Mae Khuru 14:6 - Buka Blahi Ka Cheke Holo

⁶ Kate nomhini phiamare groghe igne, phiamare ne rikha ne tei Listra nei Debi phei namono igre au ka provins Likonia, nei phiamare ne tei tongana ke lamnagna nohi tuana.

Mae Khuru 14:6 ပူးပေါင်းရင်းမြစ်များ

Fapea Timoti 3:11

Uve, iagho lasenihi, iara neke kabru nei au papara fara kani au teku ka namono Antiok, Aekoniam nei Listra. Nu noda Lord neke togho ghau nei fakarhi ghau ka puhi te gnafa igre.

Matiu 10:23

Kate para ghami naiknogna kaisei namono na, rikha tei ka keha namono na. Tutuani fara te chekeni iara ka ghotilo na, ame gnafa nga ghotilo nomi gloku na ka namono te kmana Israel igre teuna, iara mae teke mei funu ka God na nake pulo mei.

Mae Khuru 9:24

Bongi narane na, mare ofoni mae Sol fabrahu ka grengathagna namono na mala faleheni mana. Nu mae Sol la kulu nomhihi nodi groghe mare na.

Mae Khuru 14:8

Jare Listra au kaisei mae te karha mei blughu, eghuteuna mana theome tangomana te nolo tafri na, naugna phei ghahegnare lehe.

Mae Khuru 14:11

Kate filoni naiknore unha te eni mae Pol igne, mare ne eha fabiꞌo ka cheke Likonia, “Icho idomi, phei god gre la mei vuhai naikno! Phiamare mei la au baluda tahati!”

Mae Khuru 15:36

Keha narane ke leghugna igne, mae Pol ne cheke eghu ka mae Banabas, “Tapa nake pulo mala ke sighodi kherada ka namono te gnafa aheva teke toutonuni tapa chekegna Lord ia, nei mala filoni unha te eni mare gognaro na.”

Mae Khuru 20:4

Keha mae teke tei balugna mae Pol re igre: Sopata mae gna Berea, thugna mae Piras; mae Aristakas ghe mae Sekadas phei maedi Tesalonika; mae Gaeasi mae gna Debi; Tikikas ghe mae Trofimas phei maedi Esia; nei mae Timoti.