Mae Khuru 14:1 - Buka Blahi Ka Cheke Holo

¹ Jare ka namono Aekoniam mae Pol ghe mae Banabas ne jaola ne ruma ka nodi suga tharai mae Jiure. Kmana naikno ne fatutuani ni mae Jisas, naugna phiamare ne cheke balu nolaghi.

Mae Khuru 14:1 ပူးပေါင်းရင်းမြစ်များ

Mae Khuru 18:4

Leuleghu narane Sabat na mae Pol ne tei toutonu ranghidi mae Jiu nei mae Griki ka suga tharai na mala fatutuani ni mae Jisas.

Mae Khuru 13:51

Aonu mae Pol ghe mae Banabas kegra ke uludi naiknore ne ghiha koko gnagnapa ka ghahedire, igne fagaglana te nogna naoka God mare na. Ke leghugna igne, phiamare jifla Antiok ne tei Aekoniam.

Mae Khuru 13:46

Nu mae Pol ghe mae Banabas ne theome mhaghu ne cheke eghu, “Ghepa magnahaghei te kulu toutonuni ka ghotilo mae Jiu chekegna God gne. Nu ghotilo tiromi fanomho, eghuteuna ghotilo vahi ghami themi te theome nabami te hatini u karha fei tifa na. Eghume ghehati gognaro na tei ka keha naikno te theome Jiu.

Mae Khuru 14:21

Phiamare ne toutonuni u Nonomho te Keli na jare Debi, eghuteuna kmana naikno ne fatutuani ni mae Jisas. Aonu mae Pol ghe mae Banabas neke pulo ka namono Listra, Aekoniam nei Antiok.

Galesia 3:28

Eghume theo kaisei glepo te nhogri ka iheire te kaisei balugna mae Jisas Kraes, neubane mae Jiu ba theome mae Jiu, neubane mae sneka ba mae snagla, neubane nalhaꞌu ba gaꞌase. Ghotilo te hui na kaisei ngala.

Letas Teke Riso Tei Mae Pol Ka Khiloau Rom 10:12

Naugna mae Jiu gre mare theome nhogri ka mae te theome Jiu gre. Tahati te gnafa na kaisei noda Lord ngala, mana tangomana te tusu lao glepo te keli ka iheire fateo te tore ka mana te mala toghodi na.

Letas Teke Riso Tei Mae Pol Ka Khiloau Rom 1:16

Tutuani, iara theome mamajani te toutonuni u Nonomho te Keli na, naugna Nonomho te Keli na nogna nolaghi God mala fakarhidi gnafa iheire te fatutuani ni mana. Ulu lahu na mana fakarhidi naikno Jiu iheire te nomhini igne, eghuteuna ke leghu na mana jaola fakarhidi iheire te theome Jiu.

Mae Khuru 19:17

Kate nomhini thoutonu igne, naikno Jiu ba Griki te au ka namono Efesus gre ne kafe mhaghu nodi fara. Eghuteuna naiknore ne ghatho tahuni nanghagna noda Lord Jisas.

Mae Khuru 19:8

Jame thilo nhigra, mae Pol ne tei koba ka suga tharai na ne cheke faheta fara ka naiknore. Mana ne frane ne toutonu ka naiknore mala laseni eigna u nakarha God te funei frunini.

Mae Khuru 18:8

Mae biꞌogna suga tharai igne, nanghagna na mae Krispasi, mana baludi naikno te gnafa te au ka tharaknagna mana na ne kafe fatutuani ni Lord. Eghuteuna kmana naikno langau Korin ne fanomho ka mae Pol. Mare fatutuani ni mae Jisas ne apublahi.

Mae Khuru 17:12

Kmana mae Jiu ne fatutuani ni mae Jisas. Eghuteuna jaola kmana nakrupe Griki nei mae biꞌo Griki eghu ne funu fatutuani nila mae Jisas.

Mae Khuru 17:4

Keha mae Jiure ne fatutuani ne leghudi mae Pol ghe mae Silas. Jaola kmana naikno Griki te pogho soruni God nei kmana nakrupe eghu ne leghudi phiamare.

Mae Khuru 13:43

Ka suga tharai na, jare kmana Jiu nei keha naikno teke theome Jiu tifa re, eghuteuna gognaro na mae Jiu kela pogho soru ranghini God. Ke leghugna tharai na, mare leghudi mae Pol ghe mae Banabas ne tei ka nabrou na. Phiamare ne cheke ranghidi mala leghuni fabrahu u nogna nabrou khokofakasai God na.

Mae Khuru 11:21

Nolaghi nogna Lord na ne au baludi, eghuteuna naikno kmana Antiok ne fatutuani ne leghuni Lord.

