Mae Khuru 14:8 - Buka Blahi Ka Cheke Holo

⁸ Jare Listra au kaisei mae te karha mei blughu, eghuteuna mana theome tangomana te nolo tafri na, naugna phei ghahegnare lehe.

Mae Khuru 14:8 ပူးပေါင်းရင်းမြစ်များ

Mae Khuru 3:2

Kaisei mae te lehe ghahegna na funu suagna na, mana gnokrou jare ka grengathagna Sugablahi te kiloni mare, “U grengatha khuakhuda.” Leuleghu narane na mae kheragnare pala tei koba jare mala tore sileni ka naikno te tei tarai ka Sugablahi na.

Mae Khuru 4:9

Gineia ghotilo neke ghusna ghami ghepa mae Jone eigna glepo te keli teke eni ghepa ka mae teke lehe ghahegna na igne, nei faꞌunha neu neke kelinga mana teuna.

Jone 5:7

Mae te fogra igne ne cheke eghu ka mae Jisas, “Mae biꞌo, iara magnahaghei teke keli nogu, nu iara theo kaisei mae te mala togho ghau te lao ka vido te kaplo teu kholo na. Leuleghu fata na iara fariuriu te mala kulu lao ka kholo na eghu, nu theome tangomana eghu naugna kaisei mae nga te kulu tei na ame iara nga eghu.”

Mae Khuru 14:6

Kate nomhini phiamare groghe igne, phiamare ne rikha ne tei Listra nei Debi phei namono igre au ka provins Likonia, nei phiamare ne tei tongana ke lamnagna nohi tuana.

Mae Khuru 14:21

Phiamare ne toutonuni u Nonomho te Keli na jare Debi, eghuteuna kmana naikno ne fatutuani ni mae Jisas. Aonu mae Pol ghe mae Banabas neke pulo ka namono Listra, Aekoniam nei Antiok.

Mae Khuru 16:1

Mae Pol ghe mae Silas ne tei thoke Debi. Eghuteuna ke leghugna igne phiamare jifla jare neke tei Listra. Kaisei mae khiloau nanghagna na mae Timoti au jare Listra. Idogna mae Timoti gne tifa na neke thau Jiu eghuteuna gognaro na naꞌa thau khiloau. Eghuteuna mae kmagna na kaisei mae Griki.

Fapea Timoti 3:11

Uve, iagho lasenihi, iara neke kabru nei au papara fara kani au teku ka namono Antiok, Aekoniam nei Listra. Nu noda Lord neke togho ghau nei fakarhi ghau ka puhi te gnafa igre.