Mae Khuru 13:33 - Buka Blahi Ka Cheke Holo

³³ Eghuteuna God neke eni u nhaꞌa cheke igne ne tutuani ka tahati thudi mare re. Mana neke eni igne kate fakarha fapuloni mae Jisas kau glehe na, jateula te chekenihi ka buka Sam phei philegna, “ ‘Iagho mae Thugu iara. Funu gognaro gne, iara mae Kmamu iagho.’

Mae Khuru 13:33 ပူးပေါင်းရင်းမြစ်များ

Nodi Khoje Hatimare Mae Jiu 2:7

King na ne cheke eghu, “Gognarona iara na chekeni unha teke chekeni Lord ia. Mana neke cheke eghu ka iara, ‘Iagho mae thugu iara. Funu gognaro gne, iara mae kmamu iagho.

Hibru 5:5

Mae Kraes jaola neke theome vahini thegna mala hata u nafnakno te mala kaisei mae pris biꞌo na, theo! Nu God neke vahini mana neke cheke eghu ka mana, “Iagho mae Thugu iara, funu gognaro iara mae Kmamu iagho.”

Jone 2:22

Ke leghugna teke karha fapulo mana ka glehe na, nogna mae fanomho manare neke ghathoni unha teke chekeni mana igne. Eghuteuna, mare ne fatutuani ni unha teke chekedi mae Jisas re nei grioriso blahi na.

Mae Khuru 2:24

Nu God ne hata fajiflani mana ka nolaghi te mala lehe na, eghuteuna ke fakarha fapuloni kau glehe. Naugna glehe na theo kaisei nogna nolaghi te mala loku famakuni mana na.

Mae Khuru 2:32

Tutuani, God neke fakarha fapuloni mae Jisas kau glehe, eghuteuna ghehati te hui na la thofno filonihi ka tathamire.

Mae Khuru 9:20

Mana doglo ne tei lamnagna nodi suga tharai mae Jiure ne toutonu eigna mae Jisas na thofno Thugna God.

Mae Khuru 13:30

Nu God neke fakarha fapuloni mana kau glehe!

Mae Khuru 13:34

God neke fakarha fapuloni mae Jisas kau glehe, mala theome boto thinigna mana na ka glose. Eghume God neke cheke eghuhi, “ ‘Tutuani fara, iara ginauna na tusu ari ka ghotilo u thofno fablahi teke nhaꞌa chekeni iara ka mae Devet ia.’

Mae Khuru 13:37

Nu mae Jisas, mae ihei teke fakarha fapuloni God igne mana neke theome boto ka gluma na jateula mae Devet.