Mae Khuru 9:20

Mana doglo ne tei lamnagna nodi suga tharai mae Jiure ne toutonu eigna mae Jisas na thofno Thugna God.

Mae Khuru 21:28

Mare ne eha eghu fabiꞌo, “Ghotilo maemi Israel, togho ghami ghehati! Mae igne tei tongana heva heva cheke fapari ghita tahati nei farirhiudi naiknore mala thosei leghuni nogna vetula mae Moses na, nei cheke faparini noda Sugablahi tahati igne. Eghuteuna gognaro na mana la fatothona Sugablahi gne, naugna mana hata la mei keha mae Griki la ruma ka Sugablahi gne!”

Mae Khuru 20:21

Iara neke orio cheke faheta ranghidi mae Jiu ba mae Griki mala lilisei mare puhidi te diꞌare mala figri ka God nei mala fatutuani ni noda Lord Jisas.

Mae Khuru 17:17

Aonu mae Pol ne cheke ke lamnagna suga tharai na ranghidi mae Jiu nei mae Griki ihei te pogho soru ka thofno God mala laseni u thofno tutuani eigna God. Mana jaola leghu narane na cheke ka naikno teke mei ka maket re.

Mae Khuru 16:1

Mae Pol ghe mae Silas ne tei thoke Debi. Eghuteuna ke leghugna igne phiamare jifla jare neke tei Listra. Kaisei mae khiloau nanghagna na mae Timoti au jare Listra. Idogna mae Timoti gne tifa na neke thau Jiu eghuteuna gognaro na naꞌa thau khiloau. Eghuteuna mae kmagna na kaisei mae Griki.

Mae Khuru 14:2

Nu keha mae Jiu te tirodi fatutuanire ne toutonu chaichaghi ka naikno te theome Jiure mala diꞌa tadi nei theome magnahagheidi eghu mare naikno khiloau re.

Mae Khuru 13:5

Kate tei thoke mare ka namono Salamis ka moumolu Saeprus, phiamare ruma ne toutonuni u Nonomho te Keli nogna God na ka nodi suga tharai mae Jiure. Eghuteuna ka vido tuana mae Jone Mak ne tei baludi phiamare mala toghodi ka gloku na.

Jone 12:20

Keha mae Griki neke haghe la Jerusalem mala tarai ka narane Gaghamu Ghasa-Polho na.

Jone 7:35

Hatimare mae Jiure nomhidi cheke mana igre ne cheke eghu fari thedi, “Sei, na tei aheva si mae ignea mala theome filoni tahati? Ba, na tei ka naikno tahati te au ka namonodi mae Griki ra? Ba mala tei farirhiudi mae Griki are?

Kolose 3:11

Ka nakarha majaghani igne na, naikno te gnafare mala kaisei nanaba ngala. Neuba tahati ne mae Jiu ba theome mae Jiu, neuba tahati ne tohi fagaglana ba theome tohi fagaglana, neuba tahati ne mae sikolu ba tahati maeda holo, ba tahati mae sneka ba tahati mae au snagla kolho, nu kaisei mae Kraes ngala te glepo ulu ka nakarhada na, eghuteuna mae Kraes te au ke lamnada gnafa.

Galesia 2:3

Eghuteuna mae Taetus te au balugu iara igne, mana theome mae Jiu, nu mana mae gna Griki. Eghuteuna mae biꞌo ka khiloau re, mare theome huhuruni mana mala vahe.

Nonomho Te Keli Teke Risoi Mae Mak 7:26

Naikno biꞌo igne theome Jiu nu naꞌa thau Griki neke karha ka namono Fonisia, ke lamnagna nohi Siria. Naꞌa ne toreni fara mae Jisas mala brueni naitu te au ka thugna gaꞌase na.

Mae Khuru 2:47

nei kilo fnaknoni God. Eghuteuna naiknore ne keli tadi ka mare. Aonu leuleghu narane na God fakarhidi keha naikno te ruma mei ke lamnagna nodi tothoghei naikno khiloau re.

Mae Khuru 14:19

Keha naikno Jiure ne mei funudi Antiok nei Aekoniam. Mare mei ne huhurudi naiknore mala thosei leghuni mae Pol. Aonu mare fadi thina ni mae Pol ne korho teini mana ke kosi namono. Mare gaoghathodi na jaula lehehi mae Pol eghu.

Mae Khuru 16:2

Mae khiloaudi Listra nei Aekoniam teure mare ne ghatho tahuni fara nei cheke fakelini eghu mae Timoti.

Fapea Timoti 3:11

Uve, iagho lasenihi, iara neke kabru nei au papara fara kani au teku ka namono Antiok, Aekoniam nei Listra. Nu noda Lord neke togho ghau nei fakarhi ghau ka puhi te gnafa igre.