Mae Khuru 13:32 - Buka Blahi Ka Cheke Holo

³² “Ghehati toutonu ka ghotilo u Nonomho te Keli eigna nhaꞌa cheke teke eni God ka mae kuꞌeda tifa ra.

Mae Khuru 13:32 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 4:13

God nhaꞌa cheke ka mae Ebraham nei goro thugna na te mei ginau ke leghugna mana, u nauthoglu igne mala nodi mare. Nu God neke eni nhaꞌa cheke igne ka mae Ebraham theome eigna te eni mana unha te chekeni ka nogna vetula mae Moses na. Theo. Naugna mae Ebraham gne neke fatutuani ni God, God ne filo glanini mana jateula kaisei mae te doglo.

Mae Khuru 26:6

Eghuteuna gognaro na mare magnahaghei te fate ghau iara naugna iara ne thofno fatutuani ni u nhaꞌa cheke teke eni God ka mae ku'emi ghehati tifa ra!

Profet Esikiel 34:23

Iara ginauna vahini kaisei nogu mae gloku ka vikegna Devet mala nodi king mare. Eghuteuna mana ginauna reireghidi nogna naiknore jateula mae ihei te reireghidi nogna sipura eghu.

Letas Teke Riso Tei Mae Pol Ka Khiloau Rom 9:4

God neke vahidi naiknodi Israel mala jateula goro thugna eghu neku, eghuteuna mare jaola neke filoni nogna nolaghi biꞌo mana na. God neke edihi nogna nhaꞌa chekere baludi mare, eghuteuna tusu ranghidi u nogna vetula mae Moses na. Mana jaola farirhiudi thofno puhi te mala pogho soruni God na, eghuteuna mana neke nhaꞌa cheke ranghidi kmana glepo.

Mae Khuru 13:38

“Uve, kheraguro, iara magnahaghei ghami ghotilo te lase fakelini unha te chekeni ghehati ka ghotilo eigna mae Jisas igne. God tangomana te hata fadeleidi nakhibomi ghotilo re ka mae Jisas ngala. Eghuteuna mae ihei te fatutuani ni mae Jisas na, mana ginauna doglo fara ke ulugna God. Eghuteuna God ginauna hata fadeleidi nakhibogna mana re mala snagla mana. Uve, God theome hata fadeleidi nakhibognare mala snagla mana kate leghuni kolho nogna vetula mae Moses na.

Profet Sekaraea 6:12

Eghuteuna iagho cheke ka mana eigna Lord mae ihei te au nolaghi fateote'o igne neke cheke eghu, ‘Fanomho mei! Mae ihei te kiloni nanghagna na Grege igne ginauna biꞌo haghe nei nheta eghu. Mae igne ginauna nake babana fapuloi nogu Sugablahi iara na,

Profet Maeka 5:2

Lord ne cheke eghu, “Ghotilo naiknomi ka namono ikoi Betlehem, ka nohi Efrata. Nomi namono ghotilo igne kaisei namono ikoi kolho ka namono te gnafa te au falithui ghami ghotilo. Nu neuba, iara ginauna vahini kaisei mae ka vikemi ghotilo agne Juda, mala funei fruni ni Israel. Tharakna gna mae igne kaisei tharakna thofno ulu fara neke mei funu tifa.”

Profet Jeremaea 23:5

Lord ne cheke eghu, “Nogu Narane iara na ginauna mei. Ka narane igne, iara ginauna vavahi kaisei mae te keli ka vikegna King Devet. Mae igne ginauna kaisei king te au tagna gaoghatho te keli, eghuteuna mae igne ginauna funei frunini kantri igne ka puhi te thofno doglo fara.

Letas Teke Riso Tei Mae Pol Ka Khiloau Rom 10:15

Ba, faꞌunha eghu ihei nate toutonuni u Nonomho te Keli na, jame te theo kaisei naikno te kuru teini God te mala toutonu ka mare na? Mana ne kurudi mare mala toutonu jateula te chekeni ka grioriso te blahi na, “Thofno keli fara te mei naiknore te mala toutonuni u Nonomho te Keli na!”

