Mae Khuru 14:17 - Buka Blahi Ka Cheke Holo

¹⁷ Neubane eghu ngau, mana leuleghu fata na lolokelidi naiknore nei fatakleni thegna ranghidi. Uve, mana neke tusu ranghi ghami ghotilo nakhete te soru mei kau maloa gne, nei nhigra mala fabruara gano. Mana jaola tusu ranghi ghami ghotilo kmana gano, nei faglealeꞌadi nagnafami ghotilo re.”

Mae Khuru 14:17 ပူးပေါင်းရင်းမြစ်များ

Profet Joel 2:23

Ghotilo naiknomi ka namono Saion! Ghotilo gleale'a ka unha teke edi iara nomi Lord nei nomi God, iara eni igne mala togho ghami ghotilo. Ka narane te joꞌu ghotilo na, iara na snakre mei nakhete mala karha gano te joꞌu ghotilo ka nagare ra, jateula teke eni iara ka ghotilo tifa ia eghu.

Thoutonu Eigna Mae Job 5:10

Mana kuru soru mei nakhete ka glose, nei khoꞌu ka nagare.

Diutronomi 11:14

jame te eghu ghotilo na, mana ginauna kuru mei nakhete ka nomi glose ghotilo gne ka thofno naranegna na. Uve, famane nakhete ginauna mei ka narane te mala kaikaliti joꞌu nagare, nei ka narane mala famane kotu gano. Ka puhi jateula igne teuna ghotilo ginauna au ghemi kmana gano, nei waen, nei oel mala kuki.

Profet Isaia 5:6

Iara ginauna lisa lao ka gnarho fachuchuru mala thafru ka vido igne, eghuteuna iara ginauna theome snakreni nakhete na mala soru mei ka nagare igne. Iara ginauna lisa lao vido igne mala vuhai namono nagou kolho.”

Ululahu Timoti 6:17

Cheke faheta ranghidi iheire te dedei fara ka nauthoglu igne mala thosei fahaehaghe fara nei thosei rouronudi glepo nate dofidi kaisei narane, nu cheke ranghidi mala fatutuani ni God mae ihei te tusu ranghi ghita gobigna lepo te keli mala gleale'a tahati.

Profet Esikiel 34:26

Iara ginauna fablahi vido nei namhata eghu te au faligohoni nogu thogele blahi iara igne. Iara ginauna kuruni nakhete mala soru mei ke kligna glose ka thofno nogna narane na, mala kotu kmana glepo te keli.

Profet Jeremaea 5:24

Iara kuru mei nakhete ka narane te mala joꞌu nei ka narane te mala karha gano nei narane te mala ghano nagare teu ghotilo ka finogha igre. Nu ghotilo theome ghatho tahu ghau iara God, nomi Lord.

Nodi Khoje Hatimare Mae Jiu 145:9

Leuleghu fata na thono keli fara ranghi ghita hui, nei mana tangomana te kokhoni ghita na eghu.

Diutronomi 28:12

“Maloa gne jateula kaisei suga te mala liliseidi nogna famane glepo Lord ra eghu, eghuteuna mana ginauna tothora maloa gne mala soru mei nakhete ka thofno narane gna na. Lord ginauna fablahidi ghemi nagare ghotilo are mala au kmana gano. Eghume ghotilo ginauna au ghemi kmana gano, eghuteuna naiknodi keha kantri are tangomana te mei kaoni ka ghotilo. Eghuteuna theo kaisei glepo nate faꞌiho ghami ghotilo te mala tei kaoni ghotilo ka keha kantri delei.

Levitikas 26:4

iara ginauna kuru mei nakhete malami ghotilo ka thofno narane gna na, mala tangomana ghotilo te au ghemi kmana gano ka nomi glose ghotilo re, eghuteuna nomi gaju ghotilo re tangomana jaola te au kmana sisi na.

Luku 6:35

“Nu ghotilo namhadi nomi naokare, nei lolokeli ranghidi. Ghotilo tufa glepo ka keha naikno are, eghuteuna thosei ghathoni nake tughu fapulo mare teuna. Te eghu ghotilo na, God ginauna na taba fabiꞌo ghami ghotilo, naugna puhimi ghotilo re ginauna gaglana fara te goro thugna God ghotilo na. Naugna God na toghodi fabrahu iheire te theome ghatho tahuni mana, nei iheire te diꞌa fara.

