Mae Khuru 15:1 - Buka Blahi Ka Cheke Holo

¹ Keha maedi Judia ne mei posa Antiok. Mare farirhiu ne cheke eghu ka naikno khiloau re, “Te theome leghuni ghotilo nogna vetula mae Moses eigna tohi fagaglana na, God ginauna theome fakarhi ghami ghotilo.”

Mae Khuru 15:1 ပူးပေါင်းရင်းမြစ်များ

Galesia 5:6

Naugna kate salo fodu tahati te kaisei balugna mae Jisas Kraes na, tahati theome mala nangani jame te mala vahe ba theo. Naugna glepo tuare theo nafudi. Nu glepo te ulu na u fatutuani ngala, u nafnata fatutuani te thakle mei kau puhi namha kolho.

Mae Khuru 15:5

Nu keha naikno khiloau teke au ka mae tothoghei Farasire, kegra haghe ne cheke eghu, “Iheire te theome Jiu nabadi te kulu tohi fagaglana ame mei nga mare ke lamna khiloau. Tahati farirhiudi mala leghuni mare nogna vetula mae Moses!”

Kolose 2:8

Fiofilo ghami, thosei snakreni kaisei naikno mala mei chaghi ghami nei mei sagu ghami eghu ka thoutonu te theo nafugna teke eni haghe kolho ka gaoghathogna naikno ghe naitu. Nafnata thoutonu tuare neke theome mei funu ka mae Kraes.

Levitikas 12:3

Ka fahana narane na, mare ginauna vahe mae sitei igne.

Mae Khuru 15:24

Ghehati nomhinihi keha mae ka tothoghei ghehati gne ne ari ka ghotilo ne eꞌei puhi ne fadiꞌadi nagnafami ghotilo re ka unha teke chekedi mare re. Nu ghehati neke theome farirhiudi mare mala eni tuana!

Jone 7:22

Mae Moses neke tusu ari ka ghotilo kaisei vetula eigna tohi fagaglana. (Theome mae Moses ulu lahu na, nu mae kuꞌeda tahati tifa re teke kulu eni na.) Eghuteuna neubane narane Sabat ghotilo neke eni ngala u puhi tuana.

Galesia 2:1

Ke leghu nabotho fati finogha iara neke puloi Jerusalem balugna mae Banabas. Iara jaola neke hata mae Taetus balugu.

Mae Khuru 15:3

Mae ka khiloau re ne toghodi kate jifladi ka nabrou na. Mare tei ne sala'u ka phei Provins Fonisia nei Samaria, ne toutonu jare eidi iheire te theome Jiu tela fatutuani nihi mae Jisas. Naikno khiloau ka phei provins igre ne gleale'a fara kate nomhini igne.

Mae Khuru 6:14

Ghehati nomhini mana neke cheke eghu, ‘Mae Jisas gna Nasaret igne ginauna na paꞌe soru Sugablahi igne, eghuteuna mana ginauna na tuthughu puhi teke chekedi mae Moses ka tahati ra.’ ”

Kolose 2:16

Eghume, thosei snakreni kaisei naikno mala lilisei kaisei vetula ranghi ghami eidi gano nei khoꞌu ba narane Sabat ba gaghamu eigna glaba majaghani ba keha narane tuthuana teu are.

Mae Khuru 21:20

Kate nomhini mare nogna cheke mae Pol igne, mare ne kilo fnaknoni God. Aonu mare ne cheke eghu ka mae Pol, “Ghema thabusigna, iagho laseni kmana thogha mae Jiu la fatutuani ni mae Jisas, eghuteuna mare jaola kafe leghuni fara nogna vetula mae Moses.

Mae Khuru 15:22

Aonu hatimare mae khuru baludi keha mae biꞌo nei naikno te gnafa ka khiloau, mare ne kaisei nodi gaoghatho mala vavahi phei mae mala tei Antiok baludi mae Pol ghe mae Banabas. Mare ne vahidi mae Judas mae te kiloi Basabas ghe mae Silas. Naikno khiloau re thono ghatho tahudi phei mae igre.

Mae Khuru 1:15

Keha narane ke leghudi igre, namo kaisei gobi varadaki naikno khiloau khapru fodu neu. Mae Pita kegra haghe ke lamnadi mare ne cheke eghu,

Mae Khuru 15:23

Hatimare ne tusu lao letas igne ka phiamare: Ghehati mae khuru nei mae mala baubatu ka khiloau nei kherami fofodu ka khiloau agne Jerusalem, Magnahaghei te kubae ghami ghotilo naikno khiloau te theome Jiu te au ka namono Antiok nei ka phei Provins Siria nei Silisia.

Mae Khuru 15:32

Mae Judas ghe mae Silas gre, phiamare neke mae profet la, phiamare neke chekedi kmana glepo mala toghodi nei farerhetadi teu naikno khiloau re.

Galesia 6:12

Mae iheire te fariuriu huhuru ghami ghotilo te mala vahe na, mare magnahaghei keli ka tathadi naiknore ngala. Mare eni igne naugna mare theome magnahaghedi naiknore te paradi jame te toutonuni mare eigna glehegna mae Jisas Kraes ke kligna gaju fafatha na.