Mae Khuru 5:42

Leuleghu narane na mae khurure ne theome gnafa te farirhiudi naiknore ka Sugablahi na ba ka sugadi thedi re. Eghuteuna mare ne toutonuni fabrahu u Nonomho te Keli eigna mae Jisas Kraes.

Mae Khuru 3:19

Eghume ghotilo hogri nagnafa, mala ke figri ka God, mala hata fadeleidi mana nakhibomire.

Luku 2:10

Engel na ne cheke eghu ka mare, “Thosei mhaghu! Naugna iara hata mei keha nonomho te keli ka ghotilo. Naikno te gnafare ginauna na keli tadi fara ka nonomho igne.

Luku 1:19

Engel na neke cheke fapulo ka mana, “Iara Engel Gabriel. Iara kegra ke ulugna God, nu mana kuru mei ghau iara ka iagho mala toutonu ranghi nigho iagho u nonomho te keli igne.

Profet Malakai 4:2

Nu ghotilo naikno te ghatho tahuni nanghagu iara na igre nogu nolaghi iara na ginau soru mei ke klignami ghotilo jateula naphaegna naprai te agha soru mei funu klignara eghu mala fablahi ghami ghotilo. Eghume, ghotilo ginauna na snagla nomi nei glealeꞌa nomi eghu, jateula sua buluka te jifla balu glealeꞌa ka bara na te ghasa tafri ra eghu.

Profet Malakai 3:1

Nu Lord mae ihei te nolaghi fateotei igne ne cheke eghu, “Iara ginauna kuruni nogu mae mala atha nonomho na mala kulu tarabana nabrou gu iara. Nomi Lord te ofoni teu ghotilo igne ginauna megeinga mei ka nogna Sugablahi na. Uve, mae te thofno magnahaghei filoni ghotilo igne ginauna mei, eghuteuna mana ginauna chekeni nogu nhaꞌa cheke iara na.”

Profet Sekaraea 13:7

Lord mae ihei te au nolaghi fateote'o igne, mana ne cheke eghu, “Nogu naflahi mala magra iara! Iagho tarabana mala magra ka kheragu iara mae ihei te reireghi nogu sipu iara gre. Iagho faleheni mana, eghuteuna sipu igre ginauna tei tafri. Iara ginauna jaola magra ka nogu sipu ikodi iara gre.

Profet Sekaraea 13:1

“Ka narane tuana, iara ginauna tothora kaisei famane glokha khoꞌu, ranghini tharaknagna Devet nei naiknodi Jerusalem mala tangomana mare apu te klino ka tathagu iara na eidi nakhibodi re nei keha glepo te fathonadi mare.

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Profet Hagae 2:7

Iara ginau uludi keha kantri are, eghuteuna hata nodi silva nei gol teu mare igre, ne mei fafofodu ka Sugablahi igne.

Profet Isaia 61:1

Nogna mae gloku Lord na ne cheke eghu, “Tharunga gna Lord na au balugu iara, naugna mana neke vahi ghau iara mala toutonuni u nonomho te keli na ka iheire te kuma. Mana neke kuru ghau iara mala fameomegodi iheire te au diꞌanagnafa. Mana neke kuru ghau iara mala toutonu ka iheire te au ka suga sosolo, nei ka iheire te loku jateula naikno sneka teu te mala snagla.

Profet Isaia 52:7

Thofno keli fara te filoni kaisei mae te chari te mei ka thogele ro, mana atha mei famane nonomho te keli eigna pharikeli. Mana toutonu eigna God ginauna fakarhi ghita. Mana ginauna mei Saion mala cheke eghu ka tahati, “Nomi God ghotilo na king!”

Profet Isaia 41:27

Iara Lord kolho, iara mae ulu lahu teke toutonu ranghini Saion unha glepo nate thoke mei ginauna. Lord ne cheke eghu, ‘Filo si ghotilo mare kela pulo meihi.’ Eghuteuna iara gognarona jaola kuruni kaisei mae mala hata tei nonomho te keli igne Jerusalem.

Profet Isaia 40:9

Ghotilo naiknomi Saion ra! Ghotilo haghe ka thogele biꞌo gro, mala toutonuni nonomho te keli na. Ghotilo naiknomi Jerusalem ra thosei mhaghu te mala ehani nonomho te keli igne. Ghotilo tei cheke eghu ka namono biꞌo Juda, “Filo si ghotilo! Noda God tahati na la meihi gognarona!”

