Mae Khuru 13:41 - Buka Blahi Ka Cheke Holo

⁴¹ “ ‘Ghotilo naikno te maꞌeni God ra, filo mala jaglo nomi. Ghotilo ginauna lehe! Naugna iara na eni kaisei nogu gloku gognaro na. Eghuteuna neuba mare ne chekeni ka ghotilo eigna igne, ghotilo ginauna na theome fatutuanidi unha te nomhidire.’ ”

Mae Khuru 13:41 ပူးပေါင်းရင်းမြစ်များ

Profet Habaku 1:5

Lord ne cheke eghu, “Ghotilo nogu naikno iara ra. Ghotilo filo fakeli ka keha kantri are. Ghotilo ginauna rhana nomi ka unha nate filodi ghotilore. Uve, na theome raugha, kaisei glepo ginauna thoke mei. Kate nomho thoutonu eigna igne, ghotilo ginauna tiromi fatutuani kolho.

Ululahu Pita 4:17

Naugna narane God nate mala fatedi naiknore la fufunuhi. Mana ginauna na kulu fufunu ka nogna naikno thegna re. Te fufunu mana ka tahati na, ginauna thofno ninhigrana ranghidi iheire te theome fatutuani ni u Nonomho te Keli teke mei funu ka God thegna igne.

Proveb 5:12

Eghuteuna iagho ginauna cheke eghu, “Iara thono fameomekro fara! Naugna iara neke tirogu leghuni puhi te doglo na, nei tiroguni mae te mala fadogli ghau na!

Ululahu Tesalonika 2:16

Mare fariuriu lhoti ghami ghehati te mala cheke ranghidi iheire te theome Jiu mala fakarhidi. Kate eni igne, mae Jiu tuare fodu salaꞌui ka nakhibo. Eghuteuna leghu lahu na, diꞌatagna God na la meihi ke klignadi mare.

Mae Khuru 13:47

Naugna Lord neke cheke eghu faheta ka ghehati, “ ‘Iara neke vahi nigho iagho mala jateula kaisei juta eghu mala faphaedi naikno te theome Jiu gre, mala tangomana iara te fakarhidi te gnafa naiknogna nauthoglu igne.’ ”

Mae Khuru 22:21

“Nu Lord ne cheke eghu ka iara, ‘Jifla sagho gognaro! Iara ginauna na kuru tei nigho iagho kate gaꞌu ka namono aheva te au naikno te theome Jiu.’ ”

Luku 16:14

Mae Farasi nomhini igne ne maꞌeni mae Jisas, naugna mare magnahaghe sileni fara.

Profet Isaia 65:15

Naikno nate vavahi iara re ginauna cheke ka nanghami ghotilo mala cheke fadiꞌadi keha naiknore. Iara Lord ginauna falehe ghami ghotilo, nu iara ginauna tusu lao nangha majaghani ka nogu mae glokure.

Profet Isaia 5:24

Naugna igne, Lord ginauna thono para ghami ghotilo, jateula khaꞌaghi te ghamu buburu te brango ra eghu. Uve, Lord ginauna goigoni ghami ghotilo jateula gaju te boto glathigna na, eghuteuna chechenge gna na brango eghuteuna pala me tei nuri delei teura eghu. Mana eni igne, naugna ghotilo ne tiromi fanomho ka nogna farirhiu noda God tahati maeda Israel mae ihei te au nolaghi fateote'o igne.

Mae Khuru 3:23

Ihei te theome nomhidi nei leghudi teu nogna cheke mae profet igne na, God ginauna na hata fadeleini mana ka nogna naiknore mala au ka glehe.’

Mae Khuru 6:14

Ghehati nomhini mana neke cheke eghu, ‘Mae Jisas gna Nasaret igne ginauna na paꞌe soru Sugablahi igne, eghuteuna mana ginauna na tuthughu puhi teke chekedi mae Moses ka tahati ra.’ ”

Luku 23:35

Naiknore kegra jare filo neu. Nodi mae biꞌo hatimare mae Jiu gre ne maꞌeni mae Jisas ne cheke eghu, “Tore, mae igne fakarhidi keha naiknore. Te mana tutuani mae Kraes teke vavahi God na, lisa laoni mala fakarhini mana thegna.”

Profet Esikiel 33:9

Jame iagho la chekehi ka mae te diꞌa puhigna na igne mala ke tughu mana puhigna te diꞌa na, nu te theome koko kolho mana puhigna te diꞌa na teuna, mana ginauna lehe ka nakhibogna thegna. Nu iagho ginauna theo nakhibomu ka puhi igne, eghuteuna iagho theome tangomana te lehe na.”