Mae Khuru 14:23 - Buka Blahi Ka Cheke Holo

²³ Mae Pol ghe mae Banabas ne vavahi keha mae te fatutuani ni Lord te mala mae baubatu ka soasopaigna khiloau. Eghuteuna snakre laodi ka Lord ka dangna nei tharai.

Mae Khuru 14:23 ပူးပေါင်းရင်းမြစ်များ

Taetus 1:5

Iara neke lilisei fapulo nigho ka moumolu Krit naugna iara magnahaghe nigho te mala ke edi fagnafa keha glepo teke theome edi fagnafa nga teku ra. Nu iara magnahaghei nigho te mala vavahi keha mae mala baubatu ka khiloau gne leuleghu namono. Leghudi unha teke chekedi iara ka iagho ra.

Mae Khuru 11:30

Mare ne salo keha sileni ne tusu lao ka mae Banabas ghe mae Sol, ne hata ne tei ka goro mae biꞌo te mala baubatu gna khiloau Jerusalem.

Jemes 5:14

Jame kaisei ka ghotilo fogra biꞌo fara, mana kilo fodudi mae biꞌo ka khiloau are mala taofini ka oel te blahi nei taraini eghu ka nanghagna Lord.

Fapea Timoti 2:2

Iagho ke toutonu ranghidi mae iheire te rouronudi iagho ra eigna u farirhiu te nomhidi iagho igre teke edi iara ka naikno te kmanare. Eghuteuna mae igre ginauna jaola tangomana te mala farirhiudi keha naiknore.

Mae Khuru 20:32

“Gognaro na iara lisa lao ghami ghotilo ka khamegna God. Mana la kulu tusu arihi ka ghotilo nogna Nonomho te Keli na nei chekeni te namha ghami ghotilo na. Eghuteuna mana tangomana te taji ghami ka cheke igre. Mana ngala te tangomana te farheta ghami nei tusu ranghi ghami glepo te keli na baludi keha nogna naiknore.

Ululahu Timoti 5:22

Ghaoghatho fakeli ame taofini nga mae ihei te mala loku ka khiloau na eghu. Kate filoni iagho mae biꞌo ka khiloau te tapla jafra ka nakhibo na, thosei ke tapla jafrala ngau iagho eghu. Nu reireghi nigho themu mala klino.

Mae Khuru 20:17

Mae Pol au neu Maelitas ne fatei nonomho ranghidi mae biꞌo ka khiloau Efesus mala ke mei mare filoni mana.

Fatilo Jone 1:1

Iara mae mala baubatu ka khiloau. Ranghi nigho thabusigna Gaeasi. Iara thofno namha nigho.

Fapea Jone 1:1

Iara mae mala baubatu khiloau, magnahaghei te riso ari letas igne ranghidi nakrupe vavahi nei goro thugna te thofno namhadi iara. Theome thegu iara ngala, nu naikno khiloau te gnafa te lasei u tutuani eigna mae Kraes te au balugu iara igre kafe namha ghami ghotilo.

Ululahu Pita 5:1

Iara kaisei mae mala baubatu ka khiloau. Iara neke thofno filo tathagu mae Kraes na neke au papara fara. Eghuteuna iara ginauna hata nafnakno biꞌo baludi kmana naikno ka narane nate thakle mei mae Kraes ka tahati na. Eghume, iara magnahaghei te cheke faheta ka ghotilo mae mala baubatu ra mala

Ululahu Timoti 5:1

Kate fadoglini kaisei mae tela kueku'ehi na, iagho thosei cheke fabiꞌo ka mana. Nu iagho famane cheke ranghini mana jateula te cheke ka mae kmamu themu eghu. Fadoglidi hatimare mae majaghani jateula thabusigna eghu,

Mae Khuru 15:6

Hatimare mae khuru nei hatimare mae biꞌo ka khiloau gnokro fodu ne rogheni puhi igne.

Mae Khuru 15:4

Kate posa mare Jerusalem na, hatimare mae khuru, nei hatimare mae biꞌo ka khiloau, nei naikno fatutuani eghu re kubaedi nei taji fakelidi. Aonu, mae Pol, mae Banabas nei mae teke tei baludi phiamare eghu re ne toutonudi unha te edi God ka mare re.

Ululahu Pita 5:10

Uve, leghu fata na God togho ghami ghotilo ka nogna khokofakasai te biꞌo. Eghuteuna naugna ghotilo te nogna mae Kraes na, mana kilo ghami ghotilo mala hata balugna nafnakno biꞌo te au fabrahu tifa te tifa. Gognaro na ghotilo au papara katha vido kmoꞌei kolho, nu God ginauna togho ghami mala ke majaghani fapulo nakarhamire nei fadodoglo nomi fatutuani ghotilo na. Eghuteuna mana ginauna jaola tusu ranghi ghami nolaghi mala tangomana ghotilo te au heta fabrahu na.

Fapea Timoti 1:12

Eghuteuna gognaro na iara au papara naugna iara ne toutonu eigna u Nonomho te Keli gne. Nu iara theome mamaja naugna iara laseni mae Jisas, mae ihei iara te fatutuani nihi. Iara laseni fara igne, mana tangomana te taji fakelini nogu gloku iara te mala toutonuni Nonomho te Keli igne ghilei thoke mei narane leghu lahu na.

Mae Khuru 15:23

Hatimare ne tusu lao letas igne ka phiamare: Ghehati mae khuru nei mae mala baubatu ka khiloau nei kherami fofodu ka khiloau agne Jerusalem, Magnahaghei te kubae ghami ghotilo naikno khiloau te theome Jiu te au ka namono Antiok nei ka phei Provins Siria nei Silisia.

Mae Khuru 14:26

Jare phiamare saghe ka vaka neke pulo Antiok, ka namono aheva khiloau teke tusu ranghidi phiamare tifa u nolaghi malagna nodi gloku teke la mei fahuhui phiamare gognaro gne.

Luku 23:46

Ka vido tuana, mae Jisas ne eha eghu fabiꞌo, “Mama, iara snakre ari ka iagho tharungagu na.” Ke leghugna igne mana ne lehe.

Nonomho Te Keli Teke Risoi Mae Mak 3:14

mana ne vavahi nabotho phei mae. Mae Jisas kilodi mae igre, mae khuru. Mana ne vahidi mae igre mala au balugna mana fabrahu. Eghuteuna mana kuru fajifladi mare mala tei toutonuni Nonomho te Keli na.

Luku 2:37

Eghuteuna ke leghugna te lehe khetogna na, naꞌa ne au kolho nabagna nhanasalei fati finogha. Anna gne theome tei kokoni u nogna Sugablahi God na nu bongi narane na naꞌa au kolho jare mala dangna nei tarai eghu.

Mae Khuru 1:24

Aonu ke leghugna igne, mare ne kafe tarai ne cheke eghu, “Lord, iagho kafe lasedi nagnafadi naikno te gnafare. Lord, vavahi ranghi ghami mae ihei ka phia mae igre

Fapea Korin 8:19

Jaola, khiloau gre neke vavahi mae igne mala tei balumi ghehati kate tusu laogna ghehati sileni teke salo igne. Ghehati eni gloku igne mala kilo fafnaknoni Lord nei mala falalaseni ghehati te magnahagheni fara te toghodi keha kherada te au kuma ka khiloau gne.

Matiu 17:21

Nu nafnata naitu igne tangomana te jifla mei kolho kau tarai nei dangna.”