Profet Jeremaea 14:22

Ba, nodi god mae bongihehe igre au nolaghi te mala snakre mei nakhete ka ghehati na? Ba, maloa thegna kolho te au nolaghi te mala snakre mei nakhete ka ghehati na? Thono theo fara! Lord nomi God, kaisei iagho kolho te tangomana na. Ghehati fatutuani nigho iagho kolho, naugna iagho kolho te tangomana te edi gobigna lepore.

Nodi Khoje Hatimare Mae Jiu 52:1

Iagho mae biꞌo te nheta fara kau magra ia, naugna unha sagho te fahaehaeghedi fara puhi te diꞌa grea? Eigna puhigna God te keli ranghini naikno na au fabrahu tifa tifa.

Thoutonu Eigna Mae Job 37:6

Mana cheke ka thina aes na mala khoko soru mei ke kligna glose, eghuteuna mana cheke ka nakhete na mala nakhete fabiꞌo.

Nehemaea 9:25

Mare magra ne hata namono ringni te lithui ka thina nei glose te thofno keli fara teu igre. Mare neke hata suga te fodu ka famane glepo te keli nei seu teke dokhahi naikno teke au ka namono igne, nei nagare grep, nei nagare oliv, nei keha gaju te ure kmana sisi te keli tadi. Mare ghamu kmana gano fara ne ghilei blokha fara. Eghuteuna leuleghu fata na mare glealeꞌa fara ka glepo teke tusu lao iagho ka mare igre.

Ululahu Kings 18:1

Ka fatilo finogha te theome nakhete igre, Lord ne cheke eghu ka profet Elija. “Iagho tei filoni King Ehab. Eigna iara ginauna na theome raugha na kuru meini nakhete na.”

Matiu 5:45

Te eghu ghotilo na, ghotilo ginauna goro thugna God mae Kmami te au teu kligna. Naugna God namhadi iheire te diꞌa ranghini. Tutuani, mana neke eni naprai mala phae ke klignadi iheire te keli ba ke klignadi iheire te diꞌa. Mana jaola neke eni nakhete na mala soru ke klignadi iheire te keli ba ke klignadi iheire te theome keli.

Profet Isaia 22:13

Nu ghotilo maꞌe nei ei gaghamu eghu kolho! Uve, ghotilo theome gnafa te falehe buluka nei sipu teu te mala ima ghemi nei koꞌu ghemi teuna. Eghuteuna ghotilo cheke eghu koba, “Te keli na tahati ima gheda nei koꞌu gheda eghu, naugna nathuꞌu na tahati ginauna kafe lehe.”

Thoutonu Eigna Mae Job 36:31

Ka nakhete, God reireghidi naiknore, eghuteuna mana tusu mei kmana gano te keli ka mare.

Nodi Khoje Hatimare Mae Jiu 4:7

Naikno te chekedi glepo igre keli tadi fara kate au kmana ghedi wit ka nagare na, nei au ghedi kmana waen te mala koꞌu na. Nu glealeꞌa te lilisei iagho ka thiꞌagu iara na ke biꞌogna nodi glealeꞌa naikno igrei.

Profet Isaia 40:21

Ba, ghotilo theome laseniu kolho? Ghotilo theome nomhini kolho? Ghotilo theome laseni ka ihei nga thoutonu eigna nauthoglu igne teke kulu vuavuha na?

Mae Khuru 14:18

Neuba ngau phiamare cheke igre, thono ninhigrana ranghidi te fanogradi te mala thosei fafara ka phiamare na.

Mae Khuru 17:26

Vike te gnafa te au ka nauthoglu thongana igne neke fufunu mei ka kaisei mae ngala eghuteuna God tusu ranghidi soasopaigna nodi vido glose te mala au na ke lamnagna u nauthoglu igne. Mana la kulu lilisei naranedihi te mala karha ba te mala lehe na, ba ka vido glose aheva te mala thuru sorudire.