Mae Khuru 14:5 - Buka Blahi Ka Cheke Holo

⁵ Keha mae Jiu nei keha mae te theome Jiu nei keha mae biꞌo eghu ne roghe mala fadi falehedi mae Pol ghe mae Banabas ka thina.

Mae Khuru 14:5 ပူးပေါင်းရင်းမြစ်များ

Mae Khuru 14:19

Keha naikno Jiure ne mei funudi Antiok nei Aekoniam. Mare mei ne huhurudi naiknore mala thosei leghuni mae Pol. Aonu mare fadi thina ni mae Pol ne korho teini mana ke kosi namono. Mare gaoghathodi na jaula lehehi mae Pol eghu.

Fapea Timoti 3:11

Uve, iagho lasenihi, iara neke kabru nei au papara fara kani au teku ka namono Antiok, Aekoniam nei Listra. Nu noda Lord neke togho ghau nei fakarhi ghau ka puhi te gnafa igre.

Mae Khuru 17:5

Nu goro mae biꞌo Jiure mare ne goghotu fara naugna mare ne filodi kmana naikno ne leghuni mae Pol. Aonu, mare tei ne hata mei keha mae te diꞌa ka glalaba na ne fufunu kaisei magra biꞌo ka namono na. Mare chari ne tei ka nogna suga mae Jason na, mala hirodi mae Pol ghe mae Silas. Mare magnahaghei hatadi phiamare mala tei ke uludi naikno te gnafare.

Luku 6:28

Eghuteuna ghotilo fablahidi iheire te cheke fadiꞌa ghami are, nei taraidi naikno te lalama ghami are eghu.

Matiu 5:44

Nu te chekeni iara ka ghotilo na, ghotilo mala kafe namhadi nomi mae naokare, nu taraidi naikno te para ghami re eghu.

Nodi Khoje Hatimare Mae Jiu 83:5

Mare ne kaisei gaoghatho ka nodi groghe na ne salo fodu te mala magra ka iagho na.

Mae Khuru 13:45

Kate filoni mae biꞌodi mae Jiure te mei kmana naikno na, mare ne thono goghotu fara ka mae Pol ghe mae Banabas. Eghuteuna mare ne cheke fadiꞌadi gobigna lepo te chekedi mae Pol re nei jaola ne cheke faparini mana.

Mae Khuru 13:50

Nu goro mae biꞌodi Jiure ne cheke faheta ka goro mae biꞌo nei goro nakrupe eghu gna nohi tuana mala thosei leghudi mae Pol ghe mae Banabas. Mare ne funu eꞌei puhi biꞌo ranghidi mae Pol ghe mae Banabas ne brue fajifladi phiamare ka nodi nohi na.

Mae Khuru 14:2

Nu keha mae Jiu te tirodi fatutuanire ne toutonu chaichaghi ka naikno te theome Jiure mala diꞌa tadi nei theome magnahagheidi eghu mare naikno khiloau re.

Mae Khuru 14:4

Nu naiknogna namono tuana na ne fnota ka phei tothoghei. Kaisei tothoghei na ne kaisei gaoghatho baludi mae biꞌodi mae Jiure, eghuteuna keha tothoghei na ne kaisei gaoghatho baludi mae khurure.

Fapea Korin 11:26

Kmana fata ka nogu thei na, iara namo lehe ka khoꞌu biꞌo ba ka naikno te blau, ka kheragu fofodu mae Jiu, nei ka iheire te theome Jiu. Iara namo lehe ka namono biꞌo, nei ka namhata, nei ka thongna. Eghuteuna iara namo lehe ka iheire te chekeni “Ghehati naikno khiloau” nu mare chaichaghi kolho.

Ululahu Tesalonika 2:2

Ghotilo laseni ame ari posa nga ka ghotilo teku na, ghehati neke au papara ka namono Filipae. Mae biꞌo mala baubatu ka namono tuana cheke fadiꞌa ghami ghehati. Nu neubane khale ghami kmana hoholo, noda God ne togho ghami ghehati mala frane te toutonuni ka ghotilo u Nonomho te Keli na.

Ululahu Tesalonika 2:14

Uve kheraguro, ghotilo filo leghudi naikno khiloau te au ka namono Judia. Ghotilo neke au papara ka kherami themi, jateula naikno khiloau teke au papara ka hatimare mae Jiu.

Ululahu Tesalonika 2:16

Mare fariuriu lhoti ghami ghehati te mala cheke ranghidi iheire te theome Jiu mala fakarhidi. Kate eni igne, mae Jiu tuare fodu salaꞌui ka nakhibo. Eghuteuna leghu lahu na, diꞌatagna God na la meihi ke klignadi mare.