Mae Khuru 13:6 - Buka Blahi Ka Cheke Holo

⁶ Thilomare plomho ne thoke Pafos ka keha phile moumolu na. Jare mare ne ludeni kaisei mae Jiu, nanghagna na Bajisas. Keha nanghagna mae igne ka cheke Griki na kiloni mae Elimas. Mae igne kaisei mae profet chaichaghi, naugna mana loku ka naitu khaekae.

Mae Khuru 13:6 ပူးပေါင်းရင်းမြစ်များ

Matiu 7:15

Mae Jisas ne cheke eghu, “Fiofilo ghami ka mae profet chaichaghi are. Ke kosi na jateula te famane sipu eghu filodire. Nu tutuani, mare goigonidi naiknore jateula khuma fakaukathu eghu naugna gaoghathodire jafra fara.

Ululahu Jone 4:1

Uve kheraguro, gognaro na kmana mae profet chaichaghi ka nauthoglu gne. Eghume kate toutonu naiknore, thosei fatutuani nodi cheke te gnafare, nu faglanidi eghu glahula gaoghatho te au ka mare tuare neke mei funu ka God.

Fapea Korin 11:13

Mae tuare theome thofno mae khuru tutuani nu mare mae khuru chaichaghi kolho. Hatimare chaghi eidi nodi glokure, eghuteuna mare fariuriu mala jateula nogna mae khuru tutuani Kraes eghu ka gaoghathodi naiknore.

Nonomho Te Keli Teke Risoi Mae Mak 10:46

Mae Jisas nei nogna mae fanomhore eghu ne mei posa Jeriko. Kate jifla mare jare na, kmana naikno langau ne tei baludi mare. Aonu, kaisei mae te dofu, nanghagna na mae Batimeas, thugna mae Timeas. Mana gnokro koba rhegna nabrou na mala tore sileni ka naiknore.

Matiu 24:24

Naugna ginauna hatimare mae Kraes chaichaghi nei hatimare mae profet chaichaghi teu igre ginauna thakle mei. Mare ginauna edi kmana glepo te biꞌo nei kofubobhoi biꞌo eghu ka naiknore, mala fariuriu chaghidi nei baubatu fadiꞌadi eghu naikno te gnafa teke vavahi God re. Nu theome tangomana eghu.

Matiu 16:17

Mae Jisas ne cheke eghu ka mae Simon, “Iagho keli tamu, ghema Simon, thugna mae Jone. Theo kaisei naikno teke farirhiu nigho tuana. Nu mae Mama te au kligna neke falalase nigho eigu iara.

Profet Sekaraea 13:3

Eghuteuna jame kaisei mae chekeni koba nogna cheke na neke mei funu ka God teuna, kmagna nei idogna teu mana igre repa ginauna cheke eghu ka mana, ‘Iagho mala lehe, naugna iagho ne cheke nigho themu ne kaisei mae profet tutuani, nu iagho chaghi kolho.’ Ka narane tuanala mana na cheke eghu, kmagna nei idogna teu mana igre repa ginauna faleheni ka naflahi.

Eksodas 22:18

“Ghotilo falelehe goro gaꞌase te au naitu te mala falehe naikno are.

Thakle 19:20

Nu kate magra na, mae ihei te saghe ka hose vegha na igne ne hata bosu na, balugna mae profet chaichaghi na. Mae profet chaichaghi igne mana neke eꞌei kofubobhoi ke ulugna bosu na tifa. Eghuteuna ka puhi igne mana chaichaghidi fara naiknore teke hata mare fagaglana gna bosu na nei pogho soru ka mumuju gna na. Aonu mae profet chaichaghi ghe bosu gre karha neu ne koko lao mare ka kholo khaꞌaghi te ngire ka thina te ngaja na.

Fapea Timoti 3:8

Mae te diꞌa igre tirodi leghuni thofno cheke te tutuani na, jateula mae Janisi ghe mae Jabrisi teke eni tifa ranghini mae Moses. Mare theome au kaisei nodi gaoghatho te doglo kolho, eghuteuna nodi fatutuanire la tei jafrahi.

Ululahu Kronikols 10:13

King Sol ne lehe naugna mana ne theome ghatho tahuni Lord, eghuteuna mana neke theome leghudi nogna cheke mana re. Eghuteuna mana neke theome toreni Lord mala toghoni, nu mana tei toreni kaisei naikno biꞌo ihei tangomana te facheke ka tharungadi naikno tela lehehira. Eghume Lord neke faleheni mana, eghuteuna Lord neke vahini mae Devet thugna Jesi mala king tughuni mana.

Ululahu Kings 22:22

“Lord ne cheke eghu ka mana, ‘Ka unha nate eni iagho na?’ Naitu igne ne cheke eghu, ‘Iara ginauna tei chekedi nogna profet mae Ehab igre mala cheke chaichaghi mare.’ “Lord ne cheke eghu, ‘Tei sagho gognarogne, mala tei mana ka magra.’ ”

Levitikas 20:6

“Eghuteuna jame kaisei ka ghotilo tei ka mae ihei tangomana te cheke baludi tharungadi naikno teke lehe tifa ra ba ka keha naitu, iara ginauna figri tagruni mana eghuteuna lisei fadeleini mana ka naiknodi Israel.

Mae Khuru 13:8

Nu mae Bajisas ne tirognadi fara mae Banabas ghe mae Sol. Naugna mana theome magnahagheni fara mae Primia te fatutuani ni mae Jisas.

Mae Khuru 13:13

Mae Pol nei iheire eghu te tei balugna re ne saghe ka vaka funu Pafos ne tei longa Pega, kaisei namono ka Provins Pamfilia. Nu mae Jone Mak ne jifla kokodi mare neke pulo Jerusalem.