Profet Isaia 11:1

Kaisei ing majaghani ka vikegna King Devet thugna mae Jesi ginauna kotu haghe jateula grege majaghani te kotu mei ka pikhu gaju teke kato soru mare pari tifara eghu.

Profet Isaia 7:14

Tutuani fara, Lord thegna ginauna tusu ranghi nigho kaisei fagaglana. Ghotilo ginauna filoni kaisei kupi na bukla, eghuteuna naꞌa ginauna karha kaisei thugna nalhaꞌu, eghuteuna naꞌa ginauna kiloni mana, Imanuel. Gaoghathogna na God na au baluda.

Diutronomi 18:15

Mana ginauna kuruni kaisei mae profet jateula iara eghu mala mei ka ghotilo. Mae profet igne kaisei mae kherami ghotilo, eghuteuna ghotilo ginauna mala leghuni mana.

Jenesis 49:10

Naikno nate karha mei ka vikemu iagho re ginauna mala au fabrahu ka sapegna king na. Eghuteuna naikno te gnafa re ginauna leghuni mae funei ka vikemu iagho na.

Jenesis 26:4

Iara ginauna na snakre ari ka iagho kmana vike mala jateula nathunu te filodi iagho te theome naba te kahadi ka maloa na are eghu. Eghuteuna iara ginauna na snakre lao namono te gnafa igre ka mare. Naikno te gnafa ka nauthoglu igne ginauna na tore ghau iara mala fablahidi jateula teke eni iara ka vikemu iagho gre eghu.

Jenesis 22:18

Naikno te gnafa ka nauthoglu igne mare ginauna na tore ghau iara mala fablahidi jateula teke eni iara ka vikemu iagho ra eghu. Naugna iagho ne ghatho tahu ghau nei leghuni neu nogu cheke iara na.’ ”

Jenesis 12:3

Iara ginauna na cheke fakelini ihei te cheke fakeli nigho iagho na, nei iara na tibrini ihei te tibri nigho iagho na eghu. Naugna iagho nogu iara, eghume iara ginauna na fablahidi naikno te gnafa ka nauthoglu gne.”

Jenesis 3:15

Iara ginauna na eni igne ka iagho mala nogna naoka gaꞌase igne, eghuteuna gaꞌase igne mala nou naoka iagho. Eghuteuna iara ginauna na jaola eni igne ka vikemu iagho re mala nogna naoka vikegna gaꞌase igne. Mare ginauna na tapla poaposa phaꞌumu iagho na, eghuteuna iagho ginauna nake figri faleghu nake kakathu ka ghahedire.”

Mae Khuru 10:36

Ghotilo lasenihi God neke cheke thakleni ka naiknodi Israel re u Nonomho te Keli na mala au tahati kau pharikeli balugna God. Naugna nogna gloku mae Jisas Kraes, mae ihei te funei frunidi naikno te gnafare.

Mae Khuru 13:23

“Aonu God ne hata kaisei mae ka vikegna mae Devet na mala nodi fakarhai hatimare mae Israel, mae igne mae Jisas! Eigna God neke kulu nhaꞌa chekenihi igne.

Mae Khuru 14:15

“Ba tore! Naugna unha site edi ghotilo glepo igrea? Ghepa naikno kolho, naikno jateula ghotilo eghu! Ghepa mei mala toutonuni u Nonomho te Keli gne ka ghotilo mala lilisei ghotilo god teke hohoro kolho naikno te theo nafugna igne mala ke figri ghotilo ka thofno God te karha na. Naugna mana mae teke hohorogna u maloa, u nauthoglu, u thongna, nei gobigna lepo te au ke lamnadi.

Letas Teke Riso Tei Mae Pol Ka Khiloau Rom 1:2

Tifa na, God neke nhaꞌa cheke ranghi ghita eigna u Nonomho te Keli igne, eghuteuna vahidi hatimare mae profet mala rioriso eigna u nhaꞌa cheke igne ka nogna grioriso te blahire.