Mae Khuru 13:48 - Buka Blahi Ka Cheke Holo

⁴⁸ Kate nomhini te cheke eghu mae Pol na, naikno te theome Jiure ne thofno gleale'a fara. Mare ne cheke fakelini Lord eigna nogna famane nonomho te keli igne. Eghuteuna iheire God teke vahidi te mala hatini u karha fei tifa igne ne fatutuani ni mae Jisas.

Mae Khuru 13:48 ပူးပေါင်းရင်းမြစ်များ

Efesus 1:4

Ka narane theome vuavuha nga teku nauthoglu gne God neke vahi ghita mala nogna thegna kate kaisei tahati balugna Kraes. Tutuani, God neke vahi ghita mala naikno blahi nei theo kaisei najafra ke ulugna mana.

Letas Teke Riso Tei Mae Pol Ka Khiloau Rom 11:7

Igne gaoghathogna naiknodi Israel re theome thafoni kolho nabrou te mala au doglo ka tathagna mana na, neuba mare ne fariuriu fara te mala hironi nabrou te mala au doglo na. Naugna God neke faninhigrana ranghidi te mala fanomho ka chekegna God. Nu keha naiknodi Israel ghu kolho God teke vahidi teke filo deni nabrou te doglo na.

Jone 10:16

Aonu, keha nogu sipure au ngau ke kosi bara. Iara ginauna na atha mei dila ke lamna bara. Reꞌe ginauna nomhini naoglagu iara na, eghuteuna reꞌe ginauna kaisei bukredi ngala nei iara ngala te mala reireghidire eghu.

Jone 11:52

Eghuteuna mae Jisas theome mala lehe tughudi kolho mae Jiu gre, nu mana jaola maladi nogna naikno God te au heva heva ka namono te kmana ka nauthoglu igne. Mana mala hata fodu meidi mala ke kaisei tothoghei ngala mare.

Efesus 1:19

Jaola mala filo glanini ghotilo thofno nogna nolaghi te heta fara te loku ke lamnadi iheire te fatutuani ni mana. Nolaghi biꞌo te loku ke lamnada igne u nolaghi teke fakarha fapuloni mae Kraes kau glehe ia, eghuteuna fagnokroni ka sape nafnakno fei nhetagna kligna.

Mae Khuru 2:41

Iheire naikno te fatutuanidi nogna cheke mae Pita re ne apublahi, naba thilo thogha naikno te ruma haghe ka tothoghei mae khiloau kau narane tuana.

Mae Khuru 22:10

“Eghuteuna iara neke ghusna eghu ka mana, ‘Unha nate eni iara na, Lord?’ “Mana ne cheke eghu, ‘Kegra haghe tei Damaskas. Kaisei mae jare ginauna na cheke ranghi nigho iagho gobigna lepo teke kulu ghaoghaho tekeu God mala edi iagho tekure.’

Luku 7:8

Tutuani fara, iara gne kaisei mae aula mae biꞌo te mala kuru ghau na. Nu au kmana mae soldia langau te mala kurudi iara re. Eghuteuna, te cheke eghu iara ka mae igne, “Tei sagho,” mana na tei. Nu te cheke eghu iara ka keha mae ana, “Mei sagho agne!” mana na mei. Nu te cheke eghu iara ka nogu mae gloku na, “Eni sagho igne!” mana na eni tuana.’ ”

Letas Teke Riso Tei Mae Pol Ka Khiloau Rom 13:1

Ghotilo te gnafa na mala leghudi hatimare mae biꞌo ka gavman, naugna theo kaisei naikno te au nolaghi te mala funei frunidi naiknore jame te theome snakredi God na. Mae biꞌo igre God neke vahidi nei liliseidi ka sape aheva mare te mala funei frunidi naiknore.

Mae Khuru 28:23

Aonu mae Pol nei hatimare mae Jiu teure ne vahini kaisei narane mala teke mei mare ka mae Pol na. Ka narane tuana kmana naikno te mei khapru ka suga te au mana na. Mae Pol ne funu cheke ka mare vuha hamerane ne ghilei thoke fei grafi, rurutha fakeli ka naiknore eigna u nakarha God te funei frunini. Mana ne cheke thakledi u cheke eigna mae Jisas te au ka nogna vetula mae Moses nei ka nodi grioriso hatimare mae Profet. Mana fariuriu fara ka mare mala fatutuani ni mae Jisas.

Mae Khuru 2:47

nei kilo fnaknoni God. Eghuteuna naiknore ne keli tadi ka mare. Aonu leuleghu narane na God fakarhidi keha naikno te ruma mei ke lamnagna nodi tothoghei naikno khiloau re.

Mae Khuru 20:13

Mae Pol magnahaghei liu mata mala ke deni ghami ghehati Asos. Aonu ghehati saghe ka vaka na ne kulu tei thoke Asos.

Matiu 28:16

Eghuteuna nabotho kaisei mae fanomho gre jifla ne tei Galili. Mare ne tei ka thogele aheva teke chekeni mae Jisas mala tei mare teku na.

Nodi Khoje Hatimare Mae Jiu 138:2

Iara pogho soru nigho mala cheke fakelini nanghamu na ka sugamu te blahi igne, naugna iagho ne namha ghau iara nei theome ghatho ihoni nou nhaꞌa cheke na. Iagho neke togho ghami ghehati mala laseni nanghamu na nei chekemu eghu te nolaghi fara te salaꞌudi thua nafnotu fateote'o.

Fapea Tesalonika 3:1

Uve kheraguro, tarai ghami mala tangomana chekegna Lord na mala ghosei tei ka namono te gnafa heva heva, eghuteuna naiknore ginauna tangomana te nomhini nei ghatho tahuni eghu farirhiu tuana, jateula teke enihi ka ghotilo ia eghu.

Ululahu Korin 16:15

Ghotilo lasenihi tharaknagna mae Stefanas ia. Mare ngala teke kulu fatutuani ni Kraes na ka Provins Akaia, eghuteuna mare loku fabrahu mala toghodi nogna naikno God re. Kheraguro, iara tore ghami mala leghudi naikno te baubatu ghami igre, baludila iheire te loku ka gloku blahi igne.

Mae Khuru 15:31

Kate iu'ijuni mare u letas igne, mare ne keli tadi fara ka letas igne ne gleale'a fara.

Mae Khuru 15:2

Mae Pol ghe mae Banabas theome magnahagheni u nafnata farirhiu te eni mare igne ne cheke faheta fara ka mare. Aonu mae khiloaure ne vahidi mae Pol ghe mae Banabas nei keha mae langau eghu mala tei thoke Jerusalem. Jare mare ne tangomana te cheke eigna puhi igne baludi hatimare mae khuru nei keha mae biꞌo ka khiloau.

Mae Khuru 13:42

Kate jifla mae Pol ghe mae Banabas ka suga tharai na, naiknore ne toredi phiamare mala ke pulo mei e toutonu ranghidi glepo igre ka keha narane Sabat na.

Mae Khuru 8:8

Aonu naiknogna namono tuana ne thono keli tadi fara ka mae Filip.

Matiu 25:46

“Naikno igre ginauna tei au ka vido mala au papara na bongi narane. Eghuteuna, naikno te doglo ke ulugna God igre ginauna au ka nakarha te theo ka huigna.”

Mae Khuru 13:12

Kate filoni mae Primia unha te eni igne, mana ne fatutuani ni mae Jisas. Naugna mana ne jaglo nogna fara kau thoutonu eigna Lord.

Letas Teke Riso Tei Mae Pol Ka Khiloau Rom 8:28

Eghuteuna te laseni tahati na, ka gobigna lepo te posa ka tahati naikno te namhani God, God ginauna na edi fakeli gobigna lepo ka nakarhadare. Mana eni igne maladi naikno teke vahidi mana re, leghuni nogna gaoghatho thegna na.

Efesus 1:5

God neke namha ghita nei vahi ghita vuha tifa mala thugna mana ka nogna gloku mae Jisas Kraes. Igne unha te magnahagheni nei gleꞌani teu God na.

Efesus 1:11

Gobigna lepo igre God neke edi leghuni nogna gaoghatho nei glalase teu thegna na. Mana ne leghuni nogna gaoghatho thegna na neke vahi ghita tifa mala nogna naikno Kraes.