes. Naugna theo kaisei naikno te doglo ke ulugna God eigna mana te leghuni vetula na.

Fapea Korin 13:14

Iara toreni ka God nogna khokofakasai noda Lord Jisas Kraes, nei nogna namha God, nei nogna loku fodu mae Tharunga te Blahi mala au balumi ghotilo hui. Me gnafa. Iara, mae Pol.

Fapea Korin 8:9

Ghotilo laseni nogna khokofakasai noda Lord Jisas Kraes. Ghotilo laseni eigna mana kaisei mae dedei fara kligna na, nu malami ghotilo mana neke fakumani thegna. Mana neke au jateula kaisei mae te kuma neku ka nauthoglu igne mala tangomana ghotilo te mala naikno dedei kligna na.

Ululahu Korin 16:23

Iara toreni nogna khokofakasai Lord Jisas mala au balumi.

Letas Teke Riso Tei Mae Pol Ka Khiloau Rom 6:23

Tutuani ihei te tapla jafra ka nakhibo na, tabagna na u glehe ngala, u glehe te theo ka huigna na. Nu God neke tusu ranghi ghita u karha fei tifa na naugna ka glehegna Kraes noda Lord.

Letas Teke Riso Tei Mae Pol Ka Khiloau Rom 5:15

Nu phiamare theome kaisei nanaba, naugna nakhibogna mae Adam na theome jateula khokofakasai teke tusu mei God ka tahati igne eghu. Neuba kmana naikno ne lehe ka nakhibogna mae Adam, tutuani fara kmana naikno na hatani u thofno karha te theo ka huigna na naugna nogna khokofakasai kaisei mae Jisas Kraes. Naugna nogna namha nei nogna khokofakasai teu God re glepo biꞌo fara uluni tulao nakhibogna mae Adam na.

Galesia 1:6

Iara jaglo nogu ka ghotilo te ghosei te figri tagruni God, mae ihei teke kilo ghami ka nogna khokofakasai mae Jisas Kraes. Gognaro na ghotilo figri mala fanomho ka keha nafnata Nonomho te Keli te nhogri